ಕೀರ್ತನೆ 32:1-11
ದಾವೀದನ ಕೀರ್ತನೆ. ಮಸ್ಕಿಲ್‌.*
32 ಯಾರ ತಪ್ಪುಗಳಿಗೆ,ಯಾರ ಪಾಪಗಳಿಗೆ ಕ್ಷಮೆ ಸಿಕ್ಕಿದೆಯೋ* ಅಂಥವನು ಖುಷಿಯಾಗಿ ಇರ್ತಾನೆ.+
2 ಯೆಹೋವ ಯಾರನ್ನ ಅಪರಾಧಿ ಅಂತ ಹೇಳಲ್ವೋ,+ಯಾರ ಹೃದಯದಲ್ಲಿ ಕಪಟ ಇರಲ್ವೋ ಅಂಥವನು ಸಂತೋಷವಾಗಿ ಇರ್ತಾನೆ.
3 ನಾನು ಮೌನವಾಗಿದ್ದಾಗ, ಇಡೀ ದಿನ ನರಳ್ತಿದ್ದೆ. ಅದ್ರಿಂದ ನನ್ನ ಮೂಳೆ ಸವೆದುಹೋದ್ವು.+
4 ಯಾಕಂದ್ರೆ ಹಗಲೂರಾತ್ರಿ ನಿನ್ನ ಶಿಕ್ಷೆ* ನನಗೆ ಭಾರವಾಗಿತ್ತು.+
ಬಿಸಿಗೆ ಆವಿಯಾಗಿ ಹೋಗೋ ನೀರಿನ ತರ ನನ್ನ ಬಲ ಬತ್ತಿಹೋಯ್ತು.* (ಸೆಲಾ)
5 ಕೊನೆಗೆ ನಾನು ನನ್ನ ಪಾಪವನ್ನ ನಿನ್ನ ಹತ್ರ ಒಪ್ಕೊಂಡೆ,ನಾನು ನನ್ನ ತಪ್ಪನ್ನ ಮುಚ್ಚಿಡಲಿಲ್ಲ.+
“ನಾನು ನನ್ನ ಅಪರಾಧಗಳನ್ನ ಯೆಹೋವನ ಹತ್ರ ಒಪ್ಪಿಕೊಳ್ತೀನಿ”+ ಅಂದೆ.
ಆಗ ನೀನು ನನ್ನ ಪಾಪಗಳನ್ನ, ತಪ್ಪುಗಳನ್ನ ಕ್ಷಮಿಸಿದೆ.+ (ಸೆಲಾ)
6 ಅದಕ್ಕೇ ನಿನ್ನ ಹತ್ರ ಬರೋ ಅವಕಾಶ ಎಲ್ಲಿ ತನಕ ಇರುತ್ತೋ,ಅಲ್ಲಿ ತನಕ ನಿಷ್ಠಾವಂತರು ನಿನಗೆ ಪ್ರಾರ್ಥಿಸ್ತಾರೆ.+
ಆಗ ಪ್ರವಾಹನೂ ಅವರ ಹತ್ರ ಬರೋಕೆ ಆಗಲ್ಲ.
7 ನಾನು ಬಚ್ಚಿಟ್ಟುಕೊಳ್ಳೋ ಜಾಗ ನೀನು,ಕಷ್ಟಗಳಿಂದ ನೀನು ನನ್ನನ್ನ ಕಾಪಾಡ್ತೀಯ.+
ನೀನು ನನ್ನನ್ನ ಬಿಡಿಸಿ ನಾಲ್ಕೂ ದಿಕ್ಕಲ್ಲಿ ಖುಷಿಯನ್ನ ತುಂಬಿಸ್ತೀಯ.+ (ಸೆಲಾ)
8 “ನಾನು ನಿನಗೆ ತಿಳುವಳಿಕೆ ಕೊಡ್ತೀನಿ. ನೀನು ಯಾವ ದಾರಿಯಲ್ಲಿ ನಡೀಬೇಕು ಅಂತ ಕಲಿಸ್ತೀನಿ.+
ನಿನ್ನ ಮೇಲೆ ಕಣ್ಣಿಟ್ಟು ಸಲಹೆ ಕೊಡ್ತೀನಿ.+
9 ನೀನು ಬುದ್ಧಿ ಇಲ್ಲದ ಕುದುರೆ ತರ, ಹೇಸರಗತ್ತೆ ತರ ಆಗಬೇಡ,+ಅದು ನಿನ್ನ ಹತ್ರ ಬರಬೇಕಂದ್ರೆ ನೀನು ಮೊದಲು ಅದಕ್ಕೆ ಕಡಿವಾಣ ಹಾಕಬೇಕು.”
10 ಕೆಟ್ಟವನಿಗೆ ನೂರಾರು ನೋವಿರುತ್ತೆ,ಆದ್ರೆ ಯೆಹೋವನಲ್ಲಿ ಭರವಸೆ ಇಡೋರಿಗೆ ಆತನ ಶಾಶ್ವತ ಪ್ರೀತಿ ಜೊತೆಗಿರುತ್ತೆ.+
11 ನೀತಿವಂತರೇ, ಯೆಹೋವನಲ್ಲಿ ಖುಷಿಪಡಿ, ಉಲ್ಲಾಸಪಡಿ,ಪ್ರಾಮಾಣಿಕ ಹೃದಯದವ್ರೇ, ಸಂತೋಷದಿಂದ ಜೈಕಾರ ಹಾಕಿ.
