ಕೀರ್ತನೆ 26:1-12

  • ನಿಯತ್ತಾಗಿ ಇರೋದು

    • “ಯೆಹೋವನೇ, ನನ್ನನ್ನ ಪರಿಶೋಧಿಸು” (2)

    • ಕೆಟ್ಟ ಸಹವಾಸ ಬಿಟ್ಟುಬಿಡೋದು (4, 5)

    • ‘ದೇವರ ಯಜ್ಞವೇದಿ ಸುತ್ತ ತಿರುಗ್ತೀನಿ’ (6)

ದಾವೀದನ ಕೀರ್ತನೆ 26  ಯೆಹೋವನೇ, ನನಗೆ ನ್ಯಾಯ ಕೊಡಿಸು. ಯಾಕಂದ್ರೆ ನಾನು ನಿಯತ್ತಿಂದ* ನಡ್ಕೊಂಡಿದ್ದೀನಿ.+ ನಾನು ಯೆಹೋವನ ಮೇಲೆ ಇಟ್ಟಿರೋ ಭರವಸೆ ಚಂಚಲ ಅಲ್ಲ.+   ಯೆಹೋವನೇ, ನನ್ನನ್ನ ಪರಿಶೋಧಿಸು, ಪರೀಕ್ಷಿಸು. ನನ್ನ ಮನದಾಳದ ಯೋಚನೆಗಳನ್ನ* ಮತ್ತು ನನ್ನ ಹೃದಯವನ್ನ ಶುದ್ಧಮಾಡು.+   ಯಾಕಂದ್ರೆ ನಿನ್ನ ಶಾಶ್ವತ ಪ್ರೀತಿ ಯಾವಾಗ್ಲೂ ನನ್ನ ಮುಂದಿದೆ,ನಾನು ನಿನ್ನ ಸತ್ಯದಲ್ಲೇ ನಡಿತಿದ್ದೀನಿ.+   ಮೋಸಗಾರರ ಸಹವಾಸ ಮಾಡಲ್ಲ,*+ತಮ್ಮ ನಿಜ ಸ್ವರೂಪವನ್ನ ಮುಚ್ಚಿಡೋರಿಂದ ನಾನು ದೂರ ಇರ್ತಿನಿ.*   ಕೆಟ್ಟವರ ಸಂಘ ನನಗೆ ಅಸಹ್ಯ,+ಕೆಡುಕರ ಸಹವಾಸ ನನಗೆ ಬೇಕಾಗಿಲ್ಲ.+   ಯೆಹೋವನೇ, ನಾನು ನನ್ನ ಕೈಗಳನ್ನ ತೊಳ್ಕೊಂಡು ನಾನು ನಿರ್ದೋಷಿ ಅಂತ ಸಾಬೀತು ಮಾಡ್ತೀನಿ. ನಿನ್ನ ಯಜ್ಞವೇದಿ ಸುತ್ತ ತಿರುಗ್ತೀನಿ.   ನಿನಗೆ ಗಟ್ಟಿಯಾಗಿ ಧನ್ಯವಾದ ಹೇಳೋಕೆ,+ನಿನ್ನ ಎಲ್ಲ ಅದ್ಭುತಗಳ ಬಗ್ಗೆ ಪ್ರಕಟಿಸೋಕೆ ನಾನು ಹಾಗೆ ಮಾಡ್ತೀನಿ.   ಯೆಹೋವನೇ ನೀನು ವಾಸಿಸೋ ಆಲಯ ನನಗಿಷ್ಟ,+ಆ ಜಾಗದಲ್ಲಿ ನಿನ್ನ ಮಹಿಮೆ ಇರುತ್ತೆ.+   ಪಾಪಿಗಳ ಜೊತೆ ನನ್ನನ್ನೂ ಗುಡಿಸಿ ಬಿಡಬೇಡ,+ದೌರ್ಜನ್ಯ ಮಾಡೋರ* ಪ್ರಾಣಗಳ ಜೊತೆ ನನ್ನ ಪ್ರಾಣವನ್ನೂ ತೆಗಿಬೇಡ. 10  ಅವ್ರ ಕೈಗಳು ನಾಚಿಕೆಗೆಟ್ಟ ಕೆಲಸಗಳನ್ನ ಮಾಡುತ್ತೆ,ಅವ್ರ ಬಲಗೈ ಲಂಚದಿಂದ ತುಂಬಿತುಳುಕ್ತಿದೆ. 11  ಆದ್ರೆ ನಾನು ನಿಯತ್ತನ್ನ ಕಾಪಾಡ್ಕೊಂಡಿದ್ದೀನಿ,ನನ್ನನ್ನ ರಕ್ಷಿಸು,* ನನಗೆ ಕೃಪೆ ತೋರಿಸು. 12  ನಾನು ಸುರಕ್ಷಿತವಾಗಿರೋ ಜಾಗದಲ್ಲಿ ನಿಂತಿದ್ದೀನಿ,+ಮಹಾ ಸಭೆಯಲ್ಲಿ* ನಾನು ಯೆಹೋವನನ್ನ ಹೊಗಳ್ತೀನಿ.+

ಪಾದಟಿಪ್ಪಣಿ

ಅಥವಾ “ಸಮಗ್ರತೆಯಿಂದ, ನಿರ್ದೋಷಿಯಾಗಿ.”
ಅಕ್ಷ. “ನನ್ನ ಮೂತ್ರಪಿಂಡಗಳನ್ನ.”
ಅಕ್ಷ. “ಕೂತುಕೊಳ್ಳಲ್ಲ.”
ಅಥವಾ “ಕಪಟಿಗಳ ಜೊತೆ ಸೇರಲ್ಲ.”
ಅಥವಾ “ರಕ್ತ ಸುರಿಸೋರ.”
ಅಕ್ಷ. “ಬಿಡಿಸು.”
ಅಕ್ಷ. “ಸಮ್ಮೇಳನಗಳಲ್ಲಿ.”