ಕೀರ್ತನೆ 16:1-11

  • ಯೆಹೋವ, ಒಳ್ಳೇ ವಿಷ್ಯಗಳ ಮೂಲ

    • “ಯೆಹೋವನೇ ನನ್ನ ಪಾಲು” (5)

    • ‘ರಾತ್ರಿಯಲ್ಲೂ ನನ್ನ ಮನದಾಳದ ಭಾವನೆಗಳು ನನ್ನನ್ನ ತಿದ್ದುತ್ತೆ’ (7)

    • ‘ಯೆಹೋವ ನನ್ನ ಬಲಗಡೆ ಇದ್ದಾನೆ’ (8)

    • “ನೀನು ನನ್ನನ್ನ ಸಮಾಧಿಯಲ್ಲೇ ಬಿಟ್ಟುಬಿಡಲ್ಲ” (10)

ದಾವೀದನ ಮಿಕ್ತಾಮ್‌.* 16  ದೇವರೇ, ನಿನ್ನಲ್ಲಿ ನಾನು ಆಶ್ರಯ ಪಡೆದಿದ್ದೀನಿ. ನನ್ನನ್ನ ಕಾಪಾಡು.+  2  ಯೆಹೋವನಿಗೆ ನಾನು ಹೀಗೆ ಹೇಳಿದೆ “ಯೆಹೋವನೇ ಎಲ್ಲ ಒಳ್ಳೇ ವಿಷ್ಯಗಳು ನಿನ್ನಿಂದಾನೇ ಬರುತ್ತೆ.  3  ಭೂಮಿಯಲ್ಲಿರೋ ಪವಿತ್ರರು, ಪ್ರಮುಖರು,ನನಗೆ ತುಂಬ ಖುಷಿ ತಂದಿದ್ದಾರೆ.”+  4  ಬೇರೆ ದೇವರುಗಳ ಹಿಂದೆ ಹೋಗೋರು ತಮ್ಮ ದುಃಖನ ಜಾಸ್ತಿ ಮಾಡ್ಕೊಳ್ತಾರೆ.+ ನಾನು ಯಾವತ್ತೂ ಆ ದೇವರುಗಳಿಗೆ ರಕ್ತವನ್ನ ಪಾನ ಅರ್ಪಣೆಯಾಗಿ ಸಲ್ಲಿಸಲ್ಲ,ನನ್ನ ಬಾಯಲ್ಲಿ ಅವುಗಳ ಹೆಸ್ರೂ ಬರಲ್ಲ.+  5  ಯೆಹೋವನೇ ನನ್ನ ಪಾಲು, ನನಗೆ ಸೇರಿದ ಆಸ್ತಿ,+ಆತನೇ ನನ್ನ ಪಾನಪಾತ್ರೆಯನ್ನ ತುಂಬಿಸ್ತಾನೆ.+ ನನ್ನ ಆಸ್ತಿಯನ್ನ ಕಾದುಕಾಪಾಡ್ತಾನೆ.  6  ನನಗೆ ಆಸ್ತಿಯಾಗಿ ಒಳ್ಳೇ ಜಾಗಗಳು ಸಿಕ್ಕಿವೆ. ನನ್ನ ಆಸ್ತಿಯಲ್ಲಿ ನನಗೆ ನಿಜವಾಗ್ಲೂ ತೃಪ್ತಿ ಇದೆ.+  7  ನನಗೆ ಸಲಹೆ ಕೊಟ್ಟ ಯೆಹೋವನನ್ನ ನಾನು ಹೊಗಳ್ತೀನಿ.+ ರಾತ್ರಿಯಲ್ಲೂ ನನ್ನ ಮನದಾಳದ ಭಾವನೆಗಳು* ನನ್ನನ್ನ ತಿದ್ದುತ್ತವೆ.+  8  ಯಾವಾಗ್ಲೂ ಯೆಹೋವನನ್ನ ನನ್ನ ಮುಂದೆನೇ ಇಟ್ಕೊಂಡಿರ್ತಿನಿ.+ ಆತನು ನನ್ನ ಬಲಗಡೆನೇ ಇರೋದ್ರಿಂದ ನಾನು ಯಾವತ್ತೂ ಅಲುಗಾಡಲ್ಲ.*+  9  ಹಾಗಾಗಿ ನನ್ನ ಹೃದಯ ಖುಷಿಪಡುತ್ತೆ, ರೋಮ ರೋಮದಲ್ಲೂ ಸಂತೋಷ ಹರಿದಾಡುತ್ತೆ. ನನ್ನ ಜೀವ* ಸುರಕ್ಷಿತವಾಗಿರುತ್ತೆ. 10  ಯಾಕಂದ್ರೆ ನೀನು ನನ್ನನ್ನ ಸಮಾಧಿಯಲ್ಲೇ* ಬಿಟ್ಟುಬಿಡಲ್ಲ.+ ನಿನ್ನ ನಿಷ್ಠಾವಂತ ಭಕ್ತನನ್ನ ಕೊಳೆತು ಹೋಗೋಕೆ* ಬಿಡಲ್ಲ.+ 11  ನೀನು ನನಗೆ ಜೀವನದ ದಾರಿಯನ್ನ ತೋರಿಸ್ಕೊಡ್ತೀಯ.+ ನೀನು ಇರೋ ಕಡೆ* ತುಂಬ ಖುಷಿ ಇರುತ್ತೆ.+ ನಿನ್ನ ಬಲಗಡೆ ಯಾವಾಗ್ಲೂ ಸಂತೋಷ ಇರುತ್ತೆ.

ಪಾದಟಿಪ್ಪಣಿ

ಅಕ್ಷ. “ಮೂತ್ರಪಿಂಡಗಳು.”
ಅಥವಾ “ತತ್ತರಿಸಿ ಹೋಗಲ್ಲ, ಕುಸಿಯಲ್ಲ.”
ಅಥವಾ “ಶರೀರ.”
ಅದು, ಸಕಲ ಮಾನವರಿಗಾಗಿರುವ ಸಾಂಕೇತಿಕ ಸಮಾಧಿ. ಪದವಿವರಣೆ ನೋಡಿ.
ಅಕ್ಷ. “ಗುಂಡಿಯನ್ನ ನೋಡುವಂತೆ.”
ಅಕ್ಷ. “ನಿನ್ನ ಮುಖದಲ್ಲಿ.”