ಕೀರ್ತನೆ 145:1-21
ಸ್ತುತಿಗೀತೆ. ದಾವೀದನ ಕೀರ್ತನೆ.
א [ಆಲೆಫ್‌]
145 ನನ್ನ ದೇವರೇ, ನನ್ನ ರಾಜನೇ, ನಾನು ನಿನ್ನನ್ನ ಕೊಂಡಾಡ್ತೀನಿ,+ಯಾವಾಗ್ಲೂ ನಾನು ನಿನ್ನ ಹೆಸ್ರನ್ನ ಸ್ತುತಿಸ್ತೀನಿ.+
ב [ಬೆತ್‌]
2 ಇಡೀ ದಿನ ನಾನು ನಿನ್ನನ್ನ ಹೊಗಳ್ತೀನಿ,+ಯಾವಾಗ್ಲೂ ನಾನು ನಿನ್ನ ಹೆಸ್ರನ್ನ ಸ್ತುತಿಸ್ತೀನಿ.+
ג [ಗಿಮೆಲ್‌]
3 ಯೆಹೋವ ದೊಡ್ಡವನು, ಆತನು ಬೇರೆ ಎಲ್ಲರಿಗಿಂತ ಹೊಗಳಿಕೆಗೆ ಯೋಗ್ಯ.+
ಆತನ ಘನತೆ ಬಗ್ಗೆ ನಮ್ಮಿಂದ ಯೋಚಿಸೋಕೂ ಆಗಲ್ಲ.+
ד [ಡಾಲತ್‌]
4 ಜನ್ರು ಯುಗಯುಗಾಂತರಕ್ಕೂ ನಿನ್ನ ಕೆಲಸಗಳನ್ನ ಕೊಂಡಾಡ್ತಾರೆ,ನಿನ್ನ ಶಕ್ತಿಶಾಲಿ ಕೆಲಸಗಳ ಬಗ್ಗೆ ಹೇಳ್ತಾರೆ.+
ה [ಹೆ]
5 ನಿನ್ನ ಮಹಿಮೆ, ಘನತೆ, ವೈಭವದ ಬಗ್ಗೆ ಅವರು ಮಾತಾಡ್ತಾರೆ,+ನಿನ್ನ ಅದ್ಭುತಗಳ ಬಗ್ಗೆ ಧ್ಯಾನಿಸ್ತಾರೆ.
ו [ವಾವ್‌]
6 ಆಶ್ಚರ್ಯ ಭಯ ಹುಟ್ಟಿಸೋ ನಿನ್ನ ಕೆಲಸಗಳ* ಬಗ್ಗೆ ಅವರು ಮಾತಾಡ್ತಾರೆ,ನಾನು ನಿನ್ನ ದೊಡ್ಡತನವನ್ನ ಸಾರಿ ಹೇಳ್ತೀನಿ.
ז [ಜಯಿನ್‌]
7 ನಿನ್ನ ಸಾಟಿಯಿಲ್ಲದ ಒಳ್ಳೇತನವನ್ನ ನೆನಪಿಸ್ಕೊಂಡು ಅವರು ಹೊಗಳಿಕೆಯ ಸುರಿಮಳೆಯನ್ನೇ ಸುರಿಸ್ತಾರೆ,+ನಿನ್ನ ನೀತಿಯಿಂದಾಗಿ ಸಂತೋಷದಿಂದ ಜೈಕಾರ ಹಾಕ್ತಾರೆ.+
ח [ಹೆತ್‌]
8 ಯೆಹೋವ ಕನಿಕರ,* ಕರುಣೆ ಇರೋ ದೇವರಾಗಿದ್ದಾನೆ,+ಅಷ್ಟು ಬೇಗ ಕೋಪ ಮಾಡ್ಕೊಳಲ್ಲ, ಶಾಶ್ವತ ಪ್ರೀತಿಯನ್ನ ಅಪಾರವಾಗಿ ತೋರಿಸ್ತಾನೆ.+
ט [ಟೆತ್‌]
9 ಯೆಹೋವ ಎಲ್ರಿಗೂ ಒಳ್ಳೇದನ್ನೇ ಮಾಡ್ತಾನೆ.+
ಆತನ ಕರುಣೆ ಆತನ ಎಲ್ಲ ಕೆಲಸಗಳಲ್ಲಿ ಎದ್ದು ಕಾಣುತ್ತೆ.
י [ಯೋದ್‌]
10 ಯೆಹೋವನೇ, ನಿನ್ನ ಕೆಲಸಗಳೆಲ್ಲ ನಿನಗೆ ಗೌರವ ತರುತ್ತೆ,+ನಿನ್ನ ನಿಷ್ಠಾವಂತರು ನಿನ್ನನ್ನ ಕೊಂಡಾಡ್ತಾರೆ.+
כ [ಕಾಫ್‌]
11 ಅವರು ರಾಜನಾಗಿರೋ ನಿನ್ನ ವೈಭವವನ್ನ ಸಾರಿ ಹೇಳ್ತಾರೆ,+ನಿನ್ನ ಶಕ್ತಿಯ ಬಗ್ಗೆ ಮಾತಾಡ್ತಾರೆ,+
ל [ಲಾಮೆದ್‌]
12 ಜನ್ರಿಗೆ ನಿನ್ನ ಸಾಹಸಗಳ ಬಗ್ಗೆ ಹೇಳೋಕೆ,+ರಾಜನಾಗಿ ನಿನಗಿರೋ ಗೌರವ, ವೈಭವದ ಬಗ್ಗೆ ತಿಳಿಸೋಕೆ ಅವರು ಹೀಗೆ ಮಾಡ್ತಾರೆ.+
מ [ಮೆಮ್‌]
13 ನೀನು ಶಾಶ್ವತವಾಗಿ ರಾಜನಾಗಿ ಇರ್ತಿಯ,ನಿನ್ನ ಒಡೆತನ ಯುಗಯುಗಾಂತರಕ್ಕೂ ಇದ್ದೇ ಇರುತ್ತೆ.+
ס [ಸಾಮೆಕ್‌]
14 ಬೀಳೋರಿಗೆಲ್ಲ ಯೆಹೋವ ಆಸರೆಯಾಗಿ ಇರ್ತಾನೆ,+ಕುಗ್ಗಿ ಹೋದವರನ್ನ ಆತನು ಎಬ್ಬಿಸ್ತಾನೆ.+
ע [ಅಯಿನ್‌]
15 ಎಲ್ಲ ಜೀವಿಗಳ ಕಣ್ಣು ನಿರೀಕ್ಷೆಯಿಂದ ನಿನ್ನ ಕಡೆ ನೋಡುತ್ತೆ,ಸಮಯಕ್ಕೆ ಸರಿಯಾಗಿ ನೀನು ಅವುಗಳಿಗೆ ಊಟ ಕೊಡ್ತೀಯ.+
פ [ಪೇ]
16 ನೀನು ನಿನ್ನ ಕೈತೆಗೆದು,ಎಲ್ಲ ಜೀವಿಗಳ ಬಯಕೆಯನ್ನ ಈಡೇರಿಸ್ತೀಯ.+
צ [ಸಾದೆ]
17 ಯೆಹೋವ ಎಲ್ಲ ವಿಷ್ಯಗಳಲ್ಲೂ ನೀತಿವಂತ,+ಎಲ್ಲ ಕೆಲಸಗಳಲ್ಲಿ ನಿಷ್ಠಾವಂತ.+
ק [ಕೊಫ್‌]
18 ಯಾರೆಲ್ಲ ಆತನಿಗೆ ಮೊರೆ ಇಡ್ತಾರೋ,ಯಾರೆಲ್ಲ ಪ್ರಾಮಾಣಿಕ ಹೃದಯದಿಂದ* ಪ್ರಾರ್ಥನೆ ಮಾಡ್ತಾರೋ,+ಅವ್ರೆಲ್ಲರಿಗೆ ಯೆಹೋವ ಹತ್ರಾನೇ ಇರ್ತಾನೆ.+
ר [ರೆಶ್‌]
19 ಯಾರು ಆತನಿಗೆ ಭಯಪಡ್ತಾರೋ ಅವ್ರ ಆಸೆಗಳನ್ನ ಆತನು ಈಡೇರಿಸ್ತಾನೆ,+ಸಹಾಯಕ್ಕಾಗಿ ಅವರಿಡೋ ಮೊರೆಯನ್ನ ಆತನು ಕೇಳಿಸಿಕೊಳ್ತಾನೆ, ಅವ್ರನ್ನ ಕಾಪಾಡ್ತಾನೆ.+
ש [ಶಿನ್‌]
20 ತನ್ನನ್ನ ಪ್ರೀತಿಸೋ ಜನ್ರನ್ನೆಲ್ಲ ಯೆಹೋವ ಕಾದುಕಾಪಾಡ್ತಾನೆ,+ಆದ್ರೆ ಕೆಟ್ಟವರನ್ನ ನಿರ್ನಾಮ ಮಾಡ್ತಾನೆ.+
ת [ಟಾವ್‌]
21 ನನ್ನ ಬಾಯಿ ಯೆಹೋವನನ್ನ ಹೊಗಳುತ್ತೆ,+ಎಲ್ಲ ಜೀವಿಗಳು ಆತನ ಪವಿತ್ರ ಹೆಸ್ರನ್ನ ಯಾವಾಗ್ಲೂ ಸ್ತುತಿಸಲಿ.+
