ಕೀರ್ತನೆ 135:1-21
135 ಯಾಹುವನ್ನ ಸ್ತುತಿಸಿ!*
ಯೆಹೋವನ ಹೆಸ್ರನ್ನ ಕೊಂಡಾಡಿ,ಯೆಹೋವನ ಸೇವಕರೇ, ಆತನನ್ನ ಹಾಡಿ ಹೊಗಳಿ.+
2 ಯೆಹೋವನ ಆಲಯದಲ್ಲಿ ನಿಂತಿರೋರೆ,ನಮ್ಮ ದೇವರ ಆಲಯದ ಅಂಗಳದಲ್ಲಿ ನಿಂತಿರೋರೆ,ಆತನನ್ನ ಕೊಂಡಾಡಿ.+
3 ಯಾಹುವನ್ನ ಸ್ತುತಿಸಿ, ಯೆಹೋವ ಒಳ್ಳೆಯವನು.+
ಆತನ ಹೆಸ್ರನ್ನ ಸ್ತುತಿಸೋಕೆ ಗೀತೆಗಳನ್ನ ಹಾಡಿ,* ಅದು ರಮಣೀಯ.
4 ಯಾಹು ತನಗಾಗಿ ಯಾಕೋಬನನ್ನ ಆರಿಸ್ಕೊಂಡ,ಇಸ್ರಾಯೇಲನ್ನ ತನ್ನ ವಿಶೇಷ ಸೊತ್ತಾಗಿ* ಆರಿಸ್ಕೊಂಡ.+
5 ಯೆಹೋವ ಮಹೋನ್ನತನು ಅಂತ ನನಗೆ ಚೆನ್ನಾಗಿ ಗೊತ್ತು,ಬೇರೆಲ್ಲ ದೇವರುಗಳಿಗಿಂತ ನಮ್ಮ ಒಡೆಯ ಶ್ರೇಷ್ಠ.+
6 ಆಕಾಶ, ಭೂಮಿ, ಸಮುದ್ರ ಮತ್ತು ಅದ್ರ ಆಳದಲ್ಲೂ,ಯೆಹೋವ ತನಗೆ ಇಷ್ಟವಾಗಿದ್ದನ್ನೆಲ್ಲ ಮಾಡ್ತಾನೆ.+
7 ಆತನು ಭೂಮಿಯ ಮೂಲೆಮೂಲೆಗಳಿಂದ ಮೋಡಗಳು* ಮೇಲೆ ಏರೋ ಹಾಗೆ ಮಾಡ್ತಾನೆ,ಮಳೆಗಾಗಿ ಮಿಂಚನ್ನ* ಮಾಡ್ತಾನೆ,ತನ್ನ ಭಂಡಾರಗಳಿಂದ ಗಾಳಿ ತರ್ತಾನೆ.+
8 ಆತನು ಈಜಿಪ್ಟಲ್ಲಿದ್ದ ಮನುಷ್ಯರ ಮೊದಲ ಮಕ್ಕಳನ್ನಪ್ರಾಣಿಗಳ ಎಲ್ಲ ಮೊದಲ ಮರಿಗಳನ್ನ ಸಂಹರಿಸಿದ.+
9 ಈಜಿಪ್ಟೇ, ನಿನ್ನ ಫರೋಹನ ವಿರುದ್ಧ, ಅವನ ಸೇವಕರೆಲ್ಲರ ವಿರುದ್ಧ+ಆತನು ಅದ್ಭುತಗಳನ್ನ ಮಾಡಿದ.+
10 ಆತನು ಅನೇಕ ಜನಾಂಗಗಳನ್ನ ಸಂಹರಿಸಿದ,+ಬಲಿಷ್ಠ ರಾಜರನ್ನ ಕೊಂದುಹಾಕಿದ.+
11 ಅಮೋರಿಯರ ರಾಜ ಸೀಹೋನನನ್ನ,+ಬಾಷಾನಿನ ರಾಜ ಓಗನನ್ನ,+ಕಾನಾನಿನ ಎಲ್ಲ ರಾಜ್ಯಗಳನ್ನ ಸೋಲಿಸಿದ.
12 ಆತನು ಅವ್ರ ದೇಶವನ್ನ ತನ್ನ ಜನ್ರಾದ ಇಸ್ರಾಯೇಲ್ಯರಿಗೆ ಸೊತ್ತಾಗಿ ಕೊಟ್ಟ,ಅವ್ರಿಗೆ ಆಸ್ತಿಯಾಗಿ ಕೊಟ್ಟ.+
13 ಯೆಹೋವ, ನಿನ್ನ ಹೆಸ್ರು ಸದಾಕಾಲಕ್ಕೂ ಇರುತ್ತೆ,ಯೆಹೋವ, ನಿನ್ನ ಕೀರ್ತಿ ಯುಗಯುಗಾಂತರಕ್ಕೂ ಇರುತ್ತೆ.+
14 ಯಾಕಂದ್ರೆ ಯೆಹೋವ ತನ್ನ ಜನ್ರ ಪರ ವಾದಿಸ್ತಾನೆ,+ತನ್ನ ಸೇವಕರಿಗೆ ಕನಿಕರ ತೋರಿಸ್ತಾನೆ.+
15 ಜನಾಂಗಗಳ ಮೂರ್ತಿಗಳನ್ನ ಬೆಳ್ಳಿಬಂಗಾರದಿಂದ ಮಾಡಿದ್ದಾರೆ,ಅವನ್ನ ಮನುಷ್ಯರೇ ಮಾಡಿದ್ದಾರೆ.+
16 ಅವಕ್ಕೆ ಬಾಯಿದ್ರೂ ಮಾತಾಡಕ್ಕಾಗಲ್ಲ.+
ಕಣ್ಣಿದ್ರೂ ನೋಡಕ್ಕಾಗಲ್ಲ,
17 ಕಿವಿ ಇದ್ರೂ ಕೇಳಿಸಿಕೊಳ್ಳಕ್ಕಾಗಲ್ಲ,ಅವುಗಳ ಬಾಯಲ್ಲಿ ಉಸಿರೇ ಇಲ್ಲ.+
18 ಅವುಗಳನ್ನ ಮಾಡೋರೂ ಅವುಗಳಲ್ಲಿ ಭರವಸೆ ಇಡೋರೂ+ಅವುಗಳ ತರಾನೇ.+
19 ಇಸ್ರಾಯೇಲ್ ಮನೆತನವೇ, ಯೆಹೋವನನ್ನ ಸ್ತುತಿಸು.
ಆರೋನನ ಮನೆತನವೇ, ಯೆಹೋವನನ್ನ ಕೊಂಡಾಡು.
20 ಲೇವಿಯ ಮನೆತನವೇ, ಯೆಹೋವನನ್ನ ಹಾಡಿ ಹೊಗಳು.+
ಯೆಹೋವನಿಗೆ ಭಯಪಡೋರೇ, ಯೆಹೋವನನ್ನ ಕೊಂಡಾಡಿ.
21 ಯೆರೂಸಲೇಮಲ್ಲಿ ವಾಸಿಸೋ+ ಯೆಹೋವನನ್ನಚೀಯೋನಿಂದ ಸ್ತುತಿಸೋ ಹಾಗಾಗಲಿ.+
ಯಾಹುವನ್ನ ಸ್ತುತಿಸಿ!+
ಪಾದಟಿಪ್ಪಣಿ
^ ಅಥವಾ “ಹಲ್ಲೆಲೂಯಾ.” “ಯಾಹು” ಯೆಹೋವ ಹೆಸರಿನ ಸಂಕ್ಷಿಪ್ತ ರೂಪ.
^ ಅಥವಾ “ಸಂಗೀತ ರಚಿಸಿ.”
^ ಅಥವಾ “ಅಮೂಲ್ಯ ಆಸ್ತಿಯಾಗಿ.”
^ ಅಥವಾ “ಆವಿ.”
^ ಬಹುಶಃ, “ಪ್ರವಾಹ ದ್ವಾರಗಳನ್ನ.”