ಕೀರ್ತನೆ 110:1-7

  • ಮೆಲ್ಕಿಜೆದೇಕನ ತರದ ರಾಜ ಮತ್ತು ಪುರೋಹಿತ

    • ‘ನಿನ್ನ ಶತ್ರುಗಳ ಮಧ್ಯ ಆಳ್ವಿಕೆ ಮಾಡು’ (2)

    • ಸ್ವಇಷ್ಟದಿಂದ ಮುಂದೆ ಬರೋ ಯುವಜನ ಇಬ್ಬನಿಯ ಹಾಗೆ (3)

ದಾವೀದನ ಮಧುರ ಗೀತೆ. 110  ಯೆಹೋವ ನನ್ನ ಒಡೆಯನಿಗೆ,“ನಿನ್ನ ಶತ್ರುಗಳನ್ನ ನಾನು ನಿನ್ನ ಪಾದಪೀಠವಾಗಿ ಮಾಡೋ ತನಕ,+ನೀನು ನನ್ನ ಬಲಗಡೆ ಕೂತ್ಕೊ”+ ಅಂತ ಹೇಳಿದ.  2  ಬಲಿಷ್ಠವಾದ ನಿನ್ನ ರಾಜದಂಡವನ್ನ ಯೆಹೋವ ಚೀಯೋನಿಂದ ಚಾಚಿ,“ನಿನ್ನ ಶತ್ರುಗಳ ಹತ್ರ ಹೋಗು, ಅವ್ರನ್ನ ವಶಮಾಡ್ಕೊ”+ ಅಂತ ಹೇಳ್ತಾನೆ.  3  ಯಾವ ದಿನ ನೀನು ನಿನ್ನ ಸೈನ್ಯವನ್ನ ಕರ್ಕೊಂಡು ಯುದ್ಧಕ್ಕೆ ಬರ್ತಿಯೋ,ಆ ದಿನ ನಿನ್ನ ಜನ್ರು ಮನಸಾರೆ ತಮ್ಮನ್ನೇ ಕೊಟ್ಕೊಳ್ತಾರೆ. ನಿನ್ನ ಜೊತೆ ನಿನ್ನ ಯುವಸೇನೆ ಇರುತ್ತೆ,ಅವ್ರಲ್ಲಿ ಪವಿತ್ರತೆಯ ತೇಜಸ್ಸು ಹೊಳಿಯುತ್ತೆ. ಅವರು ಮುಂಜಾನೆಯ ಇಬ್ಬನಿ ತರ ಇರ್ತಾರೆ.  4  “ನೀನು ಮೆಲ್ಕಿಜೆದೇಕನ ತರ+ ಪುರೋಹಿತನಾಗಿ ಇರ್ತಿಯ,ನೀನು ಸದಾಕಾಲ ಪುರೋಹಿತನಾಗೇ ಇರ್ತಿಯ!”+ ಅಂತ ಯೆಹೋವ ಮಾತುಕೊಟ್ಟಿದ್ದಾನೆ. ಆತನು ತನ್ನ ಮನಸ್ಸನ್ನ ಬದಲಾಯಿಸಲ್ಲ.*  5  ಯೆಹೋವ ನಿನ್ನ ಬಲಗಡೆನೇ ಇರ್ತಾನೆ,+ಆತನು ತನ್ನ ಕೋಪದ ದಿನದಲ್ಲಿ ರಾಜರನ್ನ ಜಜ್ಜಿಹಾಕ್ತಾನೆ.+  6  ಆತನು ದೇಶಗಳ ವಿರುದ್ಧ* ನ್ಯಾಯತೀರಿಸ್ತಾನೆ,+ಆತನು ದೇಶನ ಶವಗಳಿಂದ ತುಂಬಿಸ್ತಾನೆ.+ ಒಂದು ವಿಶಾಲ ದೇಶದ* ನಾಯಕನನ್ನ* ಜಜ್ಜಿಹಾಕ್ತಾನೆ.  7  ಅವನು* ದಾರಿ ಪಕ್ಕದಲ್ಲಿರೋ ತೊರೆಯಿಂದ ನೀರು ಕುಡಿತಾನೆ. ಹಾಗಾಗಿ ಅವನು ತಲೆ ಎತ್ತಿ ನಿಲ್ತಾನೆ.

ಪಾದಟಿಪ್ಪಣಿ

ಅಥವಾ “ಆತನು ವಿಷಾದಪಡಲ್ಲ.”
ಅಥವಾ “ಮಧ್ಯ.”
ಅಥವಾ “ಭೂಮಿಯ.”
ಅಕ್ಷ. “ಪ್ರಧಾನ.”
ಇವನು ವಚನ 1ರಲ್ಲಿ “ನನ್ನ ಒಡೆಯ” ಅಂತ ಯಾರಿಗೆ ಹೇಳಿದ್ದಾನೋ ಅವನೇ ಆಗಿದ್ದಾನೆ.