ಈ ಕಾರ್ಯಕ್ರಮ ಎಷ್ಟು ಸಮಯ ಇರುತ್ತೆ?

ಸುಮಾರು ಒಂದು ತಾಸು ಇರುತ್ತೆ.

ಎಲ್ಲಿ ನಡೆಯುತ್ತೆ?

ಇದರ ಬಗ್ಗೆ ಯೆಹೋವನ ಸಾಕ್ಷಿಗಳ ಹತ್ತಿರ ಕೇಳಿ ತಿಳಿದುಕೊಳ್ಳಿ.

ಈ ಕಾರ್ಯಕ್ರಮಕ್ಕೆ ಹಾಜರಾಗಲು ದುಡ್ಡು ಕಟ್ಟಬೇಕಾ?

ಇಲ್ಲ.

ಹಣ ವಸೂಲಿ ಮಾಡುತ್ತಾರಾ?

ಇಲ್ಲ. ಯೆಹೋವನ ಸಾಕ್ಷಿಗಳು ಹಣ ವಸೂಲಿ ಮಾಡಲ್ಲ.

ಇಂಥದ್ದೇ ಬಟ್ಟೆ ಹಾಕಬೇಕು ಅಂತೇನಾದ್ರೂ ಇದೆಯಾ?

ಈ ಕಾರ್ಯಕ್ರಮಕ್ಕೆ ಇಂಥದ್ದೇ ಬಟ್ಟೆ ಹಾಕಬೇಕು ಅಂತೇನಿಲ್ಲ. ಯೆಹೋವನ ಸಾಕ್ಷಿಗಳು ಬೈಬಲ್‌ ಹೇಳುವ ತರ ಸಭ್ಯವಾಗಿರುವ ಬಟ್ಟೆಗಳನ್ನ ಹಾಕಿಕೊಳ್ಳುತ್ತಾರೆ. (1 ತಿಮೊತಿ 2:9) ನಿಮ್ಮ ಬಟ್ಟೆ ದುಬಾರಿಯಾಗಿರಬೇಕು ಅಂತೇನಿಲ್ಲ.

ಸ್ಮರಣೆಯಲ್ಲಿ ಏನು ನಡೆಯುತ್ತೆ?

ಕೂಟದ ಶುರುವಿನಲ್ಲಿ ಮತ್ತು ಕೊನೆಯಲ್ಲಿ ಗೀತೆ ಮತ್ತು ಪ್ರಾರ್ಥನೆ ಇರುತ್ತೆ. ಯೆಹೋವನ ಸಾಕ್ಷಿಗಳಲ್ಲಿ ಒಬ್ಬರು ಪ್ರಾರ್ಥನೆ ಮಾಡ್ತಾರೆ. ಈ ಕೂಟದಲ್ಲಿ ನಾವು ಯೇಸುವಿನ ಮರಣದ ಪ್ರಾಮುಖ್ಯತೆಯನ್ನ, ದೇವರು ಮತ್ತು ಯೇಸು ನಮಗೋಸ್ಕರ ಏನೆಲ್ಲ ಮಾಡಿದ್ದಾರೆ ಅಂತ ಕಲಿತೀವಿ.