ಯೆಹೋವನ ಸಾಕ್ಷಿಗಳು ಏರ್ಪಡಿಸಿರೋ ಮೂರು ದಿನದ ಅಧಿವೇಶನಕ್ಕೆ ನಿಮ್ಮೆಲ್ಲರಿಗೂ ಹೃತ್ಪೂರ್ವಕ ಸ್ವಾಗತ. ಕೊರೋನದಿಂದಾಗಿ ಈ ವರ್ಷದ ಅಧಿವೇಶನವನ್ನ ಆನ್‌ಲೈನಲ್ಲಿ ನಡೆಸಲಾಗುತ್ತೆ. ಈ ಕಾರ್ಯಕ್ರಮ ಜುಲೈ ಮತ್ತು ಆಗಸ್ಟ್‌ ತಿಂಗಳಲ್ಲಿ ನಡೆಯುತ್ತೆ.

• ಶುಕ್ರವಾರದ ಕಾರ್ಯಕ್ರಮ: ದೇವರು ಇದ್ದಾನೆ, ಆತನ ವಾಕ್ಯ ಸತ್ಯವಾಗಿದೆ, ಆತನು ಕೊಟ್ಟಿರೋ ಸಲಹೆಗಳು ನಮ್ಮ ಪ್ರಯೋಜನಕ್ಕಾಗಿದೆ ಮತ್ತು ಆತನು ನಮ್ಮನ್ನ ತುಂಬ ಪ್ರೀತಿಸ್ತಾನೆ ಅಂತ ನಂಬೋದು ಎಷ್ಟು ಪ್ರಾಮುಖ್ಯ ಅನ್ನೋದನ್ನ ಕಲಿಯಿರಿ. ಸೃಷ್ಟಿಕರ್ತ ದೇವರ ಮಾತಲ್ಲಿ ನಂಬಿಕೆ ಇಡೋಕೆ ಸೃಷ್ಟಿಗಳು ಹೇಗೆ ಸಹಾಯಮಾಡುತ್ತೆ ಅಂತ ಕಲಿಯಿರಿ.

• ಶನಿವಾರದ ಕಾರ್ಯಕ್ರಮ: ಯೆಹೋವನ ಸಾಕ್ಷಿಗಳು ಯಾಕೆ ಯಾವಾಗ್ಲೂ ಸಾರುತ್ತಾರೆ? ಅವರು ಸಾರುತ್ತಾ ಇರೊ ಸಂದೇಶದಿಂದ ಜನರಿಗೆ ಹೇಗೆ ಸಹಾಯ ಆಗ್ತಿದೆ ಅಂತ ತಿಳಿಯಿರಿ.

• ಭಾನುವಾರದ ಕಾರ್ಯಕ್ರಮ: “ಸಿಹಿಸುದ್ದಿ” ಅಂದ್ರೆ ಏನು? (ಮಾರ್ಕ 1:14, 15) ಅದನ್ನ ನಾವು ನಂಬೋಕೆ ಆಗುತ್ತಾ? ಅದಕ್ಕೆ ಉತ್ತರ “ಸಿಹಿಸುದ್ದಿಯಲ್ಲಿ ನಂಬಿಕೆ ಇಡಿ” ಭಾಷಣದಲ್ಲಿ ಸಿಗುತ್ತೆ.

• ಬೈಬಲ್‌ ಡ್ರಾಮ: ಬೈಬಲಲ್ಲಿ ತಿಳಿಸಿರೋ ದಾನಿಯೇಲ ಅನ್ನೋ ಒಬ್ಬ ಪ್ರವಾದಿಯ ಜೀವನದಲ್ಲಿ ನಡೆದ ರೋಚಕ ಘಟನೆಗಳನ್ನ ಈ ಡ್ರಾಮದಲ್ಲಿ ಕಣ್ಸೆಳೆಯುವಂತೆ ಚಿತ್ರಿಸಲಾಗಿದೆ. ಎರಡು ಭಾಗಗಳಿರೋ ಈ ಡ್ರಾಮ ಶನಿವಾರ ಮತ್ತು ಭಾನುವಾರ ತೋರಿಸಲಾಗುತ್ತೆ. ದಾನಿಯೇಲ ಹಿಂಸೆ, ವಿರೋಧ, ಅಪಹಾಸ್ಯವನ್ನು ಹೇಗೆ ಧೈರ್ಯದಿಂದ ಎದುರಿಸಿದ್ರು ಅಂತ ನೋಡಿ.

ಲಾಗಿನ್‌ ಅಥವಾ ರೆಜಿಸ್ಟ್ರೇಶನ್‌ ಮಾಡೋ ಅಗತ್ಯವಿಲ್ಲ

ಕಾರ್ಯಕ್ರಮ ಪಟ್ಟಿ ಮತ್ತು ಅಧಿವೇಶನದ ವಿಡಿಯೋ ನೋಡಿ.