ಬೈಬಲ್‌ ಕೊಡೋ ಉತ್ತರ

 ಬೈಬಲ್‌ ಜೂಜಾಡೋದರ ಬಗ್ಗೆ ವಿವರವಾಗಿ ಏನೂ ಹೇಳೋದಿಲ್ಲ, ಆದರೆ ಜೂಜಾಡೋದು ದೇವರ ದೃಷ್ಟಿಯಲ್ಲಿ ಪಾಪವಾಗಿದೆ ಅಂತ ನಾವು ಬೈಬಲ್‌ ತತ್ವಗಳಿಂದ ಅರ್ಥಮಾಡಿಕೊಳ್ಳಲು ಆಗುತ್ತೆ.—ಎಫೆಸ 5:17. a

•   ಜೂಜಾಡೋದಕ್ಕೆ ಕಾರಣ ಅತಿಯಾಸೆ ಅಥವಾ ದುರಾಸೆ. ದೇವರು ದುರಾಸೆಯನ್ನ ದ್ವೇಷಿಸ್ತಾನೆ. (1 ಕೊರಿಂಥ 6:9, 10; ಎಫೆಸ 5:3, 5) ಜೂಜಾಡೋರು ಬೇರೆಯವರ ನಷ್ಟದಿಂದ ಲಾಭ ಪಡೆಯೋಕೆ ಇಷ್ಟ ಪಡ್ತಾರೆ, ಆದರೆ ಬೇರೆಯವರಿಗೆ ಸೇರಿದ ವಸ್ತುಗಳಿಗೆ ಆಸೆ ಪಡೋದನ್ನ ಬೈಬಲ್‌ ಖಂಡಿಸುತ್ತೆ.—ವಿಮೋಚನಕಾಂಡ 20:17; ರೋಮನ್ನರಿಗೆ 7:7; 13:9, 10.

•   ನಾವು ಸ್ವಲ್ಪ ಹಣಕ್ಕಾಗಿ ಜೂಜಾಡಿದರೂ ಅದು ನಮ್ಮಲ್ಲಿ ಅಪಾಯಕಾರಿಯಾಗಿರೋ ಹಣದಾಸೆಯನ್ನ ಬೆಳೆಸಬಹುದು.—1 ತಿಮೊತಿ 6:9, 10.

•   ಜೂಜಾಡೋರು ಸಾಮಾನ್ಯವಾಗಿ ಮೂಢನಂಬಿಕೆಗಳ ಮೇಲೆ ಅಥವಾ ಅದೃಷ್ಟದ ಮೇಲೆ ಭರವಸೆ ಇಟ್ಟಿರುತ್ತಾರೆ. ಆದರೆ ಇಂಥ ನಂಬಿಕೆಗಳು ಸತ್ಯಾರಾಧನೆಗೆ ವಿರುದ್ಧವಾಗಿದೆ ಹಾಗೂ ದೇವರು ಇದನ್ನ ವಿಗ್ರಹಾರಾಧನೆಗೆ ಸಮವಾಗಿ ನೋಡ್ತಾನೆ.—ಯೆಶಾಯ 65:11.

•   ಯಾವುದೇ ಕೆಲಸ ಮಾಡದೆ ಕೂತ್ಕೊಂಡ್‌ ತಿನ್ನೋದನ್ನ, ಪ್ರಯತ್ನ ಇಲ್ಲದೆ ಲಾಭ ಸಿಗಬೇಕು ಅನ್ನೋ ಯೋಚನೆಯನ್ನ ದೇವರು ಇಷ್ಟ ಪಡಲ್ಲ. ಬೈಬಲ್‌ನಲ್ಲಿ ನಾವು ಕಷ್ಟಪಟ್ಟು ದುಡಿಬೇಕು ಅಂತ ಇದೆ. (ಪ್ರಸಂಗಿ 2:24; ಎಫೆಸ 4:28) ಈ ಬೈಬಲ್‌ ಸಲಹೆಯನ್ನ ಪಾಲಿಸುವವರು, ಅವರೇ ದುಡಿದ ಹಣದಿಂದ ಊಟ ಮಾಡ್ತಾ ಖುಷಿಯಾಗಿರ್ತಾರೆ.—2 ಥೆಸಲೋನಿಕ 3:10, 12.

•   ಜೂಜಾಡೋದು ಅಪಾಯಕಾರಿ ಸ್ಪರ್ಧಾತ್ಮಕ ಮನೋಭಾವವನ್ನ ಬೆಳೆಸುತ್ತೆ. ಇಂಥ ಮನೋಭಾವವನ್ನ ಬೈಬಲ್‌ ಖಂಡಿಸುತ್ತೆ.—ಗಲಾತ್ಯ 5:26.