Caba Kitêba Pîroz

 Cenewirê pê heft seriya, derheqa kîjanî Eyantî 13:1-da tê gotinê, tê hesabê sîstêma polîtîkî ya hemdinyayê.

•   Hukumtiya wî heye, qewat û text, çi ku dide kifşê wekî ew polîtîkayêva girêdayî ye (Eyantî 13:2).

•   Ew “ser hemû bereka, cimeta, zimana û mileta” hukum dike, lema jî ji dewletekî diha mezin e (Eyantî 13:7).

•   Ew hevekî mîna wan çar cenewira ye, derheqa kîjanî Daniyêl 7:2-8-da tê gotinê. Dikeve nava vê yekê cûrê piling, lepên hirçê, gepa şêr û deh stirû. Derheqa cenewirên ji pêxembertiya Daniyêl tê gotinê ça derheqa padşên konkrêt yan padşatiya, yên ku pey hevra dibine xweyê hukumtiya mezin (Daniyêl 7:17, 23). Vî cûreyî cenewirê ji Eyantî serê 13 tê hesabê teşkîleta polîtîkî ya ji çend para.

•   Ew ji “berê” derdikeve. “Ber” Kitêba Pîrozda tê hesabê koma meriva ya neseqirî, çi ku kaniya serwêrtiyên meriva ye (Eyantî 13:1; Îşaya 17:12, 13).

•   Kitêba Pîrozda tê gotinê ku hejmar, yan jî navê cenewir “hejmareke merivî ye” û ew hejmar 666 (Eyantî 13:17, 18). Ev gilî dide kifşê, wekî cenewirê ji Eyantî serê 13-da xeyset-hunurên wî mîna ya meriva ye, û ew ne ku ruh yan cin e.

 Rast e nihêrandina mileta dikare hine tiştada mîna hev be, yeke her kes ji wan dixwazin hukumtiya xwe xwey kin, dewsa ku tesmîlî Padşatiya Xwedê bin (Zebûr 2:2). Ewana wê usa jî qewata xwe bikine yek, seva ku Harmegedonêda miqabilî ordiya Xwedê derkevin, serwêrê kîjanî Îsa Mesîh e. Lê vî şerîda ew milet wê bêne kutakirinê (Eyantî 16:14, 16; 19:19, 20).

“Deh stirû û heft serî”

 Hine hejmar Kitêba Pîrozda bi sîmbolîk têne xebitandinê. Mesele hejmarên dehe û heft têne hesabê tişteke tam. Seva ku rast fem bikin ku çi têne hesabê “deh stirû û heft serî” ji Eyantî serê 13, wê alî me bike “heykelê wî cenewirî”, kîjan ku paşê Eyantîda tê şirovekirinê. Rengê wî cenewirî sor bû, him jî heft serî û deh stirûyên wî hebûn (Eyantî 13:1, 14, 15; 17:3). Kitêba Pîroz dibêje ku heft serên wî cenewirê sor, têne hesabê “heft padşa” yan jî serwêrtî (Eyantî 17:9, 10).

 Mîna vê yekê, heft serên cenewir ji Eyantî 13:1 têne hesabê heft serwêrtî. Qewatên polîtîkî ya sereke, yên ku nava terîxiyêda hukum dikirin û rêberî hildidane ser xwe, ku miqabilî cimeta Xwedê derkevin ew in: Misir, Asûr, Babîlon, Mediya-Faris, Yûnanistan, Rom û Anglo-Amêrîka. Hergê dehe stirû têne hesabê hemû dewlet yên mezin û biçûk, em dikarin bêjin wekî taca ser her stirûyê dide kifşê ku her milet hevra serwêrtiyê dikin tevî qewata polîtîkîye sereke ya wê çaxê.