Bersiva Kitêba Pîroz

 Divê em bi navê Îsa ji Xwedê re dua bikin, çimkî Xwedê ji bo ku em nêzîkî wî bibin tenê vê rêyê qebûl dike. Îsa got: “Rê, rastî û jiyan ez im. Tu kes bêyî min nikare were cem Bav” (Yûhena 14:6). Wekî din, Îsa Mesîh ji şandiyên xwe yên dilsoz re ev jî got: “Bi rastî, eger hûn ji Bav tiştekî bixwazin, ewê bi navê min bide we” (Yûhena 16:23).

Ji bo ku em bi navê Îsa dua bikin, sebebên din ev in:

•   Em rûmetê didin Îsa Mesîh û Bavê wî Yehowa Xwedê (Filîpî 2:9-11).

•   Em qîmetê didin mirina Îsa Mesîh, çimkî Xwedê bi destê wî rêya xelasiya ji bo me hemûyan vekiriye (Meta 20:28; Karên Şandiyan 4:12).

•   Em qebûl dikin ku Îsa Mesîh di navbera Xwedê û mirovan de wek navbeynkar roleke bêhempa dilîze (Îbranî 7:25).

•   Em hurmetê didin xizmeta Îsa Mesîh wek Kahînê Mezin; bi xêra wî, em dikarin razîbûna Xwedê bistînin (Îbranî 4:14-16).