Тӧ дьтьрси кӧ жийина хԝә тʹәсмили Йаһоԝа бьки у бейи ньхӧмандьне? Һәрге әре, әв готар ԝе али тә бькә, кӧ тьрса хԝә алт ки.

Ве готареда

•  Һәрге паши ньхӧмандьне гӧне гьран бькьм?

•  Һәрге әз дьтьрсьм щабдарийе һьлдьм сәр хԝә?

•  Һәрге әз дьфькьрьм кӧ һежа ниньм Йаһоԝарʹа хьзмәт кьм?

•  Щаһьлед дьн чь дьбежьн

 Мәʹнийа бәрхԝәкʹәтьне: Дьбә тӧ кәсәки нас дьки, йе кӧ гӧне гьран кьрийә у жь щьвате һатийә дәрхьстьне (1 Корьнтʹи 5:11-13). У дьԛәԝьмә жь бо ве йәке тӧ бәрхԝә дькʹәви, чьмки дьфькьри кӧ әв йәк ԝе бе сәре тә жи.

 «Чахе әз щара пешьн дәрһәԛа ньхӧмандьне фькьрим, мьн дәрберʹа пьрс да хԝә: ‹Ле һәрге әз гӧнә бькьм у жь щьвате бемә дәрхьстьне?› Мьн да бәр чʹәʹве хԝә, кӧ әв йәк ԝе ча дьле де-баве мьн бешинә».—Ребека.

 Рʹеза сәрәкә: «Бьла кәсе хьраб дәв жь рʹийа хԝә, . . . бәрдә. Бьла әԝ ль Хӧдан вәгәрʹьн кӧ әԝ ль ԝан бе рʹәʹме. Бьла әԝ ль Хԝәдайе мә вәгәрʹьн, чьмки ԝе бь зедәбари бьбахшинә» (Ишайа 55:7, ИМ).

 Бьфькьрә: Рʹаст ә мәрьве кӧ тʹобә накә жь щьвате те дәрхьстьне, ле Йаһоԝа рʹәʹма хԝә һьндава ԝан дьдә кʹьфше, йед кӧ бь рʹасти пʹошман дьбьн у һәр тьшти дькьн кӧ рʹаст бьн (Зәбур 103:13, 14; 2 Корьнтʹи 7:11).

 Һьлдә һʹәсаб: Рʹаст ә тӧ нәкʹамьл и, ле бь аликʹарийа Хԝәде тӧйе бькарьби щерʹьбандьнада ԛәԝи бьсәкьни (1 Корьнтʹи 10:13). Бь рʹасти тӧ ахьрийе сафи дьки, кӧ чь бьки, нә кӧ кәсәки дьн.

 «Әз дьтьрсийам кӧ паши ньхӧмандьне шашикә мәзьн бькьм. Ле паше мьн фәʹм кьр, ԝәки шаши әԝ ә, кӧ хԝә жь ньхӧмандьне дур бьгьрьм. Әз һатьмә сәр ԝе нете, ԝәки нәһельм тьрса ԝе йәке кӧ паше чь дькарә бьԛәԝьмә, рʹийа мьн бьгьрә, кӧ иро сафикьрьна рʹаст бькьм».—Керьн.

 Тʹәмамкьрьн: Һәрге тӧ бьхԝази, тӧйе бькарьби хԝә жь гӧнед гьран дур бьгьри, чаԝа гәләк хьзмәткʹаред Йаһоԝа (Филипи 2:12).

 Һʹәԝще аликʹарийа зедә йи? Бьньһерʹә готар «Ча Нәкʹәвьмә бәр байе Щерʹьбандьне?»

 Мәʹнийа бәрхԝәкʹәтьне: Дьбәкә тӧ щаһьләки нас дьки, йе кӧ малбәт у һәвалед хԝә һиштийә у чуйә щики дур, сәва кӧ һе зедә Йаһоԝарʹа хьзмәт кә. У дьԛәԝьмә тӧ бәрхԝәдькʹәви, ԝәки әв йәк ԝе жь тә жи бе хԝәстьне.

 «Мәсиһийе ньхӧмандирʹа мәщал вәдьбә, кӧ һе зедә Йаһоԝарʹа хьзмәт кә. Ле һьнә хушк-бьра һе һазьр ниньн бона ве йәке, йан жи дьбәкә жь бо дәрәщед хԝә әԝана нькарьн зәʹф хьзмәт кьн».—Марийа.

 Рʹеза сәрәкә: «Бьра һәр кәс кьрьнед хԝә бьдә сәр мезине у паши һьнге жь хԝә рʹази бә, нә кӧ хԝә һьмбәри һәвале хԝә кә» (Галати 6:4).

 Бьфькьрә: Хԝә һьмбәри мәрьвед дьн нәкә. Ле дәԝсе дина хԝә бьдә гьлийе жь Марԛос 12:30, кʹидәре кӧ ӧса ньвисар ә: «Хӧдан Хԝәдейе хԝә һʹьз бькә, бь тʹәмамийа дьле хԝә».

 Дина хԝә бьде, вьра те готьне ԝәки әм гәрәке бь тʹәмамийа дьле хԝә Йаһоԝарʹа хьзмәт кьн. Демәк фәрз ә әԝ йәк, кӧ тӧ чь дьки, нә кӧ мәрьвед дьн чь дькьн. Һәрге тӧ бь рʹасти Йаһоԝа һʹьз дьки, тӧйе мәщала бьвини кӧ йа лапә баш бьди ԝи.

 «Ньхӧмандьн гавәкә гәләк фәрз ә, ле әв баре гьран нинә. Һәрге тӧ нава мәрьвед башда ни, әԝана ԝе тә һелан кьн, кӧ хԝә ԝе рʹе бьгьри. Һьнге гава тӧ һеди-һеди щабдарийа һьлди сәр хԝә, тӧйе дьһа бәхтәԝар би. Ле чахе тӧ хԝә жь ньхӧмандьне дур дьгьри йан жи хԝә әглә дьки, бь ве йәке тӧ тʹәне зийане дьди хԝә».—Щулийа.

 Тʹәмамкьрьн: Рʹазибуна хԝә бона һʹьзкьрьна Йаһоԝа пешда бинә, кʹижан кӧ әԝ һьндава тәда дьдә кʹьфше. Әв йәк ԝе тә һелан кә, ԝәки йа һәрә баш бьди Йаһоԝа (1 Йуһʹәнна 4:19).

 Һʹәԝще аликʹарийа зедә йи? Бьньһерʹә готар «Әз Мәрьвәки Щабдар ьм?»

 Мәʹнийа бәрхԝәкʹәтьне: Йаһоԝа Хԝәде нав тʹәмамийа гәрдунеда Һәри Һьмзор ә у һьмбәри ԝи әм тʹӧ тьшт ниньн! Дьбәкә тӧ дьфькьри, ԝәки Йаһоԝа ԛә тә тʹәхмин накә.

 «Жь бо ԝе йәке кӧ де-баве мьн Шәʹдед Йаһоԝа нә, әз дьфькьрим ԝәки мьн достийа тʹәви Йаһоԝа хԝәха ԛазанч нәкьрийә у Йаһоԝа әз нәкʹьшандьмә бәрбь хԝә, ле әв дости жь де-баве мьн дәрбази мьн буйә».—Натали.

 Рʹеза сәрәкә: «Тʹӧ кәс нькарә бе щәм мьн, һʹәта Баве кӧ әз шандьмә, ԝи бәрбь мьн нәкʹьшинә» (Йуһʹәнна 6:44).

 Бьфькьрә: Әԝ йәк кӧ тӧ ида дәрһәԛа ньхӧмандьне дьшьрмиш дьби, дьдә кʹьфше ԝәки Йаһоԝа тә бәрбь хԝә дькʹьшинә у дьхԝазә кӧ тӧ бьби досте ԝи. Ле тӧ дьхԝази тʹәви Йаһоԝа незик би?

 Бир нәкә, ԝәки Йаһоԝа хԝәха норма кʹьфш дькә, кӧ кʹе бәрбь хԝә бькʹьшинә. Әве йәке нә әм, нә жи тʹӧ кәс нькарә сафи кә. Хәбәра ԝи мә һелан дькә: «Хԝә ль Хԝәде бьгьрьн, Хԝәде жи ԝе хԝә ль ԝә бьгьрә» (Аԛуб 4:8).

 «Әԝ йәк кӧ тӧ Йаһоԝа нас дьки у әԝи тӧ кʹьшанди бәрбь хԝә, дьдә кʹьфше ԝәки Әԝ тә һʹьз дькә. Ләма жи һәрге тӧ дьфькьри кӧ һежа нини ԝирʹа хьзмәт ки, бир нәкә әԝ фькьред тә нә. Йаһоԝа щурʹәки дьн дьфькьрә у әԝ һәргав рʹаст ә».—Селина.

 Тʹәмамкьрьн: Һәрге тӧ анәгори дәʹԝакьрьнед Кʹьтеба Пирозә бона ньхӧмандьне ида дьжийи, демәк тӧ дькари бьби Шәʹде Йаһоԝа. У бир нәкә ԝәки Йаһоԝа һежа йә, кӧ ԝи бьһʹәбини (Әʹйанти 4:11).

 Һʹәԝще аликʹарийа зедә йи? Бьньһерʹә готар «Чьрʹа Әз Гәрәке Хԝәдерʹа Дӧа Бькьм?»