Әм Ԝә бь Дьл у Щан Тʹәглиф Дькьн!
Биранина Мьрьна Иса
Пешәм, 2 Нисане, Сала 2026
Әм ԝә тʹәглиф дькьн сәр дӧ ԛәԝьмандьнед бепʹәрә
Готара Мәхсус
«Кʹи ԝе Әʹрде Бькә Щьнәт?»
Пебьһʹәсә кӧ чь ахьрикә баш һивийа әʹрде у инсанәте йә.
Биранина Мьрьна Иса
Сәр ԝе щәжьна мәхсус Шәʹдед Йаһоԝа биранина мьрьна Иса дәрбаз дькьн, чьмки әԝи тʹәми да (Луԛа 22:19).
Пьрсед Гәләк Мәрийа
Кʹе дькарә бе?
Һәр кәс дькарә бе. Һун дькарьн тʹәви малбәт у һәвалед хԝә бен.
Чьԛас ԝәʹдә әԝ бәрнамә дькʹьшинә?
Готара мәхсус ԝе нив сьһʹәт бькʹьшинә. Паши готаре, сьһʹәтәк ԝе шеԝьркьрьна сәр һʹиме Кʹьтеба Пироз дәрбаз бә.
Бәрнама Биранина Мьрьна Иса ԝе ԝәкә сьһʹәтәк бькʹьшинә.
Кʹидәре ԝе бе дәрбазкьрьне?
Сәва кӧ щи бьвиньн, бьтькиньн сәр «Бьстиньн информасийа дәрһәԛа Евара Биранине» йан жи «Бьстиньн информасийа дәрһәԛа Готара Мәхсус».
Гәло жь мьн тьштәки ԝе бе хԝәстьне?
На.
Гәло ԝедәре пʹәрә ԝе бе тʹопкьрьне?
На. Шәʹдед Йаһоԝа тʹӧ щар сәр щьвинед хԝә пʹәра тʹоп накьн (Мәтта 10:8).
Гәло кʹьнщхwәкьрьн гәрәке чь щурʹәйи бә?
Шәʹдед Йаһоԝа гӧһ дьдьнә принсипа жь Кʹьтеба Пироз, кӧ бь мьлукти у бь ԛәдьр кʹьнща хԝә кьн.
Чь ԝе бьԛәԝьмә сәр Биранина Мьрьна Иса?
Әԝ щьват ԝе дәстпебә у хьлаз бә пе кʹьлама, у йәк жь Шәʹдед Йаһоԝа ԝе дӧа бькә. Готара Биранина Мьрьна Исада ԝе бе шьровәкьрьне, кӧ чьма мьрьна Иса фәрз ә у чь кʹар әм дькарьн бьстиньн жь ԝе йәке, чь кӧ Йаһоԝа у Иса бона мә кьрьн.
Сәва һе зедә әʹламәти бьстиньн, бьньһерʹьн готара бь наве, «Чьрʹа Шәʹдед Йаһоԝа Евара Биранине ӧса Дәрбаз Накьн, Чаԝа Религийед Дьн?»
Гәло Биранинед дьн ԝе кʹәнге дәрбаз бьн?
2026: Пешәм, 2 Нисане
2027: Дӧшәм, 22 Адаре
2028: Ләʹд, 9 Нисане
Сәва кӧ һе зедә пебьһʹәсьн, бьньһерʹьн видео.
Мьрьна Иса, Бира Хԝәда Хԝәй кьн
Дина хԝә бьдьнә ԝе йәке, кӧ бь сайа мьрьна Иса, ахьрикә чьԛас баш мәрʹа һатә дайине.
Дьԛәԝьмә ԝә бьһистийә, ԝәки Иса сәва гӧне мә мьрийә. Ле гәло ԛӧрбана мәрьвәки дькарә бона милйона мәрьва кʹаре бинә?
Wәрен у хԝәха бь чʹәʹве хԝә бьвиньн.
Бьдьнә кʹьшандьне тʹәглифа нәшьркьри.