Политика Конфиденсийалийе
Политика Конфиденсийалийейә Сәрәкә
Ӧса жи Бьньһерʹьн
ԚӘДЬРГЬРТЬНА ӘʹЛАМӘТИЙА ԜӘЙӘ ШӘХСИ
Әм борщдар ьн кӧ информасийа ԝәйә шәхси бе хԝәйкьрьне у ԛәдьргьртьне. Ве Политика Конфиденсийалийеда һәнә ԛәйдед сәрәкә, сәр һʹиме кʹижана әм һʹәму информасийа шәхси дьдьнә хәбате, кʹижан кӧ жь ԝә дьстиньн, йан кʹижан һун хԝәха бь сайа малпәра мә дьдьнә мә, йан жи бь сайа щурʹә-щурʹә «apps» кӧ дьдә Watchtower Bible and Tract Society of New York, Inc. («Watchtower»). Чахе һун дькʹәвьнә малпәра мә, әм һьнә информасийа дәрһәԛа ԝә хԝәй дькьн, ле әм фәʹм дькьн кӧ чьԛас фәрз ә, ԝәки информасийа ԝәйә шәхси бехофийеда бә. Ләма әм пешда ԝәрʹа әʹйан дькьн, кӧ ве информасийе чаԝа бьдьнә хәбате. Һун хԝәха дькарьн сафи кьн информасийа хԝәйә шәхси бьдьнә мә йан на. Хәбәра «информасийа шәхси», йе кӧ ԝе Политикайеда те хәбьтандьне, те һʹәсабе мәсәлә наве ԝә, пашнаве ԝә, емайла ԝә, майла ԝә, һәжмара тʹела ԝә, йан жи информасийа дьн, йед кӧ хут ԝәва гьредайи нә. Чахе әм дьбежьн «малпәра мә», дькʹәвә нава ве йәке әԝ малпәр у щурʹә-щурʹә малпәред мә, демәк apps.jw.org, ba.jw.org, stream.jw.org, у wol.jw.org.
КОНТРОЛКЬРЬНА БЬНГӘҺА ӘʹЛАМӘТИЙЕ
Хԝәйе ве малпәре у һʹәму app, йед кӧ ԝева гьредайи нә, бь Щьвака Бьрща Ԛәрәԝьлийе йә, («Watchtower»), демәк тʹәшкиләта нәкомерси, кʹижан кӧ пьштгьрийа шьхӧле Шәʹдед Йаһоԝа у ӧса жи пьштгьрийа һинкьрьна Кʹьтеба Пироз дькә. Һәрге һун бь рʹәзәдьли бьхԝазьн вәкьн акаунт, пʹәра ԛӧрбан кьн, сәрледане бьхԝазьн, йан жи тьштәки дьн бона чь жи лазьм ә информасийа хԝәйә шәхси бьньвисьн, демәк һун ԛайил дьбьн тʹәви ԝе политике у изьне дьдьн кӧ әʹламәтийа ԝәйә шәхси тʹоп бә сәр сервера кӧ Дәԝләтед Йәкбуйи йа Америкайеда нә. Ӧса жи һун изьне дьдьн кӧ Щьвака Бьрща Ԛәрәԝьлийе йан жи тʹәшкиләтед кӧ тʹәви ԝе шьхӧлкʹарийе дькьн щурʹә-щурʹә ԝәлатада, әʹламәтийа тәйә шәхси тʹоп кә, бьдә хәбьтандьне, дәрбаз кә у хԝәй кә. Тʹәшкиләта мәйә религи нав тʹәмамийа дьнйайеда кʹар дькә у һәвкʹарийе дькә тʹәви щурʹә-щурʹә щьвака. Сәва бехофийа информасийайе, дькʹәвә нава ве щьваке щьватед ви щийи, филиал у диса тʹәшкиләтед майинә ви щурʹәйи, йед кӧ тʹәви Шәʹдед Йаһоԝа һәвкʹарийе дькьн.
Контролкьрьна әʹламәтийа шәхси дькарә щурʹә-щурʹә бә, әв ԝе йәкева гьредайи йә, һәла тӧ чаԝа у чьԛаси ве малпәре дьди хәбате. Мәсәлә, һәрге тӧ ԛанунзанәки ԝәлатәкирʹа ԛӧрбана дьки, наве тә у әʹламәтийа бона теклибуне ԝе ԝи кәсе ԛанунзанрʹа бе шандьне, наве кʹижани ԝе тәрʹа бе шандьне ԝәʹде ԛӧрбанкьрьне. Диса мәсәләк, һәрге тӧ сәрледане бьхԝази, наве тә у әʹламәтийа бона теклибуне ԝе бе шандьне филиал у щьвата Шәʹдед Йаһоԝайә ви щийи, сәва кӧ хԝәстьна тә биньн сери.
Сәва пебьһʹәси кӧ ԝәлате тәда һәнә ԛанунед лайиԛ бона хԝәйкьрьна информасийа шәхси, дина хԝә бьдә информасийа теклибуне бона ԝәлате ԝә, сәр рʹупʹела Информасийа Теклибуне бона Хԝәйкьрьна Информасийа Шәхси.
ХԜӘЙКЬРЬНА ИНФОРМАСИЙА ШӘХСИ У КОНФИДЕНСИЙАЛИЙЕ
Конфиденсийалибуна әʹламәтийа ԝәйә шәхси, бона мә гәләк фәрз ә. Әм дьдьнә хәбате системед модернә хԝәйкьрьне у техникед бехофийе, сәва кӧ информасийа ԝәйә шәхси бе хԝәйкьрьне, ԝәки кәсәк нәгьһижә информасийа ԝә у нәщайиз нәдә хәбате, әʹйан нәкә, нәгӧһезә, беԛануни нәдә хәбате, йан жи ньшкева нәдә ӧндакьрьне. Жь ԝан кʹе ԝе тʹәви информасийа ԝәйә шәхси бьхәбьтә, демәк жь кәсед сьсийа жи, те дәʹԝакьрьне кӧ ԛәдьре конфиденсийалийа ԝә бьгьрьн. Әм информасийа ԝәйә шәхси һьнә ԝәʹдә хԝәй дькьн тʹәне бона ԝе йәке, ԝәки бьдьнә хәбате сәва ԝан тьшта, сәва чь жи әв информасийа һатийә тʹопкьрьне, йан жи сәва кӧ һʹәму дәʹԝакьрьнед ԛануне биньн сери, йан жи чахе те дәʹԝакьрьне кӧ документ хԝәй кьн.
Әм информасийа ԝәйә шәхси хԝәй дькьн, гава әв те дәрбазкьрьне бь протокола шьфре, мәсәлә бь «Transport Layer Security (TLS)». Әм дьдьнә хәбате системед компӧтәре йа протоколе, йед кӧ синоркьри нә, у йед кӧ ԝан авайада ньн, кʹижан кӧ тенә пʹарастьне. Ԝан авайада ӧса жи һʹәму тьшт ӧса һатийә сазкьрьне, ԝәки әв информасийа ԝәйә шәхси бь електроники у бь протседури, дәрбази мә бә у бехофийеда бә.
КӘСЕД ӘʹМЬРДА НӘГЬҺИШТИ
Һәрге ль гора ԛануна ԝәлате тә, тӧ тейи һʹәсабе әʹмьрда нәгьһишти у дьхԝази бькʹәви малпәра мә у әʹламәтийа хԝәйә шәхси бьди хәбате, тӧ әʹсәйи гәрәке йан тʹәви де-баве хԝә, йан жи тʹәви ԝан кәса, йед кӧ бь ԛануни бона тә щабдар ьн, ве йәке бьки. Һәрге һун де-бав ьн, йан жи бь ԛануни бона зарʹа нәгьһишти щабдар ьн у изьне дьдьнә ԝи, кӧ әԝ информасийа хԝәйә шәхси бьньвисә сәр ве малпәре, бь ԝе йәке һун ԛайил дьбьн тʹәви ве Политикайе бона ԝе зарʹе.
КӘСЕД СЬСИЙА
Щарна ԝе малпәра мәда йан жи сәр app кӧ ве йәкева гьредайи нә, ԝе һәбьн линкед малпәред кәсед сьсийа. Әв дькарьн линкед ԝан малпәра бьн, кʹижана әм дьдьнә хәбате, сәва кӧ әм бьнаве хԝә һьнә тьштада аликʹарийе бьдьнә ԝә. Мәсәлә, тʹьжәкьрьна онлайн документа. Һуне тедәрхьн кӧ һун ль сәр малпәра кәсед сьсийа нә, чьмки әԝ ԝе щурʹәки дьн бә у браузера ԝәда ԝе адресәкә дьн бә. Хенщи ԝе йәке һуне бькарьбьн бьстиньн нәʹмед електроники йан жи sms-йед бь тексте, йед кӧ ԝе хԝәстьна ԝәва гьредайи бьн сәр малпәра кәсед сьсийа. Дькʹәвә нава ԝан нәʹма информасийа кӧ һун дьгәрʹьн. Пешийа кӧ аликʹарийа кәсед сьсийа бьстиньн, әме рʹьнд бьщерʹьбиньн у тʹәсәлийа политика конфиденсийалийе у информасийа шәхси бькьн, сәва кӧ баԝәр бьн, ԝәки әԝана жи ԝан стандарта дьдьнә хәбате чаԝа кӧ әм. Щар щара әм ви щурʹәйи дина хԝә дьдьнә бехофийе у тʹәсәли дькьн. Ле кәсед сьсийа щарна аликʹарийе у app йед ӧса дьдьн, кʹижана әм нькарьн контрол кьн. Дькарә бькʹәвә нава ве йәке методед програминге, рʹебәри бона хәбьтандьна политика конфиденсийалийе у тьштед дьн. Ԝәʹдә шунда һьнә метод у щурʹе хәбьтандьне дькарьн бенә гӧһастьне, чь кӧ һун гәрәке бира хԝәда хԝәй кьн, гава дьдьнә хәбате ве малпәреда app йед ӧса у рʹебәрийа ӧса. Һәрге дәрһәԛа политика кәсед сьсийа пьрсед ԝә һәбьн, жь кʹәрәма хԝә информасийа дәрһәԛа ве йәке малпәра ԝанда бьхуньн.
Хәбьтандьна Google Maps ль сәр ве малпәре, ль гора Политика Конфиденсийалийе йа Google дьхәбьтә. Әв компанийа кәсе сьсийа йә, app йед кʹижана, методед програмингед кʹижана у рʹебәрийа хәбьтандьна кʹижана, әм нькарьн контрол кьн. Һе зедә әʹламәти һун дькарьн бьвиньн редаксийа документед пашьнда, Рʹебәрийа зедә бона хәбьтандьна сервисед «Google Maps» у «Google Earth». Мәрʹа дәрһәԛа гӧһастьна әʹлам накьн, ләма жи һун дькарьн хԝәха бьньһерʹьн рʹебәрийа зедә, кӧ чаԝа әԝе бьдьнә хәбате, пешийа кӧ һун дәстпекьн бьдьнә хәбате «Google Maps». Һәрге һун ԝан ԛәйдарʹа ԛайил ниньн, нәдьнә хәбате.
ӘʹЛАМӘТИ ДӘРҺӘԚА ГӦҺАСТЬНЕД ВЕ ПОЛИТИКЕ
Әм тʹьме хәбата малпәра хԝә у һʹәму app йед кӧ ве йәкева гьредайи нә, һе баш дькьн. Әм ӧса жи функсийед тʹәзә зедә дькьн бона ԝе малпәре, у бона сервисед мә. Жь бо ԝан гӧһастьнед техники кӧ тʹьме тенә кьрьне, ӧса жи жь бо гӧһастьнед ԛанунада у техноложийада, ԛанунед хәбьтандьна мә жи тенә гӧһастьне. Чахе лазьм ә кӧ политика мә жи ида бе гӧһастьне, әме әʹсәйи әԝе информасийе дайньн сәр малпәре, сәва кӧ һун жи һаж ԝе йәке һәбьн, кӧ әм кʹижан информасийа шәхси тʹоп дькьн у ча дькьн.
«ACTIVE SCRIPTING» ЙАН «JAVASCRIPT»
«Scripting» те хәбьтандьне сәва кӧ хәбата малпәра мә һе баш бә. Техноложийа «Scripting» аликʹарийе дьдә, ԝәки чь кӧ һун дьхԝазьн, зу ԝәрʹа бе вәкьрьне. Малпәра мә у app йед кӧ ве йәкева гьредайи нә, надьнә хәбате «Scripting», сәва кӧ сәр компотәра ԝә програмәке бьньвисә, йан жи сәва кӧ информасийа ԝәйә шәхси хԝәха тʹоп кә.
Сәва кӧ һьнә пʹаред малпәре рʹьнд у рʹаст бьхәбьтьн, браузера ԝәда лазьм ә «Active Scripting», йан жи «JavaScript» бе вехьстьне. Гәләк браузер мәщале дьдьн, кӧ әве йәке ль сәр щурʹә-щурʹә малпәра вехьн йан весиньн. Сәва кӧ пебьһʹәсьн ԝәки чаԝа сәр малпәред бьжарти «Scripting» вехьн, һун дькарьн дина хԝә бьдьн документед кӧ бона браузер ьн.