Дәрбази һондоре буйин

Дәрбази навәроке буйин

 МИНА ИСА БЬЖИН

Пешийе Һәрʹә Бьре Хԝәрʹа ль һәв Ԝәрʹә; Чаԝа?

Пешийе Һәрʹә Бьре Хԝәрʹа ль һәв Ԝәрʹә; Чаԝа?

Бьдә һʹәсабе хԝә тӧ дь Щәлиледа дьмини ԝәʹде Иса. Тӧ дьчи ль Оршәлиме бона Щәжьна Һʹолькчекьрьне. Бажар тʹьжә дьбә бь баԝәрмәнда йед кӧ жь щийед дур тен. Тӧ дьхԝази һʹәдийа хԝә пʹешкʹеши Йаһоԝа ки. Тӧ тʹәви хԝә карәк һьлдьди у рʹе чедьки. Тӧ бәрбь һәрема дәрбаз дьби, йед кӧ бь мәрийа тʹьжә йә кʹижан кӧ дьчьнә пʹарьстгәһе. Чахе тӧ дьгьһижи щи, дьвини ԝәки пʹарьстгәһ тʹьжә буйә бь мәрийа йед кӧ ӧса жи мина тә дьхԝазьн ԛӧрбанед хԝә биньн. Ньһа ԝәʹде тә гьһишт сәва кӧ карәк хԝә бьди дәсте кʹәшиша. Ньшкева ве дәме дькʹәвә бира тә, ԝәки дьле бьре тә жь тә майә. У дьԛәԝьмә әв жи ньһа ве бажaреда нава щьмʹәта тʹопбуйида нә. Иса шьровәдькә, кӧ чь гәрәке бьки. (Бьхунә Мәтта 5:24.) Чаԝа тӧ у бьре тәйи хәйиди, дькарьн ль һәв бен демәк әʹдьлайе бьгәрʹьн, чаԝа кӧ Иса дьбежә? Һәр чаргошеда кӧ жере те дайине, бь ԛәʹләме щаба рʹаст кʹьфш кә.

ТӦ ГӘРӘКЕ . . .

  • бьре хԝәрʹа тʹәне һьнге хәбәр ди, һәрге дьфькьри кӧ бь рʹасти мәʹнийа ԝи һәйә сәр тә бьхәйидә

  • һʹәму тьшти бьки, кӧ ньһерʹандьна бьре хԝә рʹаст ки, һәрге дьфькьри ԝәки әв йәки хәйдок ә у ԝәки әв жи нәһәԛ ә

  • бь сәбьр гӧһ бьди бьре хԝә чахе әԝ хәбәр дьдә, у һәрге тӧ бь тʹәмами ле фәʹм наки жи, жь дьл бахшандьне бьхԝазә кӧ тә дьле ԝи ешанд у һәрге әв сәр ԝи хьраб һʹӧкӧм кьрьбу

БЬРЕ ТӘ ГӘРӘКЕ . . .

  • пьштгьрийа мәрьвед дьн дь щьватеда бьгәрʹә у ԝанарʹа гьли кә, кӧ чаԝа тә әԝ да хәйдандьне

  • тʹәви тә шәрʹ кә, һур бь һур дәрһәԛа шашийа тә гьли кә, у һивийе бә ԝәки тӧ әв шаши һьлди сәр хԝә

  • тедәрхә мьлукти у мерхасийа тә, бь сайа чь жи тә карьбуй незики ԝи би, у бь дьл әԝ бьбахшини

Рʹаст ә иро һʹәбандьна хԝәда әм һʹәйԝана накьнә ԛӧрбан, ле чь һәвгьредан һәйә ортʹа һинкьрьна Иса дәрһәԛа әʹдьлайе тʹәви бьре хԝә у һʹәбандьна кӧ Хԝәде ԛәбул дькә?