Дәрбази һондоре буйин

Дәрбази навәроке буйин

 МИНА ИСА БЬЖИН

Бь Дьл у Щан Незики Ԝан бьн

Бь Дьл у Щан Незики Ԝан бьн

Бь дьл у щан незики кʹе бьн? Незики һʹәмуйед кӧ тенә сәр щьватед мә, ча йед тʹәзә ӧса жи әԝед кӧ гәләк сал дь щьватеда нә (Рʹом. 15:7; Ибрн. 13:2). Дьбә кӧ әԝ хушк-бьре мә бә, йе кӧ жь ԝәлатәки дьн һатийә йан жи әԝе, кӧ гәләк сал нәдьһатә щьвате. Һәла дәԛәки хԝә дайнә дәԝса ԝан мәрьва. Бе шьк тәйи гәләк ԛимәт кьра, һәрге кәсәк незики тә буйа у бь дьл тә сьлав кьра (Мәт. 7:12). Ләма жи ԛәԝате бьдә хәбате сәва кӧ пешийа у паше щьвате незики кәсәки би у ԝана сьлав ки. Жь бо ве йәке дәрәщәкә баш чедьбә, һʹьзкьрьн әʹйан дьбә у Йаһоԝа һӧрмәт дьбә (Мәт. 5:16). Һәмьки тӧ нькари незики һәр кәси би у ԝанарʹа хәбәр ди. Чь жи һәбә, һәрге гьшк ԝе тьштәки жь алийе хԝәда бькьн, һьнге кәсәк бе сьлав ԝе нәминә. *

Меванһʹьзийа мә, нә кӧ тʹәне ль сәр щьвате йан Евара Бираньне те кʹьфше, ле һәртʹьм. Чахе йед тʹәзә дь щьватеда һʹьзкьрьне дьвиньн у һʹьндава ԝанда жи һʹьзькьрьне дьдьнә кʹьфше, әԝана һелан дьбьн Хԝәде һʹӧрмәт кьн у һʹәбандьнеда тʹәви мә бьбьнә йәк (Йн. 13:35).

^ абз. 3 Ль гора принсипед Кʹьтеба Пироз, шьхӧле мә тʹӧнә тʹәви рʹабәра у әԝед кӧ жь щьвате һатьнә дәрхьстьне у диса жи тенә щьвате (1 Кр. 5:11; 2 Йн. 10).