Дәрбази һондоре буйин

Дәрбази навәроке буйин

 МИНА ИСА БЬЖИН

Бь сайа Кʹьрине, Мәщала Сахкьрьне Чебу

Бь сайа Кʹьрине, Мәщала Сахкьрьне Чебу

Евара Биранине мәщәләкә баш мәрʹа дьдә, сәва кʹур бьфькьрьн дәрһәԛа кʹәрәмед ахьрийе, йед кӧ бь сайа кʹьрине һатә стандьн. Мәсәлә, сахкьрьн. Ԛьрара Йаһоԝа нибу кӧ бәндә бьмьрә. Ләма жи гәләк гьран сәр дьле мә рʹудьне у дьбә кʹәдәр, чахе әм шина мәрьвед хԝәйә незик дькьн (1 Кр. 15:26). Чахе Иса дит, кӧ шагьртед ԝи шина Лазар дькьн, һьнге кʹәсәра кʹур һате (Йн. 11:33-35). Әм заньн кӧ Иса мина Баве хԝәй йә, ләма жи әм дькарьн баԝәр бьн, кӧ дьле Йаһоԝа жи дешә, чахе әԝ дьвинә кӧ чаԝа әм шина мәрьвед хԝәйә незик дькьн (Йн. 14:7). Йаһоԝа һьзрәта ԝи ԝәʹдәйи йә, чахе кӧ хьзмәткʹаред хԝә вәгәрʹинә жийине. У әԝе әʹсәйи әве йәке бькә (Иб. 14:14, 15).

Йаһоԝа Хԝәдайе тʹәрбәт ә, у ләма жи әм дькарьн баԝәр бьн, кӧ сахкьрьн жи ԝе бь тʹәрбәти бә (1 Кр. 14:33, 40). Әме нә кӧ ль сәр шина мәрийа тʹоп бьн, ле тʹоп бьн сәва кӧ бь шабуне сьлав кьн мәрьвед сахкьри. Тӧ дьфькьри дәрһәԛа сахкьрьне, илаһи ԝи чахи, гава шина кәсәки дьки? (2 Кр. 4:17, 18). Тӧ спасийа хԝә Йаһоԝарʹа дьди кʹьфше, кӧ әԝ пʹешкʹеша кʹьрине да мә? У тӧ спасдар и кӧ әԝ жь Ньвисаред Пироз мәрʹа әʹйан кьр, ԝәки мьри ԝе диса бьжин? (Кл. 3:15).

  • Жь һәвал у мәрьвед хԝәйә незик, тӧ илаһи ке дьхԝази диса бьвини?

  • Жь хьзмәткʹаред Хԝәдейә бәре, тӧ илаһи кʹе дьхԝази бьвини у хәбәр ди?