Дәрбази һондоре буйин

Тӧ дьхwази пебьһ′әси Р′астийе?

Тӧ дьхwази пебьһ′әси Р′астийе?

Р′АСТИ дәрһәqа чь? Дәрһәqа wан пьрса, йа кӧ мәри ль сәр wан дьфькьрьн. Дьбәк тә жи әван пьрса дайә хwә:

  • Гәло Хwәде р′асти мә һ′әз дькә?
  • Гәло wе бе әw wә′дә чахе шәр′ у щәфа к′ӧта бьн?
  • Чь дьqәwьмә паши мьрьне?
  • Гәло чь гӧман һәйә бона мьрийа?
  • Әз ча гәрәке дӧа бькьм, wәки Хwәде дӧайед мьн бьбьһе?
  • Әз ча бькьм кӧ ә′мьре мьн бәхтәwар бә?

Тӧ ча дьшьрмиш дьби, щава wан пьрса к′ӧ дькари бьвини? Дь к′ьтебханәда у дьк′анед к′ьтебада тӧйе һ′әзара к′ьтеба бьвини, ньвиск′аред к′ижана избат дькьн, кӧ заньн щава ван пьрса. Ле гәлә щар к′ьтебәк пешбьри к′ьтеба дьне дьчә. Һьнә к′ьтеб, мәрийа т′ьре кӧ сәва р′ожа иройин гәлә к′ар ьн, ле wә′дәки кьн дәрбаз дьбә у әв к′ьтеб кәм дьбьн у дәwса wан йе т′әзә тенә ньвисаре.

Ле к′ьтебәк һәйә, йа кӧ һежа йә тӧ ит′барийа хwә ле бини. Әв к′ьтеба р′астийе йә, әw т′ӧ щар дәрәwа накә. Иса Мәсиһ дь дӧайе хwәда Хwәдер′а гот: «Хәбәра тә р′асти йә» (Йуһ′әнна 17:17). Иро әв к′ьтеб ә′йан ә ча К′ьтеба Пироз. Жь ван чәнд бәлга те бьвини, кӧ К′ьтеба Пироз щава ван пьрса чьqа р′аст у фә′мдари дьдә.

Гәло Хwәде р′асти мә һ′әз дькә?

Мер дь орт′а щьмә′та гьранда

ЧЬР′А ӘВ ПЬРС ПЕШДА ТЕ: Чьмки әм дьжин дьнйакә педа нәһәq у беисаф. Һьн жи, гәләк религийа һин дькьн, кӧ щәфед мә qьрара Хwәде йә.

ЧЬ ҺИН ДЬКӘ К′ЬТЕБА ПИРОЗ: Хwәде т′ӧ щар зӧлме накә. Дь к′ьтеба Ибода 34:10-да һатә ньвисаре, кӧ набә Хwәдайе р′аст у һьмзор «хьрабийе бькә у…нәһәqийе пек бинә!» Нетәкә Хwәде гәлә баш сәва мәрийа һәйә. Ләма жи Иса мә һин дькьр, кӧ дӧа бькьн: «Баве мәйи ә′змана!…п′адшатийа тә бә, ә′мьре тә бә, чаwа ль ә′змен, ӧса жи ль сәр ә′рде» (Мәтта 6:9, 10). Хwәде ӧса мә һ′әз дькә, кӧ сәва мә qӧрбанәкә гәлә бьһа бәрва да, кӧ qьрара хwә бинә сери (Йуһ′әнна 3:16).

Бьньһер′ә ӧса жи Дәстпебун 1:26-28; Аqуб 1:13 у 1 Пәтрус 5:6, 7.

Гәло wе бе әw wә′дә чахе шәр′ у щәфа к′ӧта бьн?

Әскәр

ЧЬР′А ӘВ ПЬРС ПЕШДА ТЕ: Чьмки шәр′ ә′мьре гәләк бәнда дьвә. Кәс жь мә бедьл наминә сәва щәфед мәрийа.

ЧЬ ҺИН ДЬКӘ К′ЬТЕБА ПИРОЗ: Хwәде дьвежә, кӧ wе бе wә′дә, чахе ль сәр т′әмамийа дьнйайе wе ә′дьлайи һәбә. Wә′де п′адшатийа wи, демәк һ′ӧкӧмәта ә′змана, мәри һини шәр′ набьн. Әwана wе ч′әк у рьмед хwә wе бьһ′әлиньн у текьнә һ′әсьне щот к′ӧтане (Ишайа 2:4). Хwәде wе нәһәqийе у кӧл-дәрда бьдә һьлдане. Дь К′ьтеба Пирозда һатийә ньвисаре: «[Хwәде] жь ч′ә′вед wан һ′әму һесьред wан паqьж кә у иди мьрьне т′ӧнә бә, нә шин, нә гьри, нә еш-ешук, [нә нәһәqийе у зерандьна иройин], чьмки тьштед бәре дәрбаз бун» (Ә′йанти 21:3, 4).

Бьньһер′ә ӧса жи Зәбура 37:10, 11; 46:9 у Миха 4:1-4.

Чь дьqәwьмә паши мьрьне?

Мәзәл

ЧЬР′А ӘВ ПЬРС ПЕШДА ТЕ: Чьмки ниве зә′ф жь дине мәрийа, йане религийа, һин дькьн кӧ паши мьрьне тьштәк жь мьрийа дьqәтә у дьжи. Һьнәк баwәр дькьн, кӧ мьри дькарә зийане бьдә мәрийа у кӧ Хwәде мәрийед гӧнәк′ар сущ дькә, давежә щә′ньме, wәки әwана һ′әта-һ′әтайе бьчәрчьрьн.

ЧЬ ҺИН ДЬКӘ К′ЬТЕБА ПИРОЗ: Чахе мәри дьмьрә, әw иди нажи. «Мьри тьштәки ньзаньн», те готьне дь Wаизда 9:5. Чьмки мьри тьштәки ньзаньн, к′ьвш накьн у нащер′ьбиньн, әwана нькарьн на зийане бьдьнә мәрийа, нә жи к′аре (Зәбур 146:3, 4).

Бьньһер′ә ӧса жи Дәстпебун 3:19 у Wаиз 9:6, 10.

Гәло чь гӧман һәйә бона мьрийа?

К′әч′ька кö шина мәрийед хwәйә незик дькә

ЧЬР′А ӘВ ПЬРС ПЕШДА ТЕ: Әм гьшк жи дьхwазьн т′әви мәрийед хwә, йе әм һ′әз дькьн бьжин у ша бьн. Һьн жи һ′әзрәтийә мә йә, кӧ әм диса бьра пьзмаме хwә бьвиньн, йе кӧ мьрьн мә һәв qәтанд.

ЧЬ ҺИН ДЬКӘ К′ЬТЕБА ПИРОЗ: Һ′әч′и зә′ф жь мьрийа, wе саг′ бьн. Иса соз да, wәки «һ′әмуйед т′ьрбада wе дәнге wи бьбьһен у р′абьн» (Йуһ′әнна 5:28, 29). Бь нета Хwәде, әw йе кӧ мьрьнә wе мәщале бьстиньн дь щьнәтеда ль сәр ә′рде бьжин (Луqа 23:43). Хенщи ве йәке, әw к′е гӧр′а Хwәде wе бькә, сьһ′әт-qәwата qәданди wе бьстинә у wе бьжи һ′әта-һ′әтайе. К′ьтеба Пироз дьвежә, кӧ мәрийед qәнщ wе бьжин сәр ә′рде һ′әта-һ′әтайе (Зәбур 37:29).

Бьньһер′ә ӧса жи Ибо 14:14, 15; Луqа 7:11-17 у К′аред Шандийа 24:15.

Әз ча гәрәке дӧа бькьм, wәки Хwәде дӧайед мьн бьбьһе?

Мер дöа дькә

ЧЬР′А ӘВ ПЬРС ПЕШДА ТЕ: Qӧльхчийед һ′әму религийа жи Хwәдер′а дӧа дькьн. Ле гәләк жь wан т′әг′мин накьн кӧ Хwәде дӧайед wан дьбьһе, у дӧайед wан бе щав дьминьн.

ЧЬ ҺИН ДЬКӘ К′ЬТЕБА ПИРОЗ: Иса мә һин дькьр ча гәрәке дӧа бькьн. Әм гәрәке дӧайед хwә әзбәри нәкьн у нәwәк′ьлиньн. Иса гьлийе ӧса гот: «Гава кӧ һун дӧа дькьн, мина п′утп′арьста п′ьр′хәбәр нәбьн» (Мәтта 6:7). Һәрге әм дьхwазьн, кӧ Хwәде мә бьбьһе, әм гәрәке ӧса дӧа бькьн, ча Хwәде дьхwазә. Сәва ве йәке мәр′а ә′сәйи лазьмә пебьһ′әсьн чь йә qьрара Хwәде у паше бь qьрара wи дӧа бькьн. Дь 1 Йуһ′әнна 5:14-да ньвисар ә: «һәгәр әм тьштәки ль гӧр′а хwәстьна wи же [Хwәде] бьхwазьн, әw дәнге мә дьбьһе».

Бьньһер′ә ӧса жи Зәбура 65:2; Йуһ′әнна 14:6, 14 у 1 Йуһ′әнна 3:22.

Әз ча бькьм кӧ ә′мьре мьн бәхтәwар бә?

Жьна кö жь хwәндьна К′ьтеба Пироз шабуне дьстинә

ЧЬР′А ӘВ ПЬРС ПЕШДА ТЕ: Гәләка т′ьре, кӧ п′әрә, навдари, йане жи бәдәwтийа бәжне, әв ә к′ьлита бәхтәwарийе. Әwана бь һ′әму qәwата хwә дьхwазьн бьстиньн ван тьшта, ле бәхтәwарийе йәкә навиньн.

ЧЬ ҺИН ДЬКӘ К′ЬТЕБА ПИРОЗ: Иса ниша кьр, wәки к′ьлита бәхтәwарбуне чь йә. Әwи гот: «хwәзи ль р′ӧһ′фәqира» (Мәтта 5:3). Әw, йе кӧ дьхwазьн р′астийе дәрһәqа Хwәде пебьһ′әсьн, р′асти жи бәхтәwар ьн. Р′астийа дәрһәqа Хwәде дь К′ьтеба Пирозда ньвисийә. Һәрге әм ве к′ьтебе бьхуньн у р′астийе бьзаньбьн, әме фә′м бькьн, чь дь ә′мьре мәда һе лазьм ә у чь жи на. Һәрге әм һ′әму пьрсед у шьхӧлед хwә бь ширәтед р′астийа К′ьтеба Пироз бькьн, ә′мьре мә wе һе фькьранди бә у жийина мә жи wе бәхтәwар бә (Луqа 11:28).

Бьньһер′ә ӧса жи Мәт′әлок 3:5, 6, 13-18 у 1 Тимот′ейо 6:9, 10.

Дәрһәqа ван шәш пьрса, мә жь К′ьтеба Пироз т′әне щавед кьн ньһер′и. Ле гәло тӧйе бьхwази һе зедә пебьһ′әси? Һәрге тӧ мәрики р′ӧһ′фәqир и, шьк т′ӧнә, те ә′сәйи бьхwази. Дьбәк жи тӧ дьхwази пебьһ′әси: «Һәрге Хwәде мә һ′әз дькә, чьр′а әw дьһелә кӧ һаqа зӧлми у нәһәqи һәбә? Әз малбатед хwәва ча бәхтәwар бьн?» К′ьтеба Пироз ль сәр ван пьрса у пьрсед дьнена жи щавед р′аст у щер′ьбанди дьдә.

Ле иро гәләк мәри qә гӧһ надьнә К′ьтеба Пироз. Wана т′ьре, кӧ әв к′ьтебәкә мәзьн ә у чәтьн те фә′мкьрьне. Тәйе бьхwәста, кӧ кәс али тә бькә, щава пьрсед хwә дь К′ьтеба Пирозда бьвини? Шә′дед Йаһоwа дькарьн бь дӧ тьшти али тә бькьн.

Йа пешьн, әв һәйә бьрошура «Гoһ бьдә Хwәде у бьжи һ′әта-һ′әтайе». Әв брошур сәва wе йәке һатийә к′ьвшкьрьне, кӧ али мәрийед беwә′дә бькә, кӧ әwана щава пьрсед хwәйә фәрз жь К′ьтеба Пироз бьстиньн. Йа дӧда жи әwана дькарьн али тә бькьн бь һинкьрьна К′ьтеба Пироз, дь малда у беп′әрә. Шә′дед Йаһоwа, йе кӧ незики тә дьжин, дькарьн һ′әфте щарәки бенә мала тә, йан жи wе дәре к′ӧ һун дьхwазьн у һьндьк-һьндьк т′әви тә ч′ә′внаси К′ьтеба Пироз бьн. Һинкьрьна ӧса ида дь т′әмамийа дьнйайеда али һ′әзар-һ′әзара мәрийа кьрийә. Гәләк жь ван мәрийа ньһа дькарьн мьqим бежьн: «Әз р′астийе заньм!»

Р′астийа К′ьтеба Пироз, әв хьзна беһ′әсав qимәт ә. Әw мә аза дькә жь дине т′әвиһәвбуйи, жь дьлтәнгийе у тьрса дьле мә аза дькә. Әw шабуне, мәрәме у гӧмане дьдә мәрийа. Иса гот: «Һуне р′астийе нас кьн у р′астийе wә аза кә» (Йуһ′әнна 8:32).

1. Мер һинкьрьнед К′ьтеба Пироз һин дьбә; 2. Жьна кö һинкьрьнед К′ьтеба Пироз һин дьбә