Дәрбази һондоре буйин

Дәрбази навәроке буйин

 СӘРЕ 10

Зәwащ Пʹешкʹеша жь Хwәде йе

Зәwащ Пʹешкʹеша жь Хwәде йе

«Се qат бән . . . зу наqәтә» (WАИЗ 4:12).

1, 2. (а) Дәрһәqа бук у зәʹва кʹижан пьрс дькарьн щәм мә пешда бен? (б) Әме дь ви сәрида дәрһәqа кʹижан пьрса хәбәр дьн?

ТÖ ҺʹЬЗ дьки һәрʹи дәʹwата? Гәләк һʹьз дькьн һәрʹьнә дәʹwата, чьмки дәʹwат wанрʹа шабуне тинә. Дәʹwатеда әwана бук у зәʹва дьвиньн, йед кö пʹьрʹ бәдәw хwәкьри нә. Хенщи ве йәке, бәшәра бук у зәʹва, жь бо шабуне гәләк хwәш ә. Ве рʹоже әwана бе һʹәсаб ша нә, у ль сәр ахьрийа хwә бь баwәрийе дьньһерʹьн.

2 Ле йазьх, кö зәwащ рʹожа иройин һʹаләки гәләк хьрабда нә. Рʹаст ә, әм дьхwазьн кö бук у зәʹва бәхтәwар бьн, ле щәм мә дькарьн пьрсед öса пешда бен: «Гәло әwана wе бәхтәwар бьн? Гәло зәwаща wан wе дьреж бькʹьшинә?». Щаба ван пьрса wе йәкева гьредайи йә, һәла мер у жьн wе итʹбарийа хwә ширәтед Хwәде биньн, йан на. (Бьхунә Мәтʹәлок 3:5, 6). Сәва кö мер у жьн бькарьбьн нава һʹьзкьрьна Хwәдеда бьминьн, әwана гәрәке ширәтед Хwәде дәрһәqа зәwаще бьqәдиньн. Wәрен әм ньһа жь Кʹьтеба Пироз щаба пьрсед öса пебьһʹәсьн: «Чьма мәрьв дьхwазьн бьзәwьщьн? Һәрге тә сафи кьрийә бьзәwьщи, ча гәрәке хwәрʹа бьжбери жьн йан мер? Тö чаwа дькари хwә бона малбәте һазьр ки? У мәрьвед зәwьщи ча дькарьн дь малбәта хwәда бәхтәwарийе хwәй кьн?»

ЧЬМА МӘРЬВ ДЬХWАЗЬН БЬЗӘWЬЩЬН?

3. Чьма wе беаqлайи бә кö хwә бе мәʹни зәwащева гьредьн?

3 Һьнәк дьфькьрьн, кö һәрге зәwащеда нини нькари бәхтәwар би, у һәрге мере тә йан жьна тә тʹöнә, нькари  бәхтәwарийе у рʹьһʹәтийе бьстини. Ле бь рʹасти әв йәк öса нинә. Чьмки Иса хwәха нәзәwьщи бу, у әwи нәзәwащбун һьмбәри пʹешкʹеше кьр у гот wәки кʹи дькарә азәп бьминә бьра öса жи бьжи (Мәтта 19:11, 12). Паwлосе шанди жи бона нәзәwащбуне хәбәр дьда (1  Корьнтʹи 7:32-38). Ле нә Иса, нә жи Паwлос бона ве йәке qанун кʹьфш нәкьрьн, чьмки дь Кʹьтеба Пирозда инкʹаркьрьна зәwаще һьмбәри «һинкьрьнед щьна» дьбә (1  Тимотʹейо 4:1-3). Чахе мәрьв азәп ә, әв йәк мәщале дьдә wи кö һʹәму wәʹде хwә бона Йаһоwа хәрщ кә. Ләма жи, wе беаqлайи буйа һәрге кәсәк бьзәwьщийа йан мер кьра тʹәне жь бо wе йәке чьмки һʹәмушк дьзәwьщьн у мер дькьн.

4. Чьма зәwаща баш бона һинкьрьн у ширәткьрьна зарʹа фәрз ә?

4 Ле һьнә мәʹнийед öса һәнә бона кʹижана һежа йә мәрьв бьзәwьщә йан жи мер кә. Зәwащ жи пʹешкʹеш ә жь Хwәде. (Бьхунә Дәстпебун 2:18). Чьмки кʹара зәwаще жи һәйә, у әw дькарә бәхтәwарийе жи бинә. Мәсәлә, зәwаща баш әw һәйә һʹиме лапә баш бона бәхтәwарийа малбәте. Чьмки дь малбәта башда де-бав дькарьн һʹьзкьрьне һьндава зарʹед хwә нишан кьн, рʹебәрийе бьдьнә wан у wана һин кьн (Зәбур 127:3; Әфәси 6:1-4). Ле нета зәwаще тʹәне әw йәк нинә, кö зарʹед мәрийа һәбьн.

5, 6. (а) Чь кʹар һәйә жь һәвалтийа незик ль гора кʹьтеба Wаиз 4:9-12? (б) Чьма дькарьн зәwаще һьмбәри бәне сеqәткьри кьн?

5 Wәрә әм бьфькьрьн дәрһәqа рʹеза сәрәкә йа wи сәри у контекста wе: «Дö кәс жь кәсәки qәнщтьр ә, жь бәр кö бона кʹәда wан һәqдәстед wан qәнщ дьбә. Жь бәр кö, гәр бькʹәвьн, wе йәк һәвале хwә рʹакә; ле бәле wәй ль сәре йе кö тʹәне бә у бькʹәвә! Тö кәсе кö wи рʹакә нинә. Һьм жи дö кәс пʹәврʹа рʹакәвьн, де гәрм бьбьн; ле бәле зьламәки тʹәне wе чаwа гәрм бьбә? Зьламәк бь сәр йе кö тәна сәре хwә йи бькʹәвә, де дö кәс ль һәмбәр wи дь бәр хwә дә бьдьн; се qат бән жи зу наqәтә» (Wаиз 4:9-12).

6 Ван рʹезада бәре әʹwльн те готьне дәрһәqа qимәте  һәвалтийе. Ле бь рʹасти жьн мер жи һәвалед һәвә незик ьн. Ча жь ван рʹеза те кʹьфше, һәвалтийа öсада мер у жьн дькарьн кʹомәке у дьлбинийе бьдьнә һәв у öса жи һәвдö хwәй кьн. Зәwащ илаһи һьнге qәwи йә, чахе әв тʹәвгьредан, нә тʹәне бь дö мәрийа йә. Чьмки ча әв рʹез нишан дькьн, бәне дöqәт дькарә зу бьqәтә, ле бәне се qәт чәтьн те qәтандьне. Һәрге жьн у мер бьхәбьтьн кö бәре пешьн дьле Йаһоwа ша кьн, һьнге тʹәвгьредана wан wе бьбә мина бәне сеqәте. Ләма жи, чахе мер у жьн Хwәдерʹа амьн ьн, зәwаща wан зәʹф qәwи дьбә.

7, 8. (а) Паwлос чь ширәт да Мәсиһийед азәп, бал кʹижана кö хwәстьна сексуал qайим һәйә? (б) Кʹьтеба Пироз чь ньһерʹандьна реалисти дьдә кʹьфше дәрһәqа зәwаще?

7 Тʹәне зәwащеда изьн һәйә һʹәwщед хwәйә сексуал рʹази кьн. Бона wан мәрийа кʹи кö зәwащеда ньн, һәләqәтийа сексуал бь рʹасти шабуне дькарә бинә (Мәтʹәлок 5:18). Щаһьлтийа гәш, әw әв wәʹдә йә чахе хwәстьна сексуалә qәwи, тʹәзә пешда те. Хwәстьна мәрьва кö һʹәwщед сексуал рʹази кә, дькарә бал мәрьва пешда бе һәла һе ви чахи жи, чахе wәʹде щаһьлтийа wийә гәш ида дәрбаз буйә. Һәрге әв хwә зәфт нәкә, йане хwә нәгьрә, wе тьште нә тʹәмьз у бенамуси бькә. Ләма жи Паwлос жь бина бәр Хwәде гот: «Һәрге хwә зәфт накьн, бьра бьзәwьщьн-мер кьн, чьмки qәнщ ә кö әw бьзәwьщьн-мер кьн, нә кö хwәда бьшәwьтьн» (1  Корьнтʹи 7:9, 36; Аqуб 1:15).

8 Фьрqи тʹöнә мәрьв жь бо чь мәʹнийе дьзәwьщә йан мер дькә, фәрз әw ә кö бь реалисти сәр әʹмьр бьньһерʹьн. Бь гьлийе Паwлос, кʹи кö зәwащеда нә «wе рʹасти охьрмед гьран бен» (1  Корьнтʹи 7:28). Мәрьвед кö зәwащеда ньн рʹасти чәтьнайед öса тен, кö бал йед нәзәwьщи тʹöнә нә. Һәрге тә сафи кьрийә бьби хwәйе малбәте, wе тәрʹа кʹар бә кö пебьһʹәси, ча дькари чәтьнайа чьqас һәйә кем ки, у малбәтева бәхтәwар би. Ширәта пешьн әw ә кö гәрәке хwәрʹа бь аqьлайи жьн йан мер бьжбери.

 КʹИ ТӘРʹА ДЬКАРӘ БЬБӘ МЕР ЙАН ЖЬНА БАШ?

9. Паwлос бь кʹижан мәсәле нишан кьр wәки тʹәви нәбаwәра бьзәwьщьн йан мер кьн, чьqас хоф ә?

9 Паwлосе шанди жь бина бәр Хwәде принсипәкә фәрз ньвиси, кʹижан кö гәләк фәрз ә бьдьн хәбате чахе хwәрʹа жьн йан мер дьжберьн: «Тʹәви нәбаwәра нәкʹәвьнә бьне нирәки» (2  Корьнтʹи 6:14). Әwи әв мәсәлә жь жийина гöндити ани. Һәрге дö һʹәйwана бькьнә бьн нирәки, у әв һәр дö чапа һәв нибьн, у фьрqи һәбә ортʹа qәwата wан жи һьнге һәр дö жи wе бьчәрчьрьн. Бь ви щурʹәйи, һәрге жьн у мер, йәк Мәсиһи йә ле йед дьн нәбаwәр ә, бе шьк әwана wе һәв фәʹм нәкьн у һәврʹа рʹази нәбьн. Чьмки һәрге жь wана йәк бьхwазьбә нава һʹьзкьрьна Йаһоwада бьминә, ле йе дьн бона wе йәке һʹәвәки йан жи qә хәм нәкә, ви чахи мәрәме wан wе йәк нибьн у wе нькарьбьн һәв фәʹм бькьн у жь чәтьнайа wе хьлаз нәбьн. Ләма жи Паwлос Мәсиһийа һелан дькә, wәки тʹәне тʹәви Мәсиһийа бьзәwьщьн йан мер кьн (1  Корьнтʹи 7:39).

10. Чахе мәрьв мьqабьли ширәта Хwәде дәрте ахьрийеда чь чәтьнайи пешда тен?

10 Ле һьнә Мәсиһийед азәп дьфькьрьн кö дьһа рʹьнд ә тʹәви нәбаwәра бькʹәвьнә бьн нирәки, нә кö тʹәнебунеда бьчәрчьрьн. Әwана заньн кö öса изьн тʹöнә, ле йәкә мьqабьли ширәта Кʹьтеба Пироз дьчьн. У әwана дьзәwьщьн йан мер дькьн тʹәви wан мәрийа, йед кö Йаһоwарʹа хьзмәт накә. Бь рʹасти әв сафикьрьна wан тʹәне хьрабийе тинә. Мәсиһийед öса жийина хwә гьредьдьн тʹәви wан мәрийа, тʹәви кʹижана кö әwана нькарьн дәрһәqа пьрсед зәʹф фәрз у qимәт хәбәр дьн. Ахьрийеда әwана дьһа тʹәне дьминьн нә кö пешийа дәʹwате. Чьqас һʹәwас ә кö бь һʹәзара Мәсиһийед азәп гöһ дьдьнә ве ширәта Хwәде, у амьнийа хwә wи тиньн ве пьрседа. (Бьхунә Зәбур 32:8). Әwана әве баwәрийе кö бьзәwьщьн öнда накьн, ле ләз накʹәвьн, чьмки хwәрʹа мер йан жьн нава Мәсиһийада дьгәрʹьн.

11. Чь дькарә али тә бькә wәки тö бь билани хwәрʹа мер йан жьна лайиq бьжбери? (Бьньһерʹә чаргошә  «Чаwа Хwәрʹа Бьжберьн Мер йан Жьна Лайиq?».)

 11 Бь рʹасти нә һʹәму хьзмәткʹаред Йаһоwа дькарьн тәрʹа бьбьнә жьн йан мере лайиq. Һәрге тö дьхwази бьзәwьщи йан мер ки, бьгәрʹә мәрьвәки öса кö хәйсәтед wи (wе) мина йе тә бьн у нет-мәрәмед wийи (wейә) рʹöһʹани мина йе тә бьн, у öса жи кö Хwәде гәләк һʹьз бькә. Хöламе амьн у сәрwахт гәләк хwарьна рʹöһʹани дайә сәва кö дәрһәqа wе тʹемайе бьфькьрьн. Тöйе рʹаст бьки һәрге пешийа әве сафикьрьна фәрз, дöа бьки у бьхуни у öса жи бьфькьри сәр wан ширәтед Кʹьтеба Пироз у бь ван ширәта рʹебәри би *. (Бьхунә Зәбур 119:105).

12. Дь гәләк wәлатада чь йә qәйдә у жь Кʹьтеба Пироз кʹижан мәсәлә дькарә аликʹарийе бьдә де-бава?

12 Гәләк wәлатада qәйдә йә, wәки де-бав хwәха зарʹед хwәрʹа жьн йан мер бьжберьн. Чьмки дь wан wәлатада һьлдьдьн һʹәсаб кö де-бав дь ве пьрса фәрзда һе билан у щерʹьбанди нә. Гәләк щар һатийә кʹьфше, кö әw зәwаща де-бава жьбартийә гәләк qәwи буйә чаwа кö әв йәк те кʹьфше жь мәсәла хьзмәткʹаре Хwәде йе бәре. Рʹожа иройин дәрәщед öсада де-бав дькарьн гәләк тьшт һин бьн жь мәсәла Бьраһим, кʹижани кö хöламе хwә шанд wәки Исһаqрʹа жьне бьжберә. Сәва Бьраһим фәрз нибу кö кәчʹьк дәwләти йә йан кʹәсиб ә. Ле әwи һʹәму тьшт кьр wәки Исһаqрʹа жьне жь wан мәрийа бинә, кʹи кö Йаһоwарʹа хьзмәт дькә * (Дәстпебун 24:3, 67).

 

 ТÖ ЧАWА ДЬКАРИ БОНА МАЛБӘТА БАШ, ХWӘ ҺАЗЬР КИ?

13-15. (а) Ча принсипа жь Мәтʹәлок 24:27 дькарә али wи мәрьви бькә йе кö дьхwазә бьзәwьщә? (б) Кʹи кö дьхwазә мер кә, гәрәке бона чь пешда хwә һазьр кә?

13 Һәрге тö дьхwази бьзәwьщи йан мер ки, wе аqьлайи бә кö әве пьрсе бьди хwә: «Бь рʹасти әз һазьр ьм бона wе йәке?» Щаба ве пьрсе гәрәке wе йәкева гьредайи нибә һәла тö чь дьфькьри бона һʹьзкьрьне, сексе, һәвалтийе у ширәткьрьна зарʹа. Һе фәрз әw ә wәки кʹи кö дьхwазә бьзәwьщә йан мер кә гәрәке бона wан щабдарийа бьфькьрә кʹижан кö паши зәwаще wе сәр стуйе wе бә.

14 Кʹи кö дьхwазә бьзәwьщә, пешийе гәрәке рʹьнд ль сәр wе принсипе бьфькьрә: «Пешийе ль дәрва кʹаре хwә бьqәдинә у зәвийа хwә амадә бькә; даwийе ханийе хwә ава бькә» (Мәтʹәлок 24:27). Әв чь те һʹәсабе? Wәʹде бәре һәрге кәсәки дьхwәст бьзәwьщийа у малбәт саз кьра, әwи гәрәке пьрсәкә öса бьда хwә: «Әз һазьр ьм хwәй бькьм жьн у зарʹед хwә?» Демәк әw гәрәке пешийе бьхәбьтийа, мәсәлә әʹрде хwә бещәр кьра. Әв принсип рʹожед иройинда жи те хәбьтандьне. Әwе кö дьхwазә бьзәwьщә, гәрәке һазьр бә щабдарийе жи һьлдә сәр хwә. Һәрге сьһʹәт-qәwата wи дьгьһиже, гәрәке бьхәбьтә. Дь Кʹьтеба Пирозда те готьне, wәки мере кö бона һʹәwщед малбәта хwәйә физики, емосийи у рʹöһʹани хәм накә, әw жь нәбаwәра хьрабтьр ә! (Бьхунә 1  Тимотʹейо 5:8).

15 Кʹи кö сафи дькә мер кә, гәрәке һазьр бә кö епʹещә щабдари һьлдә сәр хwә. Дь Кʹьтеба Пирозда те готьне дәрһәqа һьнә һʹöнöр у фәрәсәтед öса, кʹижан кö жьнерʹа лазьм ьн сәва кö аликʹарийе бьдә мере хwә (Мәтʹәлок 31:10-31). Мәрьвед кö нә һазьр ьн щабдарийе һьлдьн сәр хwә, ле ләз дькʹәвьн бьзәwьщьн йан мер кьн, хwәһʹьз ьн. Чьмки әwана бона хwә дьфькьрьн у нәфькьрьн дәрһәqа кʹара жьн йан мере хwәйи ахьрийе. Ле лапә фәрз әw ә, wәки кʹи кö дьхwазә бьзәwьщә йан мер кә, алийе рʹöһʹанида гәрәке һазьр бә.

16, 17. Кʹи кö һазьр дьбә бона бьзәwьщә йан мер кә, гәрәке ль сәр кʹижан принсипед Кʹьтеба Пироз бьфькьрә?

 16 Пешийа кö бькʹәвьнә зәwаще һәр кәс гәрәке бьфькьрә, wәки Хwәде чь щабдари да жьн у меррʹа. Мәсәлә мер гәрәке фәʹм бькә, кö чь те һʹәсабе сәре малбәта Мәсиһти би. Әв щабдари изьне надә wи берʹәʹм у бемәʹрифәт бә. Ле дәwсе әw гәрәке чʹәʹв бьдә Иса Мәсиһ, wәки әw чь щурʹәйи сәрwери дькьр (Әфәси 5:23). Жьн жи гәрәке фәʹм бькә кö чь йә щабдарийа wейә qимәт. Әw гәрәке бьфькьрә һәла һазьр ә гöрʹа «qануна мере хwә» бькә (Рʹомайи 7:2). Әw ида ньһа бьн qануна Йаһоwа у Исада йә (Галати 6:2). Ле qануна мере wе, әв qанунәкә дьн ә. Ләма жи әw гәрәке бьфькьрә һәла һазьр ә аликʹарийе бьдә мере хwәйи нәкʹамьл у гöрʹа wида бә? Һәрге һазьр нинә, һе баш ә мер нәкә.

17 Хенщи ве йәке жьн у мер гәрәке һазьр бьн хәм кьн бона һʹәwщед һәвә мәхсус. (Бьхунә Филипи 2:4). Паwлос ньвиси: «Һәр кәс жи бьра жьна хwә һʹьз бькә чаwа хwә у жьн жь мере хwә хоф бькә [qәдьр бьгьрә, ДТʹ]». Жь бина бәр Хwәде Паwлос кʹьфш кьр, кö бона мер гәләк фәрз ә wәки жьна wи qәдьре wи бьгьрә; ле жьн һʹәwщә йә кö мере wе ле һʹьз кә (Әфәси 5:21-33).

Wе аqьлайи бә кö wәʹде һәвнаскьрьне тʹәне нибьн

18. Чьма wәʹде һәвнаскьрьне лазьм ә хwәгьртьн?

18 Чахе дö мәрьв дьхwазьн бьзәwьщьн, дькарьн һьнә wәʹдә тʹәвайи дәрбаз кьн сәва сафи кьн һәла лайиqи һәв ьн, йан на. Ле әв йәк бона wәʹдәдәрбазкьрьне нинә. Әв бона ве йәке йә, wәки әwана һәв рʹьнд нас кьн у бьньһерʹьн һәла дьхwазьн һәв бьстиньн, йан на. Әwана һьнге жи гәрәке бькарьбьн хwә бьгьрьн. Чьмки хwәстьна wанә кö незики һәв бьн дькарә зәʹф qәwи бә. Рʹаст ә бь тʹәбийәти йә кö әwана бьхwазьн физики незики һәв бьн, ле әwана гәрәке фәсал бьн кö гöнә нәкьн. Һәрге әwана бь рʹасти һәв һʹьз дькьн wе тьштед öса нәкьн, чь кö wе зийана рʹöһʹани бьдә wи мәрьви кʹижани кö һʹьз дькә (1  Тʹесалоники 4:6). Ләма жи wәʹде һәвнаскьрьне гәрәке хwә  бьгьрьн. Әв һʹöнöр wе тʹәмамийа жийина тәда тәрʹа кʹаре бинә, фьрqи тʹöнә һуне һәв бьстиньн йан на.

ЧА МАЛБӘТА QӘWИ САЗ КЬН

19, 20. Ньһерʹандьна Мәсиһийа ча гәрәке щöда бә жь ньһерʹандьна дьнйа йе бәлабуйи? Мәсәле бинә.

19 Һәрге мер йан жьн дьхwазьн малбәта qәwи саз кьн, wанрʹа лазьм ә кö ньһерʹандьна wан ль сәр щабдарийед wан рʹаст бә. Гәләк щар роман у синәм бь дәʹwате хьлаз дьбьн, демәк йан чь, бь ахьрикә бәхтәwар. Дь жийина рʹастда дәʹwат әв хьлази нинә, ле дәстпека ве тʹәвгьредане йә, кʹижан кö бь qьрара Йаһоwа гәрәке qәт нәqәтә (Дәстпебун 2:24). Йазьх, кö рʹоже мәда гәләк öса нафькьрьн. Дь һьнә културада сазкьрьна малбәте һʹәсаб дькьн, чаwа дö бәне һәвва гьредайи. Мәрьв дьбәк qә жи фәʹм накьн, кö әв мәсәлә чьqас рʹьнд дьдә кʹьфше ньһерʹандьна бәлабуйи һьндава зәwаще. Чьма дькарьн öса бежьн? Чьмки рʹаст ә гьредана баш гәрәке qәwи бә, ле дö бән ча дькарьн һеса һәвва гьредьн öса жи һеса вәкьн.

20 Рʹожа иройин гәләк мәри зәwаще һʹәсаб дькьн тʹәвгьредана wәʹдәлу. Мәрьвед öса һеса дькʹәвьнә зәwаще, чьмки баwәр ьн кö һәрге чәтьнайи һәбә, дькарьн һеса һәв бьqәтьн. Wәрә әм биньнә бира хwә кö Кʹьтеба Пироз зәwаще һьмбәри бәне се qат дькә. Мәсәлә чахе бона гәмийе тʹоге чедькьн, дьхәбьтьн кö әв зәʹф qәwи бә öса кö бәр фьртона жи тәйах кә. Öса жи зәwащ гәрәке qәwи бә. Иса готйә: «Әwед кö Хwәде кьрьнә йәк, бьра мәрьв жь һәвдö нәqәтинә» (Мәтта 19:6). Һәрге бькʹәви зәwаще (бьзәwьщи йан мер ки), ньһерʹандьна тә ль сәр зәwаще гәрәке мина йа Иса бә. Гәло әв барәки гьран ә? На.

21. Жьн у мер һьндава һәв гәрәке чаwа бьн у чь дькарә дь ве пьрседа али wан бькә?

21 Жьн у мер һьндава һәв гәрәке рʹаст бьн. Һәрге һәр кәс жь wан qәwате бьдә хәбате wәки бьвиньн кьред у  хәйсәт-һʹöнöред һәви баш, һьнге зәwаща wан wе wанарʹа шабуне у рʹьһʹәтийе бинә. Ле гәло дьбә, wәки нав мәрьве гöнәкʹарда тьштед баш бьвиньн? Әре дьбә. Мәсәлә, ньһерʹандьна Йаһоwа реалисти йә, ле әм заньн wәки әw нав мәда тьштед баш дьвинә. Зәбурбеж пьрс кьр: «Йа Йаһ, Һәрге тö фәсадийан бьһʹәсьбини; ма кʹи дькарә ль сәр льнган рʹаwәстә, йа Йәһоwа» (Зәбур 130:3, ДО). Ньһерʹандьна жьн у мер жи гәрәке һьмбәри һәв баш бә у һазьр бьн һәвдö бьбахшиньн. (Бьхунә Колоси 3:13).

22, 23. Бьраһим у Сәрайе чь мәсәләкә баш һиштьнә бона жьн у мера рʹожа иройин?

 22 Чьqас сал дәрбаз дьбә һаqас дь малбәтеда бәхтәwари дькарә һе зедә бә. Дь Кʹьтеба Пирозда те гьликьрьне бона жьн у мере әʹмьре хwәда мәзьн, Бьраһим у Сәра. Дь жийина wанда чәтьнайи у кöл-дәрд жи һәбун. Пешийе әwана дь шәһәре пешдачуйи, Урда дьжитьн. Ле паше чахе Сәра 60 сали зедәтьр бу, әw пеһʹәсийа кö гәрәке мала хwәйә баш бьһелә у һәрʹә дь чадьрада бьжи. Бьдә һʹәсабе хwә, чьqас чәтьн бу wерʹа кö гöрʹа мере хwә бькә. Әм заньн кö Сәрайе qәдьре мере хwә гьрт у сафикьрьна wи qәбул кьр. Сәрда жи ча кʹомәкдар, әwе али мере хwә кьр, wәки әв сафикьрьна wи пек бе. Сәрайе гöрʹа мере хwә дькьр, нә тʹәне сәва wе йәке кö бе кʹьфше. Ле әwе дьле хwәда жи сәр Бьраһим дьгот «хwәйе мьн» (Дәстпебун 18:12, ПКʹМ; 1  Пәтрус 3:6). Әwе бь дьл у щан qәдьре мере хwә дьгьрт.

23 Бәле, әв йәк найе һʹәсабе кö Бьраһим у Сәра һʹәму пьрсада һәврʹа рʹази бун. Мәсәлә, щарәке Сәрайе тьштәк Бьраһимрʹа гот чь кö «гәләки гьран ль сәр Бьраһим рʹуньшт». Ле бь рʹебәрийа Йаһоwа, Бьраһим бь мьлуктийе гöрʹа жьна хwә кьр. Бь ве йәке малбәта wи кʹәрәм станд (Дәстпебун 21:9-13, ПКʹМ). Жь мәсәла Бьраһим у Сәрайе жьн у меред иройин гәләк тьшт дькарьн хwәрʹа һин бьн, һәла һе әw жьн у мер жи йед кö гәләк сал дь зәwащеда ньн.

24. Зәwащед ча, Йаһоwарʹа һöрмәте тиньн у чьма?

24 Рʹожа иройин дь щьвата Мәсиһийада бь һʹәзара малбәтед бәхтәwар һәнә. Дь ван малбәтада жьн зәʹф qәдьре мере хwә дьгьрьн, ле мер жи жьне хwә һʹьз дькьн у qимәт дькьн. Хенщи ве йәке, әwана һәр дö жи qьрара Йаһоwа датиньн щийе пешьн жийина хwәда. Демәк һәрге дьхwази бькʹәви зәwаще тö гәрәке бь аqьлайи хwәрʹа жьн йан мер бьжбери у рʹьнд һазьр би бона сазкьрьна малбәте у öса жи һʹәму тьшти бьки, wәки малбәта тәда һʹьзкьрьн у әʹдьлайи һәбә. Һәрге öса бьки, зәwаща тә wе һöрмәте Йаһоwарʹа бинә у али тә бькә кö бьмини нава һʹьзкьрьна Хwәдеда.

^ абз. 11 Бьньһерʹә кʹьтеба «Чаwа Малбәта Хwә Бәхтәwар кьн» йа кö Шәʹдед Йаһоwа нәшьр кьрьн.

^ абз. 12 Бәре һьнә хьзмәткʹаред Йаһоwа, хwәйе гәләк жьна бун. Мәсәлә жьнед Бьраһим у Исһаq жи гәләк бун. Рʹаст ә әw qәйдә жь Хwәде нибу. Ле Йаһоwа изьн да хьзмәткʹаред хwә у Исраелийед бәре, кö гәләк жьнед wан һәбьн. Öса жи сәва кö һʹәму тьшт щийе хwәда бә, Хwәде щьмәʹта хwәрʹа дәрһәqа ве йәке һьнә qанун дан. Ле Мәсиһийед иройин заньн кö Йаһоwа мьqабьли wе йәке йә, кö чәнд жьнед мерәки һәбьн (Мәтта 19:9; 1  Тимотʹейо 3:2).