Дәрбази һондоре буйин

Дәрбази навәроке буйин

 ДӘРС 14

Фькьред Сәрәкә Бьдә Кʹьфше

Фькьред Сәрәкә Бьдә Кʹьфше

(Ибрани 8:1)

ФЬКЬРЕД СӘРӘКӘ: Али гӧһдаред хԝә бькә ԝәки дина ԝан сәр тʹема тә бә, у зәлал кә ԝәки чаԝа һәр фькьрәкә сәрәкә, тʹема тәва гьредайи йә.

ӘВЕ ЙӘКЕ ЧАԜА БЬКЬН:

  • Нете дайнә пешийа хԝә. Готара хԝә ӧса һазьр кә, ԝәки гӧһдар тьштәки тʹәзә бькарьбьн хԝәрʹа бьвиньн, ԛәԝи бьн у һелан бьн. Избат бә ԝәки тӧйе һʹәму фькьред сәрәкә ӧса шьроԝәки, кӧ бьгьһижи нета хԝә.

  • Дина гӧһдара бьдә ль сәр тʹема готара хԝә. Ԝәʹде готара хԝә, дина гӧһдара бьдә ль сәр тʹема сәрәкә. Бона ве йәке тӧ дькари бьԝәкʹьлини гьлийе сәрәкә йе ве тʹемайе, йан жи синонима бьди хәбате.

  • Фькьред хԝәйи сәрәкә зәлал кә у һеса кә. Бьжберә тʹәне фькьред сәрәкә, кʹижан кӧ тʹема тәва гьредайи нә. Бь ве йәке тӧйе бькарьби ԝәʹде хԝәйи кʹьфшкьрида, һинкьрьна хԝә керһати ки. Чәнд фькьред сәрәкә зәлал бьдә кʹьфше, паузайе бькә ортʹа фькьред сәрәкә у һеса жь фькьрәки дәрбази сәр фькьра дьн бә.