Дәрбази һондоре буйин

Дәрбази навәроке буйин

 СӘРЕ 8

Щәм Йошийа Һәвалед Баш Һәбун

Щәм Йошийа Һәвалед Баш Һәбун

Ча тӧ дьшьрмиш дьби, чәтьн ә бьки әԝ чь кӧ рʹаст ә?~ Гәләк мәри дьшьрмиш дьбьн, ԝәки чәтьн ә. Мәсәлә дь Кʹьтеба Пирозда те гьликьрьне дәрһәԛа гәдәки, кʹижанирʹа кӧ гәләк чәтьн бу бькә әԝ чь кӧ рʹаст бу. Наве ԝи Йошийа бу. Ле щәм Йошийа һәвалед баш һәбун. У әԝана али ԝи дькьрьн. Ԝәре әм һе зедә пебьһʹәсьн дәрһәԛа Йошийа у һәвалед ԝи.

Баве Йошийа, Амон бу. Амон пʹадше Щьһудайе бу. Амон йәки гәләк зӧлм бу у сәре хԝә бәр пʹута датани. Чахе Амон мьр, кӧрʹе ԝи Йошийа бу пʹадше Щьһудайе. Ле һьнге Йошийа һʹәйшт сали бу! Ча тӧ дьшьрмиш дьби, Йошийа жи мина баве хԝә йәки зӧлм бу?~ На, әԝ йәки ӧса нибу!

Сефанийа әʹлами мәрийа дькьр кӧ сәре хԝә бәр пʹута данәйньн

Рʹаст ә Йошийа һе зарʹ бу, ле йәкә әԝи дьхԝәст гӧра Йаһоԝа бькә. Ләма жи Йошийа һәвалед ӧса хԝәрʹа дьжбарт, йед кӧ Йаһоԝа һʹьз дькьрьн. Әԝана али Йошийа кьрьн, ԝәки бькә әԝ чь кӧ рʹаст бу. Ле гәло һәвалед ԝи кʹи бун?

Йәк жь ԝан, Сефанийа бу. Сефанийа пʹехәмбәр бу. У әԝи әʹлами мәрьвед Щьһудайе дькьр, ԝәки сәре хԝә бәр пʹута  данәйньн, йане на, ԝе тьштәки хьраб бе сәре ԝан. Йошийа гӧһ да Сефанийа у сәре хԝә бәр Йаһоԝа датани, нә кӧ бәр пʹута.

Ле һәвале Йошийа дьн жи, Йерәмийа бу. Йерәмийа у Йошийа, салада ԝәкә һәв бун. Әԝана ӧса жи незики һәв дьман у тʹәвайи мәзьн дьбун. Бь рʹастийе жи әԝана һәвалед гәләк баш бун. Чьмки чахе Йошийа мьр, Йерәмийа кʹьлам сәр ԝи ньвиси дәрһәԛа ԝе йәке, кӧ чьԛас дьле ԝи сәр Йошийа дьшәԝьтә. Йерәмийа у Йошийа али һәв дькьрьн, ԝәки бькьн әԝ чь кӧ рʹаст бу. Ԝана ӧса жи гӧра Йаһоԝа дькьр.

Йошийа у Йерәмийа али һәв дькьрьн, ԝәки бькьн әԝ чь кӧ рʹаст бу

Чь тӧ дькари жь Йошийа һин би?~ Рʹаст ә Йошийа һе бьчʹук бу, ле йәкә әԝи дьхԝәст бькә әԝ чь кӧ рʹаст бу. Әԝи ӧса жи заньбу, ԝәки тʹәви ԝан мәрийа гәрәке һәвалтийе бькә, йед кӧ Йаһоԝа һʹьз дькьн. Тӧ жи һәвалед ӧса хԝәрʹа бьжберә, йед кӧ Йаһоԝа һʹьз дькьн у дькарьн али тә бькьн, ԝәки бьки әԝ чь кӧ рʹаст ә!

ЖЬ КʹЬТЕБА ПИРОЗ БЬХУНӘ

  • 2 Дирок 33:21-25; 34:1, 2; 35:25