Дәрбази һондоре буйин

Дәрбази навәроке буйин

 СӘРЕ 13

Тимотʹейо Дьхԝәст Али Мәрийа Бькә

Тимотʹейо Дьхԝәст Али Мәрийа Бькә

Тимотʹейо хортәки щаһьл бу у әԝ бь шабун али мәрийа дькьр. Әԝ дькʹәтә рʹе у дьчу гәләк щийа, сәва кӧ али мәрийа бькә. У жь бо ве йәке әʹмьре ԝи, гәләк һʹәԝас дәрбаз дьбу. Тӧ дьхԝази дәрһәԛа әʹмьре Тимотʹейо һе зедә пебьһʹәси?~

Де у пирька Тимотʹейо, әԝ дәрһәԛа Йаһоԝа һин дькьрьн

Тимотʹейо дь шәһәре Листрайеда мәзьн дьбу. Чахе әԝ һе зарʹ бу, пирька ԝи Лойис у дийа ԝи Әйньке, дәрһәԛа Йаһоԝа әԝ һин дькьрьн. Чахе Тимотʹейо мәзьн бу, әԝи хԝәст али мәрийа бькә ԝәки әԝана дәрһәԛа Йаһоԝа пебьһʹәсьн.

Чахе Тимотʹейо һе гәләк щаһьл бу, Паԝлос ԝи тʹәглиф кьр кӧ әԝ тʹәви ԝи рʹе кʹәвә у һәрʹә щурʹә щурʹә щийа, сәва кӧ даннасин бькьн. Тимотʹейо гот: ‹Бәле!› Ча те кʹьфше, Тимотʹейо һазьр бу тʹәви Паԝлос бьчуйа у али мәрийа бькьра.

 Тимотʹейо тʹәви Паԝлос рʹе кʹәт у чу Македонйайе ль шәһәре Тʹесалоники. Әԝана гәләк рʹе чун, сәва кӧ бенә ви щийи, у паше жи бь ԛәйике дәрбаз бун. Чахе әԝана гьһиштьнә щи, дәстпекьрьн али гәләк мәрийа бькьн, ԝәки дәрһәԛа Йаһоԝа пебьһʹәсьн. Ле һьнә мәри гәләк ль сәр ԝан һерс кʹәтьбун, у дьхԝәстьн зийане жи бьдана ԝан. Ләма жи Паԝлос у Тимотʹейо жь ви шәһәри дәркʹәтьн у чунә щийед дьн, кӧ даннасин бькьн.

Әʹмьре Тимотʹейо бәхтәԝар у һʹәԝас бу

Чәнд мәһ дәрбаз бун у Паԝлос готә Тимотʹейо, кӧ әԝ вәгәрʹә шәһәре Тʹесалоники у пебьһʹәсә, ԝәки һʹале бьра ԝе дәре чаԝа нә. Бь рʹастийе жи мерхаси лазьм бу, ԝәки диса һәрʹи ԝи шәһәри, кʹидәре кӧ дьхԝазьн зийане бьдьнә тә! Ле Тимотʹейо йәкә чу ви шәһәри, чьмки әԝ бәрхԝә дькʹәт сәва ԝан бьра, йед кӧ дь ви шәһәрида дьман. Чахе Тимотʹейо жь Тʹесалоникийе вәгәрʹийа, әԝи мьзгини Паԝлосрʹа ани. Демәк һʹале ԝан бьра йед кӧ дь Тʹесалоникийада бун, баш бу!

Тимотʹейо гәләк сал тʹәви Паԝлос шьхӧлкʹари дькьр. Щарәке Паԝлос ньвиси, кӧ Тимотʹейо мәрики гәләк баш бу, у кʹижани кӧ әԝи дькарьбу бьшанда щийа, ԝәки али щьвата бькә. Тимотʹейо һʹьз дькьр Йаһоԝа у ӧса жи мәрийа.

Ле тӧ мәрийа һʹьз дьки, у дьхԝази али ԝан бьки кӧ дәрһәԛа Йаһоԝа пебьһʹәсьн?~ Һәрге тӧ ӧса бьки, ԝе әʹмьре тә жи мина йе Тимотʹейо, ԝе гәләк бәхтәԝар у һʹәԝас бә!

ЖЬ КʹЬТЕБА ПИРОЗ БЬХУНӘ

  • 2 Тимотʹейо 1:5; 3:15

  • Кʹаред Шандийа 16:1-5; 17:1-10

  • 1 Тʹесалоники 3:2-7

  • Филипи 2:19-22