Дәрбази һондоре буйин

Дәрбази навәроке буйин

 СӘРЕ 1

Мьзгинийа кӧ Тәрʹа Һʹәԝас бә Бьзаньби

Мьзгинийа кӧ Тәрʹа Һʹәԝас бә Бьзаньби

Кәсәки ԛә щарәке тәрʹа тьштәки ӧса готийә, ԝәки тʹӧ кәсирʹа нәбежи?~ * Мәсәлә дь Кʹьтеба Пирозда жи те готьне, кӧ щарәке Хԝәде тьштәки ӧса гот, дәрһәԛа чь жи тʹӧ кәс ньзаньбу. Һәла һе мьлйакʹәта жи дьхԝәстьн һе зедә дәрһәԛа ве йәке пебьһʹәсьн. Әв мьзгини бу. Ле тӧ дьхԝази бьзаньби әв чь мьзгини бу?~

Ча тӧ дьшьрмиш дьби мьлйакʹәт чь дьхԝәзьн пебьһʹәсьн?

Ԝәʹде бәре Хԝәде мер у жьна пешьн әʹфьрандьн. Наве ԝан Адәм у Һеԝа бу. Хԝәде маләкә бәдәԝ да ԝан, йе кӧ бахче Адәне дьһатә навкьрьне. Һәрге Адәм у Һеԝа гӧрʹа Хԝәде бькьрана, һьнге әԝана у зарʹед ԝан ԝе бькарьбуна әʹрд педа бькьрана щьнәт. У дь Щьнәтеда ԝе һʹәта-һʹәтайе бьжитана. Ле те бира тә Адәм у Һеԝа чь кьрьн?~

Адәм у Һеԝа гӧрʹа Хԝәде нәкьрьн, ләма жи әм иро дь щьнәтеда ль сәр әʹрде нажин. Ле Хԝәде гот кӧ әԝ ԝе әʹрде педа бәдәԝ кә, у һәр кәс ԝе һʹәта-һʹәтайе бьжи у бәхтәԝар бә. Гәло Хԝәде ԝе ча әве йәке бькә? Гәләк ԝәхт мәрьв әв йәк ньзаньбун. Чьмки әв йәк ԝанарʹа әʹйан нибу.

Чахе Иса һат ль сәр әʹрде, дәрһәԛа ве мьзгинийе әԝи гәләк тьшт мәрийарʹа гьли дькьр. Әԝи ԝанарʹа гот, кӧ әв мьзгини дәрһәԛа Пʹадшатийа Хԝәде бу. Иса ԝанарʹа дьгот кӧ дӧа бькьн, ԝәки әв Пʹадшати бе. Чьмки әв Пʹадшати әʹрд ԝе бькә щьнәт.

Гава тӧ дәрһәԛа ве мьзгинийе пеһʹәсийайи, әв тә хԝәш һат?~ Бира хԝәда хԝәй кә, ԝәки тʹәне әԝ мәрьв ԝе дь Щьнәтеда бьжин, йед кӧ гӧрʹа Йаһоԝа дькьн. Кʹьтеба Пироз мәрʹа гәләк сәрһатийа гьли дькә дәрһәԛа ԝан жьн у мера, йед кӧ гӧрʹа Йаһоԝа дькьрьн. Тӧ дьхԝази дәрһәԛа ԝан пебьһʹәси?~ Ԝәре әм дәрһәԛа һьнәка жь ван пебьһʹәсьн, у бьзаньбьн кӧ чаԝа әм дькарьн чʹәʹв бьдьнә ԝан.

ЖЬ КʹЬТЕБА ПИРОЗ БЬХУНӘ

  • 1 Пәтрус 1:12

  • Дәстпебун 1:26-28; 2:8, 9; 3:6, 23

  • Мәтта 6:9, 10

  • Зәбур 37:11, 29

^ абз. 3 Дь нава ван сәрһатийада паши пьрса, тӧйе нишанәки ӧса (~) бьвини. Әв нишан те һʹәсабе кӧ гәрәке бьсәкьни, сәва кӧ зарʹа тә бькарьбә щаба хԝә бьдә.