Дәрбази һондоре буйин

Дәрбази навәроке буйин

 СӘРЕ 7

Елйас, Тьрс у Тʹәнебун ль сәр Хԝә Тʹәхмин Кьрийә

Елйас, Тьрс у Тʹәнебун ль сәр Хԝә Тʹәхмин Кьрийә

Һәла дина хԝә бьдә шькьл. Тӧ гәде бьчʹук дьвини? Те кʹьфше ԝәки әԝ тʹәне йә у дьтьрсә, ӧса нинә? Ле тә, тьрс у тʹәнебун ль сәр хԝә тʹәхмин кьрийә?~ Һәр кәс жь мә, щарна әв йәк ль сәр хԝә тʹәхмин дькә. Дь Кʹьтеба Пирозда жи те гьликьрьне дәрһәԛа һәвалед Йаһоԝа, йед кӧ тʹәне манә у тьрсийанә. Йәк жь ԝан мәрийа Елйас бу. Ԝәре әм дәрһәԛа ԝи пебьһʹәсьн.

Изабел дьхԝәст Елйас бькӧшта

Һе гәләк сал пешийа буйина Иса, Елйас дь Исрайеледа дьжит. Аһаб пʹадше Исрайеле, Хԝәдайе рʹаст демәк Йаһоԝа нәдьһʹәбанд. Әԝ у кʹӧлфәта ԝи Изабел, сәре хԝә бәр хԝәдане ԛәлп Баәʹл, датанин. Ләма гәләк мәри жи дь Исрайеледа дәстпекьрьн Баәʹл бьһʹәбиньн. Жьн пʹадша Изабел зӧлмкʹар бу, у дьхԝәст ԝан һʹәму мәрийа бькӧшта, йед кӧ Йаһоԝа дьһʹәбандьн. У Елйас жи әԝе дьхԝәст бькӧшта! Ле тӧ зани Елйас чь кьр?~

Елйас рʹәви! Әԝ чу кʹурайа бәрийе у дь шкәфтеда хԝә вәшарт. Ча тӧ дьшьрмиш  дьби әԝ чьрʹа рʹәви?~ Бәле, әԝ тьрсийа. Ле Елйас гәрәке нәтьрсийа. Чьрʹа? Чьмки әԝи заньбу, ԝәки Йаһоԝа дькарьбу али ԝи бькьра. Һе пешийа ԝе йәке, Йаһоԝа ԛәԝата хԝә Елйасрʹа нишан кьр. Щарәке Йаһоԝа агьр жь әʹзман баранд, у бь ве йәке щаба дӧайе Елйас да. Ләма ньһа жи, Йаһоԝа дькарьбу али ԝи бькьра!

Ча Йаһоԝа али Елйас кьр?

Чахе Елйас дь шкәфтеда бу, Йаһоԝа тʹәви ԝи хәбәр да у жь ԝи пьрси: ‹Тӧ вьра чь дьки?› Елйас щаба хԝә да: ‹Тʹәне әз мам жь ԝан мәрийа, йед кӧ тәрʹа ԛӧльх дькә. У әз дьтьрсьм, чьмки мьн дьхԝазьн бькӧжьн›. Елйас дьшьрмиш бу, ԝәки һʹәму ԛӧльхкʹаред Йаһоԝа ида һатьнә кӧштьне. Ле Йаһоԝа готә Елйас: ‹На, әв ӧса нинә. Хенщи тә диса 7 000 мәрийед дьн жи һәнә, йед кӧ мьнрʹа ԛӧльх дькьн у мьн дьһʹәбиньн. Мерхас бә. Щәм мьн диса гәләк шьхӧл сәва тә һәйә кӧ бьки!› Ча тӧ дьшьрмиш дьби, Елйас ша бу чахе дәрһәԛа ве йәке бьһист?~

Жь мәсәла Елйас тӧ чь дькари һин би?~ Тʹӧ щар нәтьрсә у дьшьрмиш нәбә ԝәки тӧ тʹәне йи. Һәвалед тә һәнә, йед кӧ тә у Йаһоԝа һʹьз дькьн. Хенщи ԝе йәке, ԛәԝата Йаһоԝа зәʹф ә, у әԝе һәртʹьм али тә бькә! Бәле Йаһоԝа ԝе тʹьме тʹәви тә бә у пьштовани тә бә. Жь бо ве йәке тӧ бәхтәԝар у ша йи?~

ЖЬ КʹЬТЕБА ПИРОЗ БЬХУНӘ

  • 1 Пʹадшати 19:3-18

  • Зәбур 145:18

  • 1 Пәтрус 5:9