Дәрбази һондоре буйин

Дәрбази навәроке буйин

 ӘԜАНА РʹАСТИ ЧӘТЬНАЙА ҺАТЬН

Сәрһатийа Рикардо у Андреас

Сәрһатийа Рикардо у Андреас

Һинбуна сәр һʹиме Кʹьтеба Пироз мӧһим ә, чьмки ԛәԝата ԝе һәйә жийина мәрийа алийе башда бьгӧһезә. Ԝәрен әм сәрһатийа Рикардо у Андреас пебьһʹәсьн.

РИКАРДО: Чахе әз 15 сали бум, әз кʹәтьмә кʹома ԛачаха. Һәвалед мьнә тʹәзә, гәләк хьраб сәр мьн һʹӧкӧм кьрьн. Бь рʹасти бежьм нета мьн әв бу, ԝәки дәһә сала кәләда дәрбаз кьм! Дьԛәԝьмә бона ԝә әв әʹщебмайи йә. Ле мьһала мьнда мәрьвед кӧ кәлада рʹуньшти бун, гәләк хԝәйиԛәдьр бун. Ләма жи мьн дьхԝәст мина ԝан бьм.

Чь кӧ жийина ԛачахтийева гьредайи бу, мьн һʹәму тьшт тәʹм кьр. Мәсәлә хәбьтандьна наркотика, бенамуси у зӧлми. Шәвәке ӧса ԛәԝьми, кӧ һьндьк мабу әз бьһатама гӧләкьрьне. Мьн тʹьре әзе бьмьрьм, ле мьн карьбу хԝә вәшерьм у хьлаз бьм. Паши ве йәке мьн дәстпекьр һе кʹур бьфькьрьм дәрһәԛа жийин у нетед хԝә. Мьн сафи кьр бемә гӧһастьне. Ле чь щурʹәйи? Кʹи ԝе али мьн бькьра?

Гәләк пьзмамед мьн бәхтәԝар нибун. Жийина ԝан бь проблема тʹьжә бу. Ле малбәта хале мьн жь ԝана щӧдә дьбу. Әԝана мәрьвнә баш бун, чьмки бь принсипед Кʹьтеба Пироз дьжитьн. Щарәке әз жь ԝана пеһʹәсийам, ԝәки наве Хԝәде Йаһоԝа йә. Һьнәк ԝәхт шунда чахе һьндьк мабу мьн әʹмьре хԝә ӧнда кьра, мьн дәстпекьр Йаһоԝарʹа дӧа кьм, наве ԝи һьлдьм у аликʹарийе жь ԝи бьхԝазьм. Әз гәләк әʹщебмайи мам, кӧ һәма сьбәтьре Шәʹдед Йаһоԝа дәре мьн хьстьн! Һәма әԝи бьрайи жи дәстпекьр Кʹьтеба Пироз мьн һин кә.

Зутьрәке әз рʹасти проблемәкә мәзьн һатьм. Һәԝалед мьнә бәре тʹьме мьнрʹа тʹеле дьхьстьн у гази мьн дькьрьн, кӧ ԝәʹдә тʹәви ԝан дәрбаз кьм. Мьнрʹа нәһеса бу, ле мьн инкʹар дькьр. Мьн дьхԝәст һинбуна Кʹьтеба Пироз бәрдәԝам кьм. Әз гәләк ша мә кӧ мьн ӧса кьр! Жийина мьн педа һатә гӧһастьне, у әз бь рʹасти бәхтәԝар бум.

Те бира мьн, мьн Хԝәдерʹа дӧа кьр у ԝирʹа гьли кьр, ча ԝәхтәки мьн дьхԝәст дәһ сала кәледа дәрбаз кьм, кӧ кʹома ԛачахада бьбьмә әндәме хԝәйиԛәдьр. Мьн жь Хԝәде хԝәст, ԝәки али мьн бькә, кӧ ньһа һәма дәһә сала пешәнг хьзмәт кьм, ԝәки али мәрийа бькьм ча мьн аликʹари станд. Хԝәде щаба дӧайе мьн да, у ида 17 сал ә әз пешәнге һәртʹьм хьзмәт дькьм! У дьхԝазьм бежьм, кӧ әз нәжи кʹәтьмә кәле.

Гәләк һәвале мьнә бәре, ида гәләк салә кәлада руньштьнә. Һьнәк жь ԝан жи мьрьнә. Чахе әз дәрһәԛа жийина хԝәйә бәре дьфькьрьм, рʹазибуна мьн һьндава пьзмамед мьн кӧ Шәʹдед Йаһоԝа нә, даһа мәзьн дьбә. Әԝана һазьр бун жь мәрьвед ве дьне щӧдә бьн у бь принсипед Кʹьтеба Пироз бьжин. Мьн ԛәдьре тʹӧ кәси кʹома хԝәйә ԛачахада ӧса нәдьгьрт, ча ԛәдьре малбәта хале хԝә. Хенщи ԝе йәке, әз гәләк жь Хԝәде рʹази мә, кӧ мьн һин дькә, ԝәки чаԝа бь жийинәкә лапә баш бьжим.

 АНДРЕАС: Әз мьһаләкә кʹәсибда һатьмә буйине у ԝедәре мәзьн бум. Ве мьһаледа гәләк бәлабуйи бу кьред ӧса ча, хәбьтандьна наркотика, ԛачахи, кӧштьн, бенамуси. Баве мьн тʹьме ичкә вәдьхԝар у наркотикайева гьредайи бу. Әԝи у дийа мьн, тʹьме бь гьлийа у бь кʹӧлма шәрʹ дькьрьн.

Ида щаһьлтийа хԝәда, мьн дәстпекьр ичʹке вәхԝьм у наркотикайе бьдьмә хәбате. Мьн гәләк ԝәʹде хԝә кʹучʹада дәрбаз дькьр, һьм жи дьзи дькьр у паше әԝ тьшт дьфьрот. Чахе әз һьнәки мәзьн бум, баве мьн, әз һин кьрьм, кӧ беԛануни наркотикайе у тьштед беԛанунийә дьн дәрбази ԝәлате мә кьм у бьфьрошьм. Ԝәʹдәки кьнда, мьн гәләк пʹәрә чекьр. Паше рʹожәке полис һатә мала мьн у мьн нәһәԛкьрьн, кӧ йан чь мьн дьхԝәст кәсәк бькӧшта. У әз сәр пенщ сала кьрьмә кәле.

Рʹожәке кәледа, гьртийарʹа әʹлам кьрьн кӧ Шәʹдед Йаһоԝа һатьнә Кʹьтеба Пироз шеԝьр кьн. Мә гьшка тʹәглиф кьрьн у мьн жи сафи кьр һәрʹьм. Чь кӧ мьн бьһист логики бу, ләма жи мьн дәстпекьр тʹәви ԝан Кʹьтеба Пироз һин бьм. Әԝана зәлал мәрʹа нишан кьрьн нормед Хԝәдейи нав-намусийе.

Зутьрәке мьн фәʹм кьр, кӧ бе аликʹарийа Хԝәде әзе нькарьбьм хԝә бьгӧһезьм, илаки чахе гьртийед майин мьԛабьли мьн дәрдькʹәтьн, кӧ мьн дәстпекьр бь щурʹәки майин бьжим. Ләма жи мьн жь Йаһоԝа ԛәԝат у билани дьхԝәст кӧ али мьн бькә. Йаһоԝа али мьн кьр гьртийед дьн нәтьрсьм у бь мерхаси дәрһәԛа Кʹьтеба Пироз тʹәви ԝан хәбәр дьм.

Чахе әз жь кәле аза дьбум, әз ӧса бәрхԝә дькәтьм, чьмки мьн дьхԝәст дьреж ведәре бьмама! Чахе әз дьчум һьнәка жь гьртийа, бь һәвалти хатре хԝә жь мьн хԝәстьн. Һьнәка жи бь нәрми дьготьн: «Вәгәрʹә мала хԝә шьване бьчʹук».

Әз дьтьрсьм бьфькьрьм дәрһәԛа ԝе йәке, кӧ жийина мьн ԝе чь щурʹәйи буйа, һәрге мьн нәһишта ԝәки Хԝәде мьн һин кә. Әз гәләк жь Хԝәде рʹази мә ԝәки әԝ мьн һʹьз дькә, у мьн һʹәсаб накә чаԝа йәки бекер. *

^ абз. 15 Һе зедә сәрһати дәрһәԛа ԝе йәке, кӧ чаԝа Кʹьтеба Пироз жийина мәрийа алийе башда дьгӧһезә, бьньһерʹьн jw.org. Бькʹәвьнә BIBLE TEACHINGS > PEACE & HAPPINESS.