Дәрбази һондоре буйин

Дәрбази навәроке буйин

Пʹехәмбәртийа дәрһәԛа Сьһʹәта Нишанкьрьна Кʹӧтасийа Дьнйайе, ԝе нәйе сери, чьмки Хԝәде ахьрийа баш соз дьдә бона инсанәте у әʹрде

 ТʹЕМА ЖЬ РʹУЙЕ ЖУРНАЛЕ | ГӘЛО РʹАСТИ ҺʹАЛЕ ДЬНЙАЙЕ ХЬРАБ Ә?

Кʹьтеба Пироз Чь Дьбежә?

Кʹьтеба Пироз Чь Дьбежә?

Дәрһәԛа һʹале дьнйайейә хьраб, дь Кʹьтеба Пирозда һе гәләк ԛьрна пешда һатьбу пʹехәмбәртикьрьне. У һе фәрз әԝ ә, кӧ Кʹьтеба Пироз ӧса жи пʹехәмбәртийе дькә дәрһәԛа ахьрийа баш бона инсанәте. Әԝ чь кӧ Кʹьтеба Пироз дьбежә әм гәрәке дәрбера пьш гӧһе хԝә нәвежьн, чьмки гәләк тьштед кӧ Кʹьтеба Пирозда һатьбу пʹехәмбәртикьрьне, һур бь һур һатә сери.

Дина хԝә бьдә пʹехәмбәртийед Кʹьтеба Пироз:

  • «Мьләте рʹабә ль сәр мьләт, пʹадшати ль сәр пʹадшатийе, щи-щийа ԝе хәлайи-щәлайе у әʹрдһʹәже бьбьн» (Мәтта 24:7).

  • «Ле ве йәке заньбә кӧ рʹожед ахьрийеда зәманед хьраб ԝе бен. Мәрьве бьбьнә хԝәһʹьз, пʹәрәһʹьз, кʹӧбар, бабах, кʹьфьр, нә гӧрʹа де-бавада, бешекьр, һʹәрам, дьлсар, берʹәʹм, бӧхданбеж, тәмсьст, зӧлмкʹар, нәйаред ԛәнщийе, нәмам, щӧләʹт, хԝәрʹази, рʹьһʹәтиһʹьз, нә кӧ Хԝәдеһʹьз» (2 Тимотʹейо 3:1-4).

Әв пʹехәмбәрти әʹйан дькьн һʹале дьнйайә иройин, дәрһәԛа кʹижани кӧ һьнәка дьбежьн ԝәки әԝ жь бьн контроле дәркʹәтийә. У бь рʹасти жи әва дьнйа жь контроле дәркʹәтийә. Чаԝа кӧ Кʹьтеба Пироз әʹйан дькә, щәм мәрийа тʹӧнә билани у ԛәԝат, сәва кӧ проблема сафи кьн. Әв йәк рʹьнд те кʹьфше жь рʹезед жере:

  • «Рʹе һәйә кӧ мерьврʹа рʹаст хӧйа дькә, ле хьлазийа ԝе рʹийа мьрьне йә» (Мәтʹәлок 14:12).

  • «Дәм дьбә кӧ сәрԝәрийа зьламәки, ль сәр йәки дьн, бь хәсара ԝи йә» (Ԝаиз 8:9).

  • «Рʹейа мьров нә дь дәсте wида йә, гавен хwә рʹасткьрьн, нә дь дәсте мьрове кö дьмәшәда йә» (Йерәмйа 10:23).

Һәрге мәрьв бәрдәԝам кьн бькьн әԝ чь кӧ дьхԝазьн, һәмьки дьнйа мә ԝе жь хәзәба һʹәмдьнйайе нькарьбә хьлаз бә. Ле әв йәк ԝе нәԛәԝьмә! Чьмки Кʹьтеба Пироз дьбежә:

  • «Тә әʹрд дани ль сәр бьнгәһ, кӧ тʹӧ щар жь щи нәһʹәжә» (Зәбур 104:5).

  • «Ньфшәйәк дьчә у ньфшәйәк те; ле бәле дьнйа абадин дьсәкьнә» (Ԝаиз 1:4).

  • «Рʹасте ль әʹрде ԝар бьн у һәр-һәйе ԝе сәр бьжин» (Зәбур 37:29).

  • «Бьра гәньме ԝәлет бьбә бирʹ-бәʹр, дәрәмәтед ԝи сәре чʹийа бьһʹәжьн» (Зәбур 72:16).

 Әв гьлийед жь Кʹьтеба Пироз щаба зәлал дьдьн. Инсанәт ԝе нәмьрә жь ԛьрежайа һәвайе, кемасийа хԝарьн у аве, у нә жи жь нәхԝәшийед һʹал йед һʹәмдьнйайе. Дьнйа ԝе кʹӧта нәбә дь һолокостеда. Чьмки Хԝәде ахьрийа гәрдуне бьн контрола хԝә гьртийә. Хԝәде азайа бьжартьне дайә мәрийа у әԝана ԝе хԝәха щабдар бьн бона сафикьрьнед хԝә (Галати 6:7). Дьнйайе әм дькарьн бәрамбәри трена бь ләз бькьн, йе кӧ бь тʹәмами жь контроле дәркʹәтийә у бәрбь кʹӧтакьрьне дьчә. Хԝәде синор кʹьфш кьрьн, у мәрьв ԝе нькарьбьн зийана пʹьрʹ мәзьн бьдьнә хԝә (Зәбур 83:18; Ибрани 4:13).

Ле Хԝәде ԝе һе зедә бькә. Әԝе «зедәһийа аштийе» бинә сәр әʹрде (Зәбур 37:11). Әв һевийа баш, дәрһәԛа кʹижани кӧ дь ве готареда те шьроԝәкьрьне, ԝәк шәԝԛа зәлал ә бона ахьрийе. У бь милйона Шәʹдед Йаһоԝа дәрһәԛа ве йәке бь сайа һинбуна Кʹьтеба Пироз пеһʹәсийан.

Шәʹдед Йаһоԝа, әв һәйә щьвака һʹәмдьнйайе жь жьн у мера, йед кӧ жь һәр мьләти нә. Әԝана Хԝәдайе рʹаст дьһʹәбиньн, наве кʹижани кӧ Йаһоԝа йә, чаԝа кӧ Кʹьтеба Пироз әʹйан дькә. Әԝана жь ахьрийе натьрсьн, чьмки Кʹьтеба Пироз дьбежә: «Хӧдане кӧ әʹзманан әʹфьрандийә, . . . ԝе ль валаһийе нәәʹфьрандийә, бона кӧ ль сәр ԝе бетә рʹуньштьн ԝе әʹфьрандийә, ԝӧса дьбежә: Хӧдан әз ьм ԝәки дьн нинә!» (Ишайа 45:18).

Дь ве готареда һатьбу шьроԝәкьрьне һьнә һинкьрьнед Кʹьтеба Пироз дәрһәԛа ахьрийа әʹрде у инсанәте. Сәва һе зедә әʹламәти, бьньһерʹә дәрса 5 жь брошура «Мьзгинийа Хԝәде сәва Мәрийа», йед кӧ Шәʹдед Йаһоԝа нәшьр кьрьнә у әв ӧса жи һәйә ль сәр малпәра ԝԝԝ.jԝ.org

Тӧ ӧса жи дькари бьньһерʹи видео «Чьма Хԝәде Әʹрд Әʹфьранд?» йе кӧ дькарьн бьвиньн ль сәр www.jw.org. (Бьньһерʹә НӘШЬРКЬРЬН > ВИДЕО)