Дәрбази һондоре буйин

Дәрбази навәроке буйин

 ТʹЕМА ЖЬ РʹУЙЕ ЖУРНАЛЕ | ЧЬРʹА ЛАЗЬМ Ә РʹАСТ У НӘԚӘЛП БЬН?

Гәло Мәрьвед Иройинрʹа Лазьм ә кӧ Рʹаст у Нәԛәлп бьн?

Гәло Мәрьвед Иройинрʹа Лазьм ә кӧ Рʹаст у Нәԛәлп бьн?

Һитоши офисәкә дь Жапонйайеда чаԝа һʹәсабдар дьхәбьти. Чахе әԝи тʹәви мәзьне хәбата хԝә дәрһәԛа һʹәсабед пʹәра шеԝьр дькьр, мәзьне ԝи ԝирʹа гот кӧ әԝ гәрәке һʹәсабед ԛәлп бькә. Ле Һитоши гот кӧ исафа ԝи изьне надә ԝи, кӧ ԛәлпийе бькә. Һитоши данә тьрсандьне кӧ ԝе ԝи жь хәбате дәрхьн, у ахьрийеда бь рʹастийе жи әԝи хәбата хԝә ӧнда кьр.

Паше Һитоши бь мәһа хәбат хԝәрʹа дьгәрийа, ле нькарьбу бьдита у дьлтәнг дьбу. Ԝәʹде ԛьсәкьрьнәкә бона хәбате, Һитоши гот кӧ әԝ нькарә хәбатеда ԛәлпийе бькә. Әԝ мәрьве кӧ ԛьсәкьрьн жь ԝи һьлдьда ԝирʹа гот: «Ньһерʹандьна тә гәләк әʹщеб ә!» Малбәт у һәвалед Һитоши әԝ һелан дькьрьн кӧ әԝ диса жи ӧса тʹәмьз бьминә у ԛәлпийе нәкә. Ле Һитоши һьнәки дӧдьли дьбу у дьфькьри: «Гәло ԛә кʹар һәйә ԝәки әз баԝәрийа хԝәрʹа амьн дьминьн».

Мәсәла Һитоши рʹьнд әʹйан дькә, кӧ нә һәр кәс рʹастийе у беԛәлпийе ԛимәт дькә. У бь рʹастийе, һьнәк беԛәлпийе һʹәсаб дькьн ча тьштәки баргьрани, илаһи бизнеседа. Жьнькәк кӧ дьхәбьтә дь Африкайа Башуреда, гьлийе ӧса дьбежә: «Дәр доре мьн мәрьвед ӧса ньн кӧ ԛәлпийе дькьн, у щара гәләк чәтьн ә кӧ чʹәʹв нәдьмә ԝан».

Иро щурʹәки ԛәлпийе гәләк бәлабуйи йә. Әԝ һәйә дәрәԝ. Һьнә салед пашԝәхтийе, бь леколинкьрьна Роберт Фелдмане псиколожист, һатә әʹйанкьрьне кӧ 60 сәләф мәрьвед мәзьн, ԝәʹде хәбәрдане лап кем 10 дәԛа щарәке дәрәԝа дькьн. Фелдман дьбежә: «Әԝ йәк әʹщебмайи йә. Мә нә жи карьбу бьда бәр чʹәʹве хԝә, кӧ дәрәԝи ԝе дь жийина мәйә һәррʹожида ӧса тʹәбийәти бә». Рʹаст ә, һʹәчʹи зәʹф мәрьв нәфрʹәт дькьн әве йәке кӧ тенә хапандьне, ле йәкә гәләк мәрьв дәрәԝа дькьн.

Чьрʹа щурʹә-щурʹә ԛәлпи, мәсәлә дәрәԝи, дьзи у диса тьштед дьн иро ӧса гәләк бәлабуйи нә? Ча нәрʹасти у ԛәлпи сәр мәрьва һʹӧкӧм дьбә? У әм ча дькарьн хԝә хԝәй кьн кӧ шьхӧлед ԛәлп у нәрʹаст нәкьн?