Дәрбази һондоре буйин

Дәрбази навәроке буйин

 ШИРӘТЕД БӘРЕ КӦ ИРО ЖИ КЕРҺАТИ НӘ

Хәма Нәкьн

Хәма Нәкьн

ПРИНСИПА КʹЬТЕБА ПИРОЗ: «Бона әʹмьре хԝә хәма нәкьн» (Мәтта 6:25).

Әԝ йәк чь те һʹәсабе? Әԝан гьлийа Иса гот чахе әԝи ль сәр чʹийе мәрьв һин дькьрьн. Ль гора фәрһәнгәкә Кʹьтеба Пироз, хәбәра Йунани кʹижан те ԝәлгәрʹандьне ча «хәмкьрьн», дькарә бе һʹәсабе «реаксиа мәрьвайә тʹәбийәти сәр кʹәсиббун, бьрчибун, у проблемед дьн, кʹижан кӧ дь әʹмьре ԝийи һәр рʹожида дьԛәԝьмьн». Хәмгини ӧса жи те һʹәсабе, бәрхԝәкʹәтьн дәрһәԛа ахьрийе. Әԝ йәк нормал ә, кӧ әм дәрһәԛа тьштед материали у дәрһәԛа һʹалхԝәшийа мәрьвед хԝәйи незик хәмгин дьбьн (Филипи 2:20). Ле чахе Иса гот «хәма нәкьн», әԝи дьхԝаст ширәт бьда шагьртед хԝә, ԝәки әԝана гәләк хәмгин нәбьн, чьмки хәмгинийа дәрһәԛа рʹожа сьбе, дькарә шабуна рʹожа иройин жь мә бьстинә (Мәтта 6:31, 34).

Гәло әԝ ширәт рʹожа иройин жи керһати йә? Ԝе билани бә, ԝәки әм дина хԝә бьдьнә ширәта Иса. Чьрʹа? Һьнә кʹьтебед медисинайе, дьбежьн кӧ чахе мәрьв гәләк бәрхԝә дькʹәвьн у дьлтәнг дьбьн сәва һьнә тьшта, әԝ йәк сәр система нервед ԝан гәләк һʹӧкӧм дьбә, жь бо чь жи «нәхԝәшийед ӧса пешда тен, мәсәлә нәхԝәшийед зьк, дьльк, у ӧса жи асма».

Иса гот дәрһәԛа ԝан мәʹнийа, чьрʹа әм гәрәке гәләк бәрхԝә нәкʹәвьн: Әԝ йәк кʹаре найинә. Әԝи гот: «Иди жь ԝә кʹи дькарә бь хәмед хԝә дәԛәке сәр әʹмьре хԝәда зедә кә?» (Мәтта 6:27). Һәгәр әм гәләк дина хԝә дьдьн сәр хәмгинед хԝә, бь ԝе йәке әме нькарьбьн әʹмьре хԝә дьреж кьн, йане һе баш кьн. Гәләк щар дьԛәԝьмә кӧ дәрһәԛа чь әм пешда хәмгин дьбьн, нә жи дьԛәԝьмьн. Зандарәк дәрһәԛа ԝе йәке ӧса дьбежә: «Хәмгини дәрһәԛа ахьрийе бадиһәԝа йә, чьмки ӧса дьԛәԝьмә кӧ ахьри бь рʹастийе ӧса хьраб набә, чаԝа кӧ мә дьда бәр чʹәʹве хԝә».

Ле чь бькьн ԝәки хәмгин нәбьн? Йа пешийе, итʹбарийа хԝә Хԝәде биньн. Һәрге Хԝәде тәйрәдед әʹзмен тʹер дькә у дина хԝә дьдә сосьнед чоле, ле чьԛас зедә ԝе хәм бькә бона ԝан, кʹе баԝәрийа хԝә ԝи тиньн (Мәтта 6:25, 26, 28-32). Йа дӧда, бьфькьрьн дәрһәԛа рʹожа иройин, нә кӧ йа сьбе. Иса гот: «Иди бона рʹожа сьбе хәма нәкьн, чьмки рʹожа сьбе ԝе бона хԝә хәма бькә». Һун ван гьлийарʹа ԛайил ьн: «Хәмед рʹоже бәси ԝе нә»? (Мәтта 6:34).

Һәрге әм әве ширәта Исайә билани бьдьн хәбате, бь ԝе йәке әме сьһʹәт-ԛәԝата хԝә жь зийане хԝәй кьн. Һьн жи, әме дьлрʹьһʹәтийе бьвиньн, кʹижан кӧ Кʹьтеба Пироз нав дькә «әʹдьлайийа Хԝәде» (Филипи 4:6, 7).