Дәрбази һондоре буйин

Дәрбази навәроке буйин

 ТЕМА ЖЬ РУЙЕ ЖУРНАЛЕ | МӘЛӘКЕД ХԜӘДЕ; ӘԜАНА БЬ РʹАСТИ ҺӘНӘ?

Гәло Мәләке Тә Һәйә, кӧ Тә Хԝәй Дькә?

Гәло Мәләке Тә Һәйә, кӧ Тә Хԝәй Дькә?

Кʹьтеба Пироз набежә кӧ мәләке һәр мәрьвәки һәйә, у ԝи хԝәй дькә. Щарәке Иса гот: «Һаш жь хԝә һәбьн кӧ һун жь ван бьчʹука йәки беһӧрмәт нәкьн, чьмки әз ԝәрʹа дьбежьм, кӧ мьлйакʹәтед ԝан ль әʹзмана тʹьме рʹуйе Баве мьни әʹзмана дьбиньн» (Мәтта 18:10). Иса нәдьгот кӧ щәм һәр мәрьвәки һәйә мәләк, ле әԝи дьгот кӧ мәләк дина хԝә дьдьнә шагьртед ԝи. Хьзмәткʹаред рʹаст, жь кьред нәрʹаст у хоф хԝә дур дьгьрьн, у хԝә накьнә бьн ԛәзийе бь ԝе мәʹнийе, кӧ мәләкед Хԝәде ԝе ԝана бьпарезьн.

Гәло әв те һʹәсабе кӧ мәләк али мәрийа накьн? На (Зәбур 91:11). Һьнәк баԝәр дькьн ԝәки Хԝәде мәләка мәрийарʹа дьшинә, кӧ ԝана бьпарезьн у рʹебәрийе ԝан бькьн. Кенет дәрһәԛа кʹижани кӧ мә готара пешьнда хәбәр да, ви щурʹәйи баԝәр дькә. Әм нькарьн бежьн, кӧ Кенет нәрʹаст ә. Шәʹдед Йаһоԝа гәләк щар дьвиньн избатийа ԝе йәке, кӧ чаԝа мәләк ԝәʹде хьзмәте али ԝан дькьн. Мәләк найенә дитьне, ләма жи әм нькарьн бежьн кӧ чаԝа у чьчах Хԝәде ԝана дьдә хәбате, кӧ щурʹә-щурʹә дәрәщада али мәрийа бькә. Чь жи һәбә әм гәрәке шькьрдарийа хԝә Хԝәдайе Һьмзоррʹа бьдьнә кʹьфше, бона ԝе аликʹарийе кӧ әԝ дьдә мә (Колоси 3:15; Аԛуб 1:17, 18).