Дәрбази һондоре буйин

Дәрбази навәроке буйин

«Бьра Рʹонайа Ԝә . . . Шәԝԛ Бьдә» сәва Пәсьна Бьдьнә Йаһоԝа

«Бьра Рʹонайа Ԝә . . . Шәԝԛ Бьдә» сәва Пәсьна Бьдьнә Йаһоԝа

«Бьра рʹонайа ԝә бәр мәрьва шәԝԛ бьдә, кӧ әԝана . . . пәсьне Баве ԝәйи әʹзмана бьдьн» (МӘТ. 5:16).

КʹЬЛАМЕД: 77, 59

1. Кʹижан мәʹнийа мәйә мәхсус һәйә кӧ ша бьн?

ДЬЛЕ мә бь шабуне тʹьжә дьбә чахе әм педьһʹәсьн кӧ щьмәʹта Йаһоԝа ча пешда дьчә! Әшкәрә йә, хьзмәткʹаред Хԝәде пе рʹонайа хԝә шәԝԛ дьдьн! Сала пар мә 10 000 000 зедәтьр һинбунед Кʹьтеба Пироз дәрбаз кьрийә. Ӧса жи бь милйона мәрьвед тʹәзә һатьнә сәр Евара Биранине у пеһʹәсийан, ԝәки Хԝәде бона мә Кӧрʹе хԝә кьрә ԛӧрбан у бь ве йәке һʹьзкьрьна хԝәйә мәзьн да кʹьфше (1 Йуһʹн. 4:9).

2, 3. а) Чь рʹе мә нагьрә ԝәки «мина рʹонайед әʹзмана» шәԝԛ бьдьн? б) Сәр һʹиме гьлийед Иса жь Мәтта 5:14-16, әме ве готареда дәрһәԛа чь шеԝьр кьн?

2 Нав тʹәмамийа дьнйайе зьмане щьмәʹта Йаһоԝа щурʹә-щурʹә йә. Ле әԝ йәк рʹе мә нагьрә, ԝәки бь йәктийе пәсьне Баве хԝә Йаһоԝа бьдьн (Әʹйан. 7:9). Фьрԛи тʹӧнә әм сәр чь зьмани хәбәр дьдьн йан кʹидәре дьжин, әм гьшк жи дькарьн «мина рʹонайед әʹзмана» ве дьнйайеда шәԝԛ бьдьн (Фили. 2:15).

3 Хьзмәтийа мә, йәктийа мә у әԝ йәк кӧ әм һʹьшйар дьминьн, пәсьне дьдә Йаһоԝа. Ве готареда әме шеԝьр кьн ча әм дькарьн ԝан тьштада пешда һәрʹьн. (Бьхунә Мәтта 5:14-16.)

 АЛИКʹАРИЙЕ ДЬДЬНӘ МӘРЬВА ԜӘКИ ЙАҺОԜА БЬҺʹӘБИНЬН

4, 5. а) Хенщи хьзмәтийе, диса ча әм дькарьн шәԝԛ бьдьн? б) Чаԝа рʹабун-рʹуньштьна мәйә баш кʹаре тинә? (Бьньһерʹә шькле әʹԝльн.)

4 «Бьрща Ԛәрәԝьлийеда» йа 1 Һʹәзиране сала 1925-да, һәбу готар бь наве «Рʹонайи Тәʹрийеда». Ԝедәре дьһатә готьне: «Тʹӧ кәс нькарә ԝан рʹожед ахьрийеда бәр Хӧдан амьн у рʹаст бе һʹәсабе, ... һәрге әԝ мәщала нәдә хәбате кӧ пе рʹонайа хԝә шәԝԛ бьдә. Әԝ гәрәке мәрьварʹа мьзгинийе бәла кә у хԝәха жи ль гора рʹийед рʹонайе бьжи». Бәле, чахе әм мьзгинийе бәла дькьн у али мәрьва дькьн кӧ бьбьнә шагьрт, ӧса әм пе рʹонайа хԝә шәԝԛ дьдьн (Мәт. 28:19, 20). Хенщи ве йәке, әм дькарьн пе рʹабун-рʹуньштьна хԝә жи пәсьна бьдьнә Йаһоԝа. Ԝәʹде хьзмәтийа мал бь мал у дәрва, мәрьв дина хԝә дьдьнә рʹабун-рʹуньштьна мә. Бәшәра мә у сьлава мәйә бь дьл у щан, ԝанрʹа дьдьнә кʹьфше кӧ әм кʹе нә у кʹижан Хԝәдейирʹа хьзмәт дькьн.

5 Иса шагьртед хԝәрʹа гот: «Гава һун һәрʹьнә мале, сьлаве бьдьн» (Мәт. 10:12). Ԝан щийада кʹидәре кӧ Иса у шандийед ԝи хьзмәт дькьрьн, әʹдәт бу кӧ хәриба йан жи мәрьвед нәнас тʹәглифи мала хԝә кьн. Иро гәләк щийада әԝ йәк ԛәйдә нинә. Ле һәрге һун пе бәшәра хԝәш у нәрм хԝәйе малерʹа шьровәкьн мәʹнийа һатьна хԝә, ԝанрʹа ԝе һеса бә ԝә ԛәбул кьн у жь ԝә әʹщьз нәбьн. Щара бона хәбәрдане дәстпекьн, сьлавәкә бь дьл жи баш ә, у әԝ ӧса жи керһати йә ԝәʹде хьзмәтийа пе стенде. Чахе һун пе стенде хьзмәт дькьн, дьбәкә һун дьвиньн кӧ бәшәра ԝәйә хԝәш у сьлавед ԝә, мәрьва хԝәш тен. Әԝ йәк дькарә ԝана һелан кә кӧ незики ԝә бьн у әʹдәбйәта һьлдьн. Бәле, рʹабун-рʹуньштьна ԝәйә баш дькарә али ԝә бькә тʹәви ԝан хәбәрдане дәстпекьн.

6. Чаԝа жьн-мере әʹмьрда мәзьн хьзмәтийеда хирәт ман?

6 Жьн-мере жь Инглистане кӧ әʹмьрда мәзьн ьн, жь бо нәхԝәшийа хԝә нькарьн мал бь мал хьзмәт кьн. Ле ԝана сафи кьр кӧ һәма бәр мала хԝә хьзмәт кьн, сәва рʹонайа ԝан шәԝԛ бьдә. Әԝана незики мәкʹтәбе дьжин, у ԝәʹде кӧ де-бав дьчьнә мәкʹтәбе сәва зарʹед хԝә һьлдьн, һьнге әԝана әʹдәбйәтед мә датиньн сәр тʹәхтә. Гәләка хԝәстьн пебьһʹәсьн әԝ чь әʹдәбйәт ьн, у һьнә де-бава кʹьтеба «Пьрсед Щаһьла у Ширәтед Керһати», Пʹара 1 у 2, ӧса жи бьрошур хԝәрʹа һьлдан. Хушкәкә пешәнг жь щьвата ԝан ве йәкеда аликʹарийе дьдә ԝан. Рʹабун-рʹуньштьна ве хушке у дьлсахийа жьн-мер, мәрьвәк һелан кьр һинбуна Кʹьтеба Пироз дәстпекә.

7. Һун ча дькарьн ԝәлате хԝәда аликʹарийе бьдьнә хәриба?

7 Ԝан салед пашԝәхтийеда, гәләк ԝәлатада мәрьвед хәриб зедә бунә, йед кӧ рʹәви нә. Ле һун ча дькарьн али ԝан рʹәвийа бькьн, ԝәки Йаһоԝа нас кьн у дәрһәԛа ԛьрара ԝи пебьһʹәсьн? Йа пешьн, ԝе баш бә һун сәр зьмане ԝан сьлаве һин бьн. Ве йәкеда «JԜ Ленгԝищ app» (JԜ Languagе app), дькарә аликʹарийе бьдә ԝә. Хенщи ве йәке, һун дькарьн чәнд щӧмла жи һин бьн, кʹижан кӧ дькарьн али ԝә бькьн ԝәки тʹәви ԝан хәбәрдане дәстпекьн. Паше һун дькарьн дина ԝан бьдьн сәр малпәра мә jԝ.org, сәва кӧ видео у әʹдәбйәтед сәр зьмане ԝан нишани ԝан кьн (Ԛан. Дщр. 10:19).

8, 9. а) Әм ча щьватеда һин дьбьн ԝәки хьзмәтийеда щерʹьбанди бьн? б) Де-бав ча дькарьн али зарʹед хԝә бькьн кӧ щьватеда щаба хԝә бьдьн?

8 Йаһоԝа тʹьме ԝан тьшта дьдә мә,  чь кӧ мәрʹа лазьм ьн сәва хьзмәтийеда пешда һәрʹьн у һе щерʹьбанди бьн. Бәʹса хәбәре, щьватеда әм Бәрнама Щьвине «Мина Иса Бьжин» дәрбаз дьбьн, кʹижан кӧ али мә дькә һазьр бьн чахе сәрледанед дӧбарә дькьн у һинбунед Кʹьтеба Пироз дәрбаз дькьн.

9 Мәрьвед кӧ тʹәзә тенә щьватед мә, щара әʹщебмайи дьминьн кӧ чаԝа зарʹ щьватеда щаба хԝә дьдьн. Ләма жи де-бавно али зарʹед хԝә бькьн, ԝәки әԝана һин бьн пе гьлийед хԝә щаба хԝә бьдьн. Һьнә мәрьв һатьнә сәр рʹийа рʹаст, гава дитьнә кӧ ча зарʹ пе щабед хԝәйә бь дьл, баԝәрийа хԝә дьдьнә кʹьфше (1 Корн. 14:25).

ЙӘКТИЙЕ ԚӘԜИ КЬН

10. Ԛӧльхкьрьна тʹәви малбәте чаԝа йәктийе тинә?

10 Чахе әм малбәта хԝәда у щьватеда йәктийе хԝәй дькьн, һьнге жи әм пе рʹонайа хԝә шәԝԛ дьдьн, демәк пәсьна дьдьнә Йаһоԝа. Мәсәлә, де-бав дькарьн ӧса бькьн, ԝәки һәр гав бе сьтандьне Ԛӧльхкьрьна тʹәви Малбәте дәрбаз кьн. Гәләк де-бав ԝәʹде ԛӧльхкьрьна тʹәви малбәте ӧса жи тʹәвайи «JW Бродкастинге» дьньһерʹьн, у паше шеԝьр дькьн кӧ ԝана чь кʹар станд у кʹижан ширәта дькарьн бьдьнә хәбате. Де-бавно, ԝәʹде ԛӧльхкьрьна тʹәви малбәте, бир нәкьн ԝәки тʹәви зарʹед бьчʹук лазьм ә щурʹәки майин шеԝьркьрьне дәрбаз кьн, ле тʹәви щаһьла щурʹәки майин. Ләма жи ӧса бькьн ԝәки нәфәред ԝә һʹәмушк жи кʹаре бьстиньн жь ԛӧльхкьрьна тʹәви малбәте.

Һәрге һун һәвалтийе бькьн тʹәви мәрьве әʹмьрда мәзьн һуне бьшьдьн (Бьньһерʹә абзаса 11)

11-13. Щьватеда ча һәр кәс дькарә йәктийе хԝәй кә, у аликʹарийе бьдә хушк-бьра кӧ шәԝԛ бьдьн?

11 Чаԝа щаһьл дькарьн щьватеда йәктийе хԝәй кьн у йед дьн һелан кьн пәсьна бьдьнә Йаһоԝа? Щаһьлно, һун дькарьн нете дайньн пешийа хԝә, ԝәки щьватеда тʹәви мәрьвед әʹмьрда мәзьн һәвалтийе бькьн. Һун дькарьн жь ԝана бьпьрсьн, ԝәки әԝана дәрһәԛа ԛәԝьмандьнед хьзмәтийа хԝәда ԝәрʹа гьли кьн. Бь ве йәке һуне жи ԛәԝи бьн у әԝана жи, у пе рʹонайа хԝә шәԝԛ бьдьн. Һәр кәс жь мә дькарә нете дайнә пешийа хԝә, ԝәки бь дьл сьлав кә у ԛәбул кә мәрьвед кӧ тенә щьватед мә. Ӧса һуне йәктийе хԝәй кьн, у мәрьвед тʹәзә ԝе һелан бьн чʹәʹв бьдьнә ԝә. Һун дькарьн ԝана бь бәшәра хԝәш ԛәбул кьн у сьлав кьн, у һәла һе жи али ԝан  бькьн ԝанрʹа щи бьвиньн. Ԝана тʹәви йед майин бькьнә нас, сәва әԝана хԝә баш тʹәхмин кьн.

12 Һәрге һун щабдар ьн ԝәки щьвина бона хьзмәткьрьне дәрбаз кьн, һун дькарьн гәләк али хушк-бьред әʹмьрда мәзьн бькьн. Мәсәлә, пебьһʹәсьн кӧ мьһала ԝанә бона хьзмәтийе һәйә йан на. Шьхӧл бьдьнә щаһьла ԝәки аликʹарийе бьдьнә хушк-бьред әʹмьрда мәзьн. Ӧса жи гәләк фәрз ә дьл бьдьнә ԝан хушк-бьра, сьһʹәт-ԛәԝата кʹижана хьраб ә у нькарьн гәләк хьзмәт кьн. Хәмкьрьна ԝә у һʹьзкьрьна ԝә һьндава щаһьла у йед әʹмьрда мәзьн, ӧса жи һьндава йед щерʹьбанди у нәщерʹьбанди, дькарә ԝана һелан кә кӧ бь хирәт мьзгинийе бәла кьн (Ԛан. Кʹаһ. 19:32).

13 Зәбурбеж ньвиси: «Чаԝа ԛәнщ ә, чаԝа хԝәш ә, кӧ бьра һәврʹа йәктийеда нә!». (Бьхунә Зәбур 133:1, 2.) Исраелийа бь йәкти Йаһоԝа дьһʹәбандьн, у әве йәке гәләк кʹар ԝанрʹа дьани. Зәбурбеж әв йәкти бәрамбәри рʹуне хальс кьр, кʹижан кӧ чʹәрм гәш дькә у тʹәзә дькә. Әм жи дькарьн хушк-бьра ԛәԝи кьн у гәш кьн, гава ԝанрʹа һʹәйф у нәрм бьн. Ԝи щурʹәйи йәктийа щьвате ԛәԝи дьбә. Һәрге һун ида ӧса дькьн, һун һежайи пʹайа нә. Ԝе керһати бә һун тʹәви щурʹә-щурʹә хушк-бьра һәвалтийе бькьн у һе рʹьнд ԝана нас кьн (2 Корн. 6:11-13).

14. Ча һун дькарьн нава щинаред хԝәда шәԝԛе бьдьн?

14 Һун ӧса жи дькарьн шәԝԛ бьдьн нава щинаред хԝәда. Гьли у кьред ԝәйә баш дькарьн ԝана бәрбь рʹастийе бькʹьшиньн. Пьрсе бьдьнә хԝә: «Щинаред мьн дәрһәԛа мьн чь дьфькьрьн? Мала мьн у дор бәре мала мьн тʹәмьз у тʹәрбәт ә? Әз аликʹарийе дьдьмә щинаред хԝә?» Жь хушк-бьред дьн бьпьрсьн кӧ ԛәнщийа ԝан у рʹабун-рʹуньштьна ԝан, ча һʹӧкӧм дькә сәр мәрьвед ԝани незик, щинар, һәвалхәбатчи йан жи һәвалдәрсханед ԝан. Бешьк, һуне жь ԝана ԛәԝьмандьнед баш бьбьһен (Әфәс. 5:9).

ҺʹЬШЙАР БЬМИНЬН

15. Чьрʹа гәләк фәрз ә һʹьшйар бьминьн?

15 Һәрге әм дьхԝазьн кӧ рʹонайа мә шәԝԛ бьдә, әм гәрәке фәʹм кьн кӧ чь ԝәʹдәйида дьжин. Иса гәләк щар дьготә шагьртед хԝә: «Һʹьшйар бьминьн» (Мәт. 24:42; 25:13; 26:41). Һәрге әм баԝәр дькьн ԝәки тәнгасийа мәзьн һе дур ә йан жи ԝе ԝәʹде мәда нәйе, һьнге әме хьзмәтийеда хирәта хԝә ӧнда кьн у хьзмәти ԝе ида бона мә фәрз нибә (Мәт. 24:21). Һьнге шәԝԛа мә ԝе һеди-һеди сьст бә у дьбәкә һәла һе жи бьтәмьрә.

16, 17. Чьрʹа әм гәрәке иро һʹьшйар бьминьн?

16 Зәман һе хьраб дьбә, ләма жи әм гьшк гәрәке һʹьшйар бьминьн. Рʹожа Йаһоԝа ԝе ԝәʹдәда бе у ве йәкеда шьк тʹӧнә (Мәт. 24:42-44). Әм гәрәке сәбьр кьн у илаһи ньһа гәрәке алийе рʹӧһʹанида мьԛати хԝә бьн. Һәр рʹож Хәбәра Хԝәде бьхуньн у һәр гав Йаһоԝарʹа дӧа бькьн (1 Пәт. 4:7). Чʹәʹв бьдьнә ԝан хушк-бьра, йед кӧ бь сала Йаһоԝарʹа хьзмәт дькьн, һʹьшйар дьминьн у шабуна хԝә ӧнда накьн. Һун дькарьн сәрһатикә баш бь наве «Һʹәфте Сала Рʹишийе Кʹьнще Щьһу Дьгьрьм» бьхуньн «Бьрща Ԛәрәԝьлийеда» йа 15 Нисане, сала 2012, рʹупʹелед 18-21.

17 Тʹьме нава шьхӧле Йаһоԝада бьн, мәрьварʹа ԛәнщийе бькьн у тʹәви хушк-бьра һәвалтийе бькьн. Әԝ йәк ԝе ԝәрʹа шабуне бинә, у бона ԝә ԝәʹдә ԝе зу дәрбаз бә (Әфәс. 5:16). Ԛьрʹнәк пешда, хушк-бьред мә гәләк тьштада пешда чун. Ле иро әм бь сайа рʹебәрийа  Йаһоԝа һе зедә шьхӧл дькьн у һе зедә пешда чунә. Әм пе рʹонайа хԝә ӧса шәԝԛ дьдьн, кӧ мә нькарьбу әԝ йәк бьда бәр чʹәʹве хԝә жи!

Тʹәсәликьрьна рʹуспийа мәщале дьдә мә, ԝәки жь биланийа Хәбәра Хԝәде кʹаре бьстиньн (Бьньһерʹә абзаса 18, 19)

18, 19. Рʹуспи ча дькарьн аликʹарийе бьдьнә мә, ԝәки хьзмәтийа Йаһоԝада хирәт бьминьн?

18 Әм чьԛас ша дьбьн кӧ Йаһоԝа наньһерʹә сәр гӧнәкʹарийа мә у дьһелә әм жерʹа хьзмәт кьн. Әԝи мәрʹа «пʹешкʹеш бь щурʹе мәрьва» дайә, демәк рʹуспийед щьвате. (Бьхунә Әфәси 4:8, 11, 12.) Ләма жи гава рʹуспи тʹәсәлийа ԝә бькьн, әве мәщале бьдьнә хәбате сәва жь билани у ширәтед ԝан һин бьн.

19 Мәсәлә, Инглистанеда жьн-мерәк жь дӧ рʹуспийа һиви кьрьн, ԝәки тʹәсәлийа ԝан бькьн, чьмки малда проблемед ԝан һәбун. Жьн рʹӧһʹанида сьст бу, мере ԝе жи гот ԝәки әԝ дәрсдарәки баш нинә у ԛӧльхкьрьна тʹәви малбәте һәр гав дәрбаз накә. Рʹуспийа дина ԝана данә сәр мәсәла Иса. Иса бона шагьртед хԝә хәм дькьр. У рʹуспийа ширәт данә мер кӧ ве йәкеда чʹәʹв бьдә Иса, ле жьнерʹа ширәт дан ԝәки һе бь сәбьр бә. Рʹуспийа ӧса жи чәнд ширәт данә ԝан һәрда, кӧ ча әԝана дькарьн али һәвдӧ бькьн, ԝәки тʹәви дӧ зарʹед хԝә ԛӧльхкьрьна тʹәви малбәте дәрбаз кьн (Әфәс. 5:21-29). Һьнә ԝәʹдә шунда, рʹуспийа пʹайе малхе мале дан, чьмки әԝи ширәт ԛәбул кьрьн. Ԝана ԝи һелан кьрьн, ԝәки бәрдәԝам кә итʹбарийа хԝә рʹӧһʹе пироз бинә, сәва алийе рʹӧһʹанида бьбә малхеки баш. Һʹьзкьрьн у хәмкьрьна ԝан рʹуспийа али ԝе малбәте кьрьн, кӧ пе рʹонайа хԝә шәԝԛ бьдьн.

20. Чь кʹар ә һәрге әм пе рʹонайа хԝә шәԝԛ дьдьн?

20 «Хԝәзи ль ԝан һʹәмуйед кӧ жь Хӧдан хоф дькьн у рʹийа Ԝида дьмәшьн» (Зәб. 128:1). Чахе әм мәрьва һелан дькьн Хԝәдерʹа хьзмәт кьн, ӧса жи пе рʹабун-рʹуньштьна хԝә йәктийе хԝәй дькьн у һʹьшйар дьминьн, әм бәхтәԝар дьбьн. Бь ве йәке әм пе рʹонайа хԝә шәԝԛ дьдьн. У гава мәрьв кьред ԝәйи баш бьвиньн, ԝе һелан бьн шькьрийе бьдьнә Баве мә (Мәт. 5:16).