Дәрбази һондоре буйин

Дәрбази навәроке буйин

Пешготьна Ахьрийе

Пешготьна Ахьрийе

Тӧ ԛә фькьрийи һәла ахьрийа тә у малбәта тә, ԝе чь щурʹәйи бә? Дьԛәԝьмә тӧ дәԝләти би, йан бәләнгаз би, йан ԝе тә гәләк һʹьз бькьн, йан жи тӧйе тʹәне бьмини? Гәло жийина тә ԝе дьреж бькʹьшинә, йан жь бо ԛәзийе тӧйе жийина хԝә зу ӧнда ки? Нава һʹәзара салада мәрьв дәрһәԛа пьрсед ви щурʹәйи дьфькьрин.

Иро тʹәмамийа дьнйайеда зандар гәләк леколина дькьн у тьшта саз дькьн, сәва кӧ пебьһʹәсьн һәла ль ахьрийе ԝе чь бьԛәԝьмә. Гәләк пешдаготьнед ԝан һатьнә сери, ле гәләк жи на. Мәсәлә, Гулйелмо Марконе сазкʹаре радиойе, дь сала 1912-да ӧса гот: «Чахе зәманәки ӧса бе, гава енержийа бе тʹел пешда бе, һьнге ԝе шәрʹ ида тʹӧнә бьн». У дь сала 1962-да, мәзьне Компанийа дәнгньвисандьне бь наве «Dеcca Rеcord», нәхԝәст тʹәви кʹома стьранбежа йа «Биталс» шьхӧлкʹарийе бькә, чьмки баԝәр дькьр ԝәки ԝе бе ԝәʹдә, кӧ кʹомед сазбәнда йе гитаре, навдарийа хԝә ӧнда кьн.

Гәләк мәрьв щурʹә-щурʹә метода дьдьнә хәбате, кӧ дәрһәԛа ахьрийе пебьһʹәсьн. Һьнәк рʹебәрийе дьгәрʹьн щәм стернаса; һороскоп жи бунә тʹемәкә сәрәкә дь журналада у рʹожнәмада. Һьнәк жи аликʹарийе жь кʹочʹәка дьгәрʹьн, кʹижан кӧ дьбежьн ԝәки дькарьн ахьрийа мәрийа «бьхуньн» бь сайа һьнә карта, рʹәԛама, йан сәр дәста дьньһерʹьн.

Мәсәлә ԝәʹде бәре гәләк мәрьва аликʹари жь оракула дьхԝәстьн. Демәк әԝана мина кʹәшиша бун, кʹижана кӧ йан чь ахьрийа мәрьва әʹйан дькьрьн. Бәʹса хәбәре, Кроузес Пʹадше Лидйайе, пʹешкʹешед гәләк ԛимәт Делфи оракулрʹа шандьбу, сәва кӧ пебьһʹәсә һәла әԝе бькарьбә сәркʹәвә дь шәрʹе тʹәви Корәш, Пʹадше Фарьсе. Һьнге оракул готе, ԝәки Кроузес ԝе кʹӧта кә «импәраторийа мәзьн», һәрге пешбәри Корәш пʹадша дәркʹәвә. Кроузес пʹадша ӧса ве йәкеда баԝәр бу, ԝәки чу шәрʹ сәр Корәш. Ле бь рʹасти ӧса ԛәԝьми, ԝәки дәԝса кӧ императорийа Фарьса кʹӧта бә, императорийа Кроузес пʹадша һатә кʹӧтакьрьне!

Пешдаготьна оракул, кʹижан кӧ нәконкрет бу, дькарә рʹаст бе һʹәсабе, чьмки чь жи һәбу жь ԝан дӧ императорийед мәзьн, йәк ԝе әʹсәйи кʹӧта буйа. Крозес һʹәму тьшт ӧнда кьр, чьмки гӧһ да оракул. Ле гәло рʹожа иройин чахе мәрьв дина хԝә дьдьнә щурʹә-щурʹә метода кӧ ахьрийе пебьһʹәсьн, һьнге хԝәстьна ԝан те сери?