Дәрбази һондоре буйин

Дәрбази навәроке буйин

3 Аликʹари кӧ Проблемада Тәйах кьн

3 Аликʹари кӧ Проблемада Тәйах кьн

Иро һәнә проблемед ӧса, жь кʹижана кӧ әм нькарьн хԝә хьлаз кьн у нә жи ԝана сафи кьн. Бәʹсә хәбәре, һәрге тә кәсәк жь мәрьвед хԝәйи незик ӧнда кьрийә, йан һәрге тӧ бь нәхԝәшийа гьран нәхԝәш и, дьԛәԝьмә тӧ нькари чʹарәк бьвини, кӧ еша дьле хԝә һьнәки сьвьк ки. Гәло ԝан дәрәщед чәтьнда, Кʹьтеба Пироз дькарә аликʹарийе бьдә?

НӘХԜӘШИЙЕД КӦ НАЙЕНӘ ԚӘНЩКЬРЬНЕ

Рози дьбежә: «Әз бь нәхԝәшийа гьран нәхԝәш ьм, жь бо чь жи тʹьме еше дькʹьшиньм у дьчәрчьрьм. Жийина мьн ӧса баш нинә ча бәре». Әв нәхԝәши ԝе йәкеда бу, кӧ Розирʹа чәтьн бу һʹьш у дина хԝә бьдә сәр һинкьрьна хԝәйә Кʹьтеба Пироз у сәр тьштед рʹӧһʹани. Ле гьлийед Иса жь Мәтта 19:26 гәләк али ԝе кьр. Ль вьр ньвисар ә: «Һәр тьшт жь дәсте Хԝәде те». Рози фәʹм кьр кӧ гәләк мәщалед дьн жи һәнә, кӧ чаԝа Кʹьтеба Пироз һин бьн. Щарна жь бо еша хԝә хԝәндьн ԝерʹа чәтьн дьбу, ләма жи әԝе дәстпекьр гӧһ бьдә аудио-ньвисандьна Кʹьтеба Пироз у әʹдәбйәтед дьн. * Әԝ дьбежә: «Бей ԝан тьшта, мьне нькарьбуйа рʹӧһʹанийа хԝә хԝәйкьра».

Щарна Рози хәмгин дьбу, кӧ нькарьбу мина бәре һьнә тьшта бькә. Ԝан чаха әԝе аликʹари дьдит жь 2 Корьнтʹи 8:12, йе кӧ дьбежә: «Чьмки һәгәр һун бь рʹәзәдьли кʹомәке бьдьн, әԝ ԝәкә ԝе йәке ԛәбул ә, чьԛас дәсте кʹева те, ле нә ԝәкә ԝе йәке, кӧ дестда тʹӧнә». Әв гьли дькьрнә бира Рози, ԝәки кьред ԝе, Хԝәде хԝәш тен. Нәхԝәшийа хԝәда Рози һʹәму тьшти дькьр, чь кӧ жь дәсте ԝе дьһат.

 ДӘРД-КӦЛЕ ДЬЛ

Зәйнәб, дәрһәԛа кʹижани кӧ жоре һатьбу готьне дьбежә: «Паши мьрьна ԛиза мьнә 18 сали, еша дьле мьн ӧса ԛайим бу, мьн нә жи баԝәр дькьр кӧ сах бьминьм. Тʹӧ тьшт нькарә бәрамбәри ве еше бә». Әԝе бәрдьли дит жь Зәбур 94:19, кʹидәре кӧ зәбурбеж Хԝәдерʹа дьбежә: «Дәма хәм һӧндьре мьн бьгьрьн, хәмрәвинед тә дьле мьн кʹефхԝәш дькьн». Зәйнәб бәрдәԝам дькә: «Мьн Йаһоԝарʹа дӧа дькьр, кӧ али мьн бькә тьштед ӧсава мьжул бьм, бь сайа чь жи әзе бькарьбьм еша хԝә һәвәки сьвьк кьм».

Зәйнәб тʹьме шьхӧлед рʹӧһʹанива мьжул дьбу. Ԝәʹдә шунда әԝ хԝә бәрамбәри ԛаләма рʹәнгани кьр. Әԝе гот кӧ һәла һе ԛаләма шкәсти жи дькарә керһати бә у лекә. Зәйнәб ԝәк ԛаләма шкәсти хԝә тʹәхмин дькьр. Ле фәʹм дькьр, кӧ дькарә диса жи али мәрийед дьн бькә. Әԝ дьбежә: «Мьн тедәрхьст, кӧ хәбьтандьна принсипед Кʹьтеба Пироз у ньһерʹандьна рʹӧһʹани, али мьн дькьрьн бәрдьлийе бьдьмә ԝан мәрийа, тʹәви кʹижана кӧ мьн һинбуна Кʹьтеба Пироз дәрбаз дькьр. Мьн фәʹм кьр, кӧ ӧса Йаһоԝа мьн рʹьһʹәт дькьр у бәрдьли дьда мьн». Әԝе хԝәрʹа ньвиси навед ԝан мәрийа жь Кʹьтеба Пироз, йед кӧ мина ԝе, рʹасти дәрд-кӧлед ӧса һатьбун. Әԝ дьбежә: «Бе шьк, әв һʹәму мәрьв тʹьме дӧа дькьрьн. . . . Тӧ тʹәне һьнге бькарьби проблемед хԝәда тәйах ки, һәрге Кʹьтеба Пироз дьхуни».

Һинбуна Кʹьтеба Пироз диса тьштәки һини Зәйнәбе кьр. Әԝ һин бу дина хԝә бьдә ахьрийе, нә кӧ рʹожед дәрбазбуйи. Әв һевийа дәрһәԛа кʹижани кӧ Кʹаред Шандийа 24:15-да ньвисар ә бәрдьли дьдә ԝе. Ль вьр ньвисар ә: «Һʹәму һәԛ у нәһәԛе жь мьрьне рʹабьн». Гәло, әԝ чьԛаси баԝәр дькә, кӧ Йаһоԝа ԛиза ԝе жь мьрьне рʹакә? Зәйнәб хԝәха щаба ве пьрсе дьдә: «Әз дьдьмә бәр чʹәʹве хԝә, кӧ ль ахьрийе, Йаһоԝа ԛиза мьн жь мьрьне рʹакьр у әз ԝе дьвиньм. Әз ӧса жи дьвиньм, ԝәки әз тʹәви ԝе, бахчеда рʹуньштьмә. Әв дәрәщә бона мьн ӧса реали йә, ча реали бу рʹожа буйина ԝе».

^ абз. 4 Гәләк аудио-ньвисандьнед ви щурʹәйи ль сәр малпәра jԝ.org һәнә.

Кʹьтеба Пироз дькарә али тә бькә бәрдьли бьвини, һәла һе рʹожед чәтьнда жи