Дәрбази һондоре буйин

Дәрбази навәроке буйин

КʹЬТЕБА ПИРОЗ ЖИЙИНА МӘРЬВА ДЬГӦҺЕЗӘ

Тʹәне Саләкә Әʹдьлайе у Бәхтәԝарийе Бьдә Мьн

Тʹәне Саләкә Әʹдьлайе у Бәхтәԝарийе Бьдә Мьн
  • САЛА БУЙИНЕ: 1971

  • ԜӘЛАТ: ФРАНСА

  • БӘРЕ: ТʹӘВИ КРИМИНАЛА ГЬРЕДАЙИ БУ, БЕНАМУСИ ДЬКЬР, У НАРКОТИКА ДЬДА ХӘБАТЕ

ЖИЙИНА МЬНӘ БӘРЕ:

Малбәта мьн дьжит Теланкореда, дь гӧнде Франсайеда, ль бакʹура-рʹоһьлате. Баве мьн Франс бу, ле дийа мьн Италйан ә. Чахе әз һʹәйшт сали бум, әм дәрбази Рʹоме (Италйа) бун, ль ԝе дәре мә мьһаләкә кʹәсибда дьжит. Жийина дь ԝедәре сәва малбәта мә гәләк чәтьн бу, у де-баве мьн һәр рʹож жь бо кемасийа пʹәра шәрʹ дькьрьн.

Кʹәнге әз 15 сали бум, дийа мьн әз һелан дькьрьм, ԝәки дәрем жь мал у хԝәрʹа һәвала бьвиньн. Ләма жи әз сәр гәләк ԝәхт жь мале дьчум. Һьнә ԝәʹдә шунда әз кʹәтьмә нава кʹомәкә мәрьве хьраб. Рʹожәке мәрьвәк незики мьн бу, әԝ дьһата хане гәләк һәвалһʹьз, у әԝи наркотик да мьн. Мьн наркотик һьлда, чьмки мьн дьхԝаст бьдьмә кʹьфше кӧ әз ида мәзьн ьм. Әз гәләк зу кʹәтьмә нав дьнйа кӧ бь наркотике у бенамусийе тʹьжә йә. Гәләк щар зорбәти мьн дькьрьн, у әз хьраб дькьрьм. Бона мьн әʹмьр тʹӧ тьшт нәдьһатә һʹәсабе, у мьнрʹа йәк бу әзе бьмьрьм йан сах бьминьн. Әз гәләк дьлтәнг бум, у мьн хԝә тʹәне тʹәхмин дькьр. Чахе әз 16 сали бум, мьн дьхԝаст хԝә бькӧжьм. Мьн ботʹләк виски вәхԝар у хԝә авитә голе. У әз се рʹожа кʹәтьмә коме.

Паши ԝе йәке мьн әʹмьр ԛимәт кьр, ле әз бумә мәрьвәки һерс у ԛәлп. Мьн ӧса дькьр кӧ мәрьв рʹази бьн, ԝәки тʹәви мьн бькʹәвьнә һәләԛәтийа сексуали, дь мала ԝанда мьн наркотик дьда ԝан, у мьн тьштед ԝани бьһа дьдьзи. Мәрьвед сәрәкә дь криминаледа әз дьдамә хәбате, сәва әз наркотике нав тʹәмамийа Италйайе бәла кьм. Гәләк щар проблемед мьн тʹәви полисйайе һәбун. Нета әʹмьре мьн тʹӧнә бу, мьн нькарьбу әʹмьре хԝә контрол кьра, ле йәкә мьн баԝәр дькьр кӧ гәрәке мәʹни һәбә кӧ чьрʹа әз дьжим. Мьн Хԝәдерʹа дӧа дькьр кӧ тʹәне саләкә әʹдлайе у бәхтәԝарийе бьдә мьн.

КʹЬТЕБА ПИРОЗ ЧА ЖИЙИНА МЬН ГӦҺАСТ:

Чахе әз 24 сали бум, мьн сафи кьр дәрбази Инглистане бьм. Чьмки әз тʹәви криминалийе гьредайи бум у жь бо ԝе йәке әʹмьре мьн дькʹәтә бьн хофе. Пешийа кӧ әз бьчума мьн сәрик дийа хԝә хьст, у әз гәләк әʹщебмайи мам, чахе мьн ль ԝедәре дит мәрьвәки, бь наве Анунсеато Лугара, йе кӧ тʹәви дийа мьн дәрһәԛа Кʹьтеба Пироз хәбәр дьда. * Мьн заньбу дәрһәԛа әʹмьре ԝийи криминал, ләма жи әз тьрсийам у мьн жь ԝи пьрси кӧ чьрʹа әԝ ль ԝьр ә. Әԝи мьнрʹа гьли кьр дәрһәԛа гӧһастьнед мәзьн, кʹижан кӧ әԝи дь әʹмьре хԝәда кьрьбу, сәва кӧ бьбә Шәʹде Йаһоԝа. У әԝи хԝәст кӧ әз соз бьдьмә ԝи, ԝәки әз чахе һәрʹьмә Инглистане, рʹасти Шәʹдед Йаһоԝа бем у хәбәрдьм. Әз ԛайил бум кӧ әве йәке бькьм. Ле чаԝа кӧ әз гьһиштьмә щи, әз диса вәгәрʹийамә жийина хԝәйә бәре.

Щарәке әз рʹасти Шәʹдәки һатьм, кʹижан кӧ ль мәйдана Лондоне журналед «Бьрща Ԛәрәԝьлийе» у «Һʹьшйар Бьн!» бәла дькьр. Созе кӧ мьн дабу Анунсеато кʹәтә бира мьн, у мьн жь ԝи Шәʹдәйи хԝәст кӧ тʹәви мьн һинбуне дәстпекә.

Чь кӧ әз жь Кʹьтеба Пироз педьһʹәсийам, әз әʹщебмайи дькьрьм. Мәсәлә, сәр мьн гәләк һʹӧкӧм бу рʹеза жь 1 Йуһʹәнна 1:9, кʹидәреда кӧ дәрһәԛа Хԝәде те готьне: «Ле һәгәр әм гӧнед хԝә бьдьнә рʹуйе хԝә, әԝ хԝәйе созе хԝә йә у һәԛийе дькә, ԝе гӧнед мә бьбахшинә у мә жь һʹәму нәһәԛийа паԛьж кә». Әԝ рʹез гәләк дьле мьн гьрт у мьн фәʹм кьр, кӧ әз мәрьвәки нәтʹәмьз ьм, чьмки нәрʹаст дьжим. Мьн дәрберʹа дәстпекьр һәрʹьмә сәр һәр щьватед Шәʹдед Йаһоԝа. Әԝана бь шабуне бәрбь мьн дьһатьн. Кʹәнге мьн дьдит һәвалтийа ԝанә незик тʹәви һәв, демәк әԝ йәк чь кӧ мьн тʹьме дьхԝаст, мьн жи хԝәст бьбьмә нәфәрәки малбәта ԝанә рʹӧһʹани.

Рʹаст ә мьнрʹа чәтьн нибу наркотике бьтʹәрькиньм у әʹмьре хьраб бьһельм, ле мьнрʹа дьһа чәтьн бу хәйсәте хԝә рʹаст кьм. Мьн тʹәхмин кьр кӧ әз гәрәке мәрʹифәт у ԛәдьр бьм һьндава мәрьва. Бь рʹастийе әз һʹәта ньһа шәрʹ дькьм тʹәви һьнә хәйсәтед хԝәйи нәбаш. Ле бь аликʹарийа Йаһоԝа мьн ида гәләк тьшт нав хԝәда гӧһаст. Ԝәкә шәш мәһ ԝәʹде һинбуна Кʹьтеба Пироз әз һатьм ньхӧмандьне ча Шәʹдед Йаһоԝа. Әԝ йәк ԛәԝьми сала 1997 да.

ЧЬ КʹАР МЬН СТАНД:

Паши ньхӧмандьне әз зәԝьщим тʹәви Барбарайе, әԝ жи тʹәзә бьбу Шәʹде Йаһоԝа. Чахе һәвале мьни бәре дит кӧ әз ча һатьмә гӧһастьне, әԝи жи дәстпекьр һинбуна Кʹьтеба Пироз. Ахьрийеда әԝ у хушка ԝи жи бунә Шәʹдед Йаһоԝа. Ӧса жи хушка пирька мьн кʹижан 80 сали зедәтьр бу, дәстпекьр һинбуна Кʹьтеба Пироз, у паши ньхӧмандьне ԝәʹдәк шунда мьр.

Ньһа дь щьвата хԝәда әз хьзмәт дькьм ча рʹуспи, у тʹәви жьна хԝә хьзмәт дькьн ча пешәнге һәртʹьм, у һинбуна Кʹьтеба Пироз тʹәви мәрьвед кӧ сәр зьмане Итали дь Лондонеда хәбәрдьдьн. Щарна әз дькʹәвьмә депресие сәва әʹмьре хԝәйи бәре, ле Барбара аликʹарикә мәзьн ә бона мьн. У ньһа малбәтәкә мьнә ӧса һәйә кʹижан кӧ мьн тʹьме дьхԝәст кӧ һәбә, у Бавәки мьни ӧса һәйә кʹижан кӧ мьн тʹьме дьхԝәст кӧ һәбә. Мьн жь Хԝәде хԝәст кӧ тʹәне саләкә әʹдьлайе у бәхтәԝарийе бьдә мьн, ле әԝи жь ԝе зедәтьр да мьн!

Ньһа малбәтәкә мьнә ӧса һәйә кʹижан кӧ мьн тʹьме дьхԝәст кӧ һәбә, у Бавәки мьни ӧса һәйә, кʹижан кӧ мьн тʹьме дьхԝәст кӧ һәбә

^ абз. 10 Бьньһерʹә готар «Кʹьтеба Пироз Жийина Мәрьва Дьгӧһезә: Әз бе Ԛьрмә Тʹӧ Щикида Нәдьчум», гьли кьр Анунсеато Лугара, дь «Бьрща Ԛәрәԝьлийеда» 1 Тирмәһе, сала 2014, рʹупʹела 8-9.