Кʹьтеба Пироз һатә хԝәйкьрьне. Иро тӧ дькари әве кʹьтебе хԝәрʹа бьстини у бьхуни жи. У чахе тӧ ԝәлгәрʹандьна баш йа Ньвисаред Пироз дьжбери, тӧ дькари баԝәр би ԝәки тӧ текста рʹаст йа ньвисандьна орижинале дьхуни. * Ле чьма Кʹьтеба Пироз нава һаԛас чәтьнайада, һатә хԝәйкьрьне? Гәло әв кʹьтеб чьда мәхсус ә?

Гәләк шагьртед Кʹьтеба Пироз рʹази нә тʹәви ван гьлийед Паԝлос: «Тʹәмамийа ньвисаре жь бина бәр Хԝәде йә» (2 Тимотʹейо 3:16). Әԝана баԝәр дькьн, кӧ Кʹьтеба Пироз һатә хԝәйкьрьне, чьмки әв рʹасти жи Хәбәра Хԝәде йә у кӧ Хԝәде әв сәва мә хԝәй кьрийә. Файзал, дәрһәԛа кʹижани кӧ мә готаред пешьнда дьгот, һьнә ԝәʹдә шунда сафи кьр Кʹьтеба Пироз һин бә у леколин бькә. Чь кӧ әԝи ԝәʹде леколинкьрьне пеһʹәсийа, гәләк әԝ әʹщебмайи кьр. Әԝ пеһʹәсийа кӧ дь Кʹьтеба Пирозда тʹӧнә гәләк һинкьрьнед ӧса, чь кӧ Мәсиһти иро бәла дькьн. Хенщи ԝе йәке, гәләк дьле ԝи гьрт, чахе әԝ жь Хәбәра Хԝәде, дәрһәԛа ԛьрара Ԝийә сәва әʹрде, пеһʹәсийа.

Әԝ дьбежә: «Ньһа әз баԝәр дькьм, кӧ Кʹьтеба Пироз пʹешкʹеш ә жь Хԝәде. У һәрге Хԝәде карьбу Гәрдуне (Дьне) бьәʹфьринә, ле ԝе ԛәԝата ԝи нәгьһиштайе, кӧ Кʹьтеба Пироз хԝәй кә у бьгиһинә мә? Һәрге әм ве йәкерʹа рʹази ниньн, демәк әм ԛәԝата Хԝәдеда чаԝа кӧ йәки Һʹьмзор, дӧдьли нә! У әз кʹи мә сәва кӧ ԛәԝата Хԝәдеда дӧдьли бьм?» (Ишайа 40:8).