Әԝана пеш дькʹәвьн у дәнге гьрмә-гьрма ԝан те! Чар һәспед зор у сийаред ԝан, шькләкә ӧса зәлал чедькьн кӧ те бежи ньһа әԝана ԝе жь рʹупʹелед Кʹьтеба Пироз дәркʹәвьн! Һәспе пешийе, бь рʹәнге боз ә (сьпи) у сийаре ԝи йәки ԛәԝи у һежа те кʹьфше у әԝ пʹадше кʹьфшкьри йә. Пьшт ԝи һәспәки дьн бь рʹәнге сор дәрдькʹәвә, сийаре кʹижани кӧ әʹдьлайе сәр тʹәмамийа дьнйайе һьлдьдә. Һәспе сьсийа, һәспәки рʹәш ә у дәсте сийаре ԝида мезинәк ә, йе кӧ тʹәви хԝә хәлайи-щәлайе тинә. Һәспе чара, һәспе шиноԛи демәк спичʹолки йә, йе кӧ тʹәви хԝә тинә кӧл-дәрда, һʹәму тьштед хьраб у мьрьне жи, йе кӧ жийина мәрийа мина зәвийа дьчьнә! (Әʹйанти 6:1-8).

«Чахе щара пешийе мьн дәрһәԛа чар сийара хԝәнд, әз гәләк тьрсийам. Мьн тʹәхмин кьр, кӧ Рʹожа Диԝане ида незик дьбә у жь бо ве йәке кӧ әз һазьр нибум, мьн тʹьре әзе хьлаз нәбьм» (Кристал).

«Мьнрʹа гәләк һʹәԝас бу пебьһʹәсьм дәрһәԛа чар сийара, йед кӧ ль сәр һәспед рʹәнгани рʹуньштьбун. У чахе әз мәʹна ве хәԝн-хәйале пеһʹәсийам, һʹәму тьшт ида фәʹмдари бу» (Ед).

Дәрһәԛа чар сийаред Рʹожа Диԝане, тӧ мина Кристале дьфькьри? Йан жи тӧ тʹәви гьлийед Ед ԛайил и? Чь жи һәбә, дәркʹәтьна ԝан сийара шькләкә нас чедькьн, дәрһәԛа кʹижани кӧ дь кʹьтеба Әʹйантида ньвисар ә у әв кʹьтеба пашьн ә дь Кʹьтеба Пирозда. Ле бь рʹасти һун заньн, кӧ фәʹмкьрьна ве хәԝн-хәйале дькарә хут ԝәрʹа кʹаре бинә? Гәло чаԝа? Хԝәде соз дьдә, ԝәки һун дькарьн бәхтәԝарийа рʹаст бьвиньн, һәрге бьхуньн, пебьһʹәсьн у бьжин ль гора ве йәке, чь кӧ дь ве кʹьтеба пʹехәмбәртийеда ньвисар ә (Әʹйанти 1:1-3).

Рʹаст ә һьнәк мәрьв тьрсийанә жь бо ве хәйала дәрһәԛа чар сийара, ле бь рʹасти нәлазьм ә жь ве йәке бьтьрсьн. Иро милйона мәрьв баԝәрийа хԝә ԛәԝи дькьн бь сайа ве хәйале, чьмки әв йәк ԝанарʹа ахьрийа баш әʹйан дькә. Ахьрийа баш дькарә тәрʹа жи вәбә! Жь кʹәрәма хԝә готарен дьн бьхунә.