Дәрбази һондоре буйин

Дәрбази навәроке буйин

Чахе Дьфькьри, ԝәки Тәйах Тʹӧнә кӧ Бьжийи

Чахе Дьфькьри, ԝәки Тәйах Тʹӧнә кӧ Бьжийи

Адрийана жь Бразилйайе, дьбежә: «Тәйаха мьн тʹӧнә бу бьжим. Ләма жи мьн сафи кьр дәст жь жийина хԝә бәрдьм».

ДЬԚӘԜЬМӘ ТӦ ЖИ дьфькьри, ԝәки тәйаха тә ида тʹӧнә кӧ бьжийи. Һәрге ӧса нә, демәк тӧ рʹьнд дькари Адрийанайе фәʹм бьки. Әԝе хԝә беилащ у дьлтәнг тʹәхмин дькьр. Дохдьра тедәрхьстьн, ԝәки дәпресийа ԝе хроники йә, ләма жи әԝе һәргав хԝә хьраб тʹәхмин дькә.

Кʹа әм шеԝьр кьн дәрһәԛа мерәки жь Жапонийайе бь наве Каору. Әԝ мьԛати де-баве хԝә дьбу кʹижан кӧ нәхԝәш бун. Әԝ дьбежә: «Ԝи чахи сәр хәбате жи гәләк шьхӧл һәбун, чь кӧ сәр мьн һʹӧкӧм дьбун. Хенщи ԝе йәке мәʹде мьн тʹӧнә бу у хәва мьн жи дьтʹәԛьси. Мьн дәстпекьр бьфькьрьм, кӧ һәрге әз бьмьрьм, ӧса әзе бькарьбьм жь проблема хьлаз бьм».

Мерәк жь Нижәрйайе, наве кижани Ожебоде йә, дьбежә: «Әз һәргав дьлтәнг бум у кʹәлә-кʹәл дьгьрийам, ләма жи мьн мәщал дьгәрʹийа хԝә бькӧжьм». Шькьр Хԝәдерʹа, ԝәки Ожебоде, Каору у Адрийана, хԝә нәкӧштьн. Ле йазьх, һәр сал незики 800 000 мәрьв хԝә дькӧжьн.

ЖЬ КʹИДӘРЕ АЛИКʹАРИЙЕ БЬСТИНЬН

Мәрьвед кӧ дьхԝазьн хԝә бькӧж ьн, һʹәчʹи зәʹф мер ьн, чьмки гәләк жь ԝан шәрм дькьрьн аликʹарийе бьхԝазьн. Иса гот, кӧ йед нәхԝәш һʹәԝще һʹәким ьн (Луԛа 5:31). Һәрге тӧ жи дьлтәнг и у дьфькьри дәст жь жийина хԝә бәрди, шәрм нәкә аликʹарийе бьхԝази. Гәләк мәрьвед кӧ жь бо депресийайе дьчәрчьрин, карьбунә, бь аликʹарийа медисинайе жь ԝи һʹали дәркʹәвьн. Ожебоде, Каору у Адрийана аликʹарийа медисинайе стандьн, у ньһʹа хԝә дьһа баш тʹәхмин дькьн.

Мәрьвед дьлтәнг дькарьн жь медисинайе у псикʹолога, аликʹарийе бьстиньн. Әԝ мәрьв ӧса жи һʹәԝще ԝе йәке нә, кӧ нәфәред мала ԝан у һәвалед ԝан, һьндава ԝанда бь сәбьр бьн, у һʹале ԝан фәʹм бькьн. Һәвале лапи баш, әв Йаһоԝа Хԝәде йә, кʹижан кӧ дькарә бь сайа Хәбәра хԝә, демәк Кʹьтеба Пироз, аликʹарийе бьдә.

ГӘЛО ДЬБӘ ӘВ ПРОБЛЕМ БЕ САФИКЬРЬНЕ?

Әԝед кӧ жь бо депресийайе дьчәрчьрьн, ԝанарʹа лазьм ә гәләк ԝәхт аликʹарийа медисинайе бьстиньн, йан жи гәрәке тьштәки жийина хԝәда бьгӧһезьн. Һәрге тӧ жь бо депресийайе дьчәрчьри, хԝә ԛайим бьгьрә, у бьра дина тә сәр ахьрийа баш бә. Әԝ дьбежә: «Әз һʹьзрәта ԝе йәке мә, кӧ бь чʹәʹве хԝә бьвиньм, ԝәки чаԝа гьлийе жь Ишайа 33:24 бенә сери. Ль вьр ньвисар ә, ԝәки тʹӧ кәс ԝе нәбежә ‹Әз нәхԝәш ьм›». Анәгори Ожебоде, дьлбинийе жь созе Хԝәде бьстинә, чьмки Хԝәде әʹрдәки ну соз дьдә, кʹидәре кӧ «еш-ешук» ԝе ида тʹӧнә бьн (Әʹйанти 21:1, 4). Әв те һʹәсабе, ԝәки еша емосийали жи ԝе ида тʹӧнә бә. Еша дьле тә жи ԝе бәтавәбә у ԝе ида тә нәчәрчьринә. Әԝе нә жи бькʹәвә бира тә (Ишайа 65:17).