Ku bokona mu madisá

Ku bokona mu madisá

 DIAMBU DIA KAPA | KIEBHI KI TU DIBHANA NI MAKA

Athu ku Mundu Uoso a Bhita ni Maka!

Athu ku Mundu Uoso a Bhita ni Maka!

“Ngendele mu sumba kudia, maji nga sange ngó jibolo—o jibolo ja tele kalu iavulu! Mu kizuua kiéngi ki mu kexile dingi kudia mu maloja.”—Paul, Zimbabwe.

“Muadi uami ua ng’exana phala ku ngi tangela kuila, ueji ngi xisa. Kiebhi ki ngeji dibhana ni maka enhá? Ihi i ngeji bhanga ni tuana?”—Janet, Estados Unidos.

“Kioso ki ngevu o ngunga, nga lenge phala ku suama mukonda dia ji bomba ja kexile mu baza. Mu ku bhita ithangana, nga kexile hanji mu teketa.”—Alona, Israel.

Tuala mu “jithembu jabhonzo.” (2 Timote 3:1) Athu avulu a kambe kitadi, ala ni maka ku muiji, a bhita mu ita ni mavuua ni kukuata mauhaxi a jibha. A thandanganha uá ni ima ia mukuá, ene a dibhuidisa: ‘O kuila o uhaxi uami ua-nda dibandekesa?’ Kiebhi kia-nda kala o mundu mua-nda kula o alaula’mi?’

Ki kima kia iibha ku thandanganha ni maka. Etu enioso tu kala ni hele ande dia kubhanga polova, mba ku bhanga kima kioso-kioso, nange kioso kia tuibhuila kima kia lungu ni salu i tua-nda bhanga. Ki kima kia iibha ku kala ni uôma, o uôma u tu kuatekesa kudilanga ku iluezu. Maji o uôma uavulu ki kima kiambote. O jingijiie a tokuesa 68.000 ja athu ndenge, ia a mono kuila, né muene o kuthandanganha ngó bhofele, kutena kufuisa o muthu. Mukonda dia kiki Jezú uebhula: “Mukua’hi mudienu kia kuata hele, u tena kuta-ku dikanda ku kitala kiê?” Sé phata o ku thandanganha kiavulu ki ku bandekesa o muenhu ua muthu. Mukonda dia kiki, Jezú ua tendelesa: “Kana kuvula hele.” (Matesu 6:25, 27) Maji kiebhi ki tu tena kukamba o hele?

Kubhinga kukala ni unjimu ua Nzambi, kusuínisa o kixikanu kua muéne, ni kudielela ku muenhu ua kidi ua tu kanena ku hádia. Né muene se ki tua mu bhita mu maka a dikota lelu, maji ku pholo tu tena ku kala ni maka. Mukonda dia kiki tua-nda di longa ihi ia kuatekesa Paul, Janet, ni Alona ku dibhana ni maka a moneka ku mienhu iâ.