Ku bokona mu madisá

Ku bokona mu madisá

Mukonda diahi Athu Ene mu Samba?

Mukonda diahi Athu Ene mu Samba?

 DIAMBU DIA KAPA | O KUILA UA TOKALA KU SAMBA?

Mukonda Diahi Athu Ene mu Samba?

Uene mu samba izuua ioso? Athu avulu ene mu samba katé muene ni ió ka xikina kua Nzambi. Maji mukonda diahi athu ene mu samba? Ku ixi ia França, a tokuesa kuila athu avulu akua França ene mu samba mba ku katula kithangana kia ku xinganeka “phala ngó ku divua kiambote.” Kala ki bhita ni athu avulu akua Europa, o akua França iá kene mu samba phala ku bheza Nzambi kana. Mu veji dia kiki, ene a sota ngó o “ku tululuka kuijila ku musambu.” Saí athu, a samba ngó kioso kia mu bhita ni maka, ni ku kinga kuila Nzambi u tambuijila o misambu iâ ni lusolo.Izaia 26:16.

Abha eie? O kuila uene mu mona ué o musambu kala ukexilu u ku kuatekesa ku divua kiambote? Se u xikina kua Nzambi, o kuila o musambu uene mu ku kuatekesa ku muenhu uê? Inga o misambu iê kene mu i tambuijila? O Bibidia i tena ku kuatekesa ku mona o musambu, kana kala ukexilu u kuatekesa o muthu ku divua kiambote, maji kala ukexilu u tena ku kuatekesa o muthu ku zukama kua Nzambi.