Ku bokona mu madisá

Ku bokona mu madisá

Dijina dia Nzambi (diólondekese bhabha) mu mikanda iokulu ia Bibidia

Ihi i Longa o Bibidia?

Ihi i Longa o Bibidia?

O kuila Nzambi uala ni dijina?

SAI ATHU A XIKINA kuila muéne kalé ni dijina, amukuá a xikina kuila dijina diê “Nzambi ngó” mba “Ngana,” saí iá a xikina kuila, muéne uala ni majina avulu. Abha eie, ihi i u banza?

IHI I ZUELA O BIBIDIA:

“Eie ngó uavu o dijina dié dia Jihova, ku moneka luiadi; eie-muéne ngó Suke-ku mu ngongo ioso.”​—Jisálamu 83:18.

IHI DINGI I TU LONGA O BIBIDIA?

  • Sumbala Nzambi uala ni majina avulu a ujitu, muéne ua di luku ngó dijina dimoxi.​—Makatukilu 3:15.

  • Nzambi kene dikanga kana; muéne ua mesena kuila tu muijiia.​—Ikalakalu 17:27.

  • O kuijiia kuila Nzambi uene ni dijina, kiene o kima kia dianga kia tokala kubhanga o muthu phala kutena kukala dikamba dia Nzambi.​—Tiiaku 4:8.

O kuila kima kia iibha kutumbula o dijina dia Nzambi?

IHI I U BANZA?

  • Kia iibha?

  • Kana?

  • Nange?

IHI I ZUELA O BIBIDIA:

“Kana kutumbula dijina dia Jihova, Nzambi ié, mu kingoho.” (Makatukilu 20:7) Kia iibha ngó kutumbula o dijina dia Nzambi se tu bhanga kiki sé ujitu.​—Jelemiia 29:9.

IHI DINGI I TU LONGA O BIBIDIA?

  • Jezú uejidile o dijina dia Nzambi iu ua kexile mu di tumbula.​—Nzuá 17:25, 26.

  • Nzambi ua tu bhana o ujitu ua ku mu ixana mu dijina diê.​—Jisálamu 105:1.

  • O jinguma ja Nzambi a mesena kubhangesa o athu kujimba o dijina diê.​—Jelemiia 23:27.