Ku bokona mu madisá

Ku bokona mu madisá

 DISÁ 23

O Madivulu Metu Ene Mua Soneka Kiebhi ni Kiebhi Kiene Mua Lungulula mu Madimi Engi?

O Madivulu Metu Ene Mua Soneka Kiebhi ni Kiebhi Kiene Mua Lungulula mu Madimi Engi?

Departamento de Redação, E.U.A.

Coréia do Sul

Arménia

Burundi

Sri Lanka

Phala kutena kutula o “Njimbu Iambote,” ku “athu oso a tungu mu ngongo, ku ifuxi ioso, madimi ni madiembu,” tuene mu lungulula mu 750 ja madimi ndenge. (Dijingunuinu 14:6) Kiebhi ki tua mu tena o kubhanga o kikalakalu kiki kia bhonzo? Tu tena kubhanga kiki ni kikuatekesu kia athu a dibhakula mu vondadi iâ phala kulungulula o madivulu ku mundu uoso—ene oso Jimbangi ja Jihova.

O milongi ia dianga iene mu kingileji. O Kibuka kia Utuminu a langa o kikalakalu kia kusoneka o madivulu ku mundu uoso. O kididi kiki kia kusoneka o madivulu, a uana o ikalakalu mu jifiliale ja mukuá ku mundu uoso, kuala ué ni asoneki. Mukonda kuala ibuka iavulu ia asoneki, ki bhangesa kuila, tu soneka maka mu ukexilu u uabhela o athu oso a mesena kutanga o maka enhá.

O milongi a i tumikisa ku akua kulungulula. Kioso kia zubha ku i soneka, ni ku i tala kiambote a i tumikisa ku ibuka ia kulungulula bhu kaxi ka ji komputadolo ku mundu uoso. O ibuka íii i lungulula, i tala kiambote ni ku i bhitulula ni kumona se iala muene kiambote. Ene a bhanga ioso phala ku i lungulula ni kuiuka kuoso kála kia ‘tokala o maka a kidi’ mu dízui dia kingileji phala o dízui dia uvualukilu.Ndongixi 12:10.

O ji komputadolo ji kuatekesa kubhanga o ikalakalu íii ni lusolo. Maji o komputadolo i tena kubhanga ikalakalu iavulu ni lusolo ki i beta-kota o asoneki ni alunguludi ndenge. Maji iene i tena kukalakala ni lusolo, se a ta-mu o dicionário, dia madimi avulu ni milongi ia ku tokuesa. O Jimbangi ja Jihova ala ni makina i soneka madimi avulu a ixana (MEPS) mu makina íii, a ta-mu o milongi mu madimi avulu, kioso ki i tunda, kala divulu mu dimi diê.

Mukonda diahi tua mu bhanga o nguzu íii né muéne phala kusoneka madivulu mu madimi ka a zuela ku athu avulu? Mukonda íii iene o vondadi ia Jihova “kuila athu oso a bhuluke, eze mu kuijiia o kidi.”1 Timote 2:3, 4.

  • Kiebhi kia soneka o madivulu metu?

  • Mukonda diahi tua mu soneka o madivulu metu mu madimi avulu?