Ku bokona mu madisá

Ku bokona mu madisá

 DISÁ 27

O Dixilu dia Madivulu mu Kididi Kia Ubhezelu ki tu Kuatekesa Kiebhi?

O Dixilu dia Madivulu mu Kididi Kia Ubhezelu ki tu Kuatekesa Kiebhi?

Israel

República Checa

Benin

Ilhas Caimã

Ua mesena kutokuesa phala kubandekesa dingi o kuijiia kuê kua Bibidia? Ua mesena kuijiia maka, mba kuijiia muthu, kididi, mba kima, kia tange mu Bibidia? O kuila ua di bhuidisa kiá se o Bibidia i tena ku kukuatekesa kubatula maka ku muenhu uê? Se kiene, ndé ka kunde o dixilu dia madivulu mu Kididi kia Ubhezelu.

U sanga-mu madivulu avulu phala kutokuesa. Nange kuala ni madivulu oso a longa o Bibidia a tokala ku Jimbangi ja Jihova mu dimi diê. Maji o inzo ia madivulu mu kididi kia Ubhezelu, u sanga-mu o madivulu avulu a ubhe. U tena kusanga-mu ué ji Bibidia mu madimi engi, ni dixionaliu, ni madivulu a mukuá a tena ku kukuatekesa. Eie u tena kuia mu dixilu dia madivulu ande dia ku mateka o kiônge, ni kioso ki bhua o kiônge. Se muala komputadolo, u tena kujikula o Biblioteca da torre de vigia, mu u sanga madivulu avulu, ki ki bhonzo kusanga o maka u ua mesena kuijiia.

Kima kiambote phala o maxibulu a Ukexilu ua Ukidistá ni Ukunji Uetu. Eie u tena ku iudika o milongi iê mu dixilu ia madivulu mu Kididi kia Ubhezelu. O muendexi ua Ukexilu ua Ukidistá ni Ukunji Uetu, muéne u tambula konda ia inzo íii. Muéne ua tokala kuijiia se muala madivulu a ubhe, se a a sokejeka kiambote. O kafunga mba o mulongexi uê uene mu kulonga o Bibidia, ua tokala ku kulonga kiebhi ki u tena kusanga o milongi i ua mesena. O madivulu ka tokala ku a katula mu Kididi kia Ubhezelu. Tua tokala ku langa o madivulu metu, kana ku a ta ijimbuete.

O Bibidia ijimbulula kuila, phala ku “d’ijiia kiambote ni Nzambi” tua tokala ku mu sota “kala kia sota jimbongo.” (Jisabhu 2:1-5) O dixilu dia madivulu mu Kididi kia Ubhezelu, ki tena ku kukuatekesa kumateka kutokuesa o maka u ua mesena kuijiia.

  • Ihi i tu sanga mu dixilu dia madivulu mu Kididi kia Ubhezelu?

  • Nanhi u tena ku kukuatekesa kuijiia kiebhi kia tokuesa mu madivulu?