Ku bokona mu madisá

Ku bokona mu madisá

Kiasu: Phang’etu a mu kuata mukonda dia ku boka mu mbanza ia Eindhoven, Holanda ku muvu 1945; Kadilu: O kuila mu ixi mu ua tungu, enu muala ni ufolo ua kuboka?

 KIBATU 4

Ufolo ua Tambula o Utuminu—ku Zokela o Njimbu Iambote

Ufolo ua Tambula o Utuminu—ku Zokela o Njimbu Iambote

 MU KU boka inzo ni inzo eie uivua jibuia ja makalu a xiku dia ngoji. O jibuia jiia ni ku di bandekesa. Eie ua mu zuela ni muthu mukua nzo, o mukuenu ua mu kalakala nê kumoxi, ua landuka ni ima iengi; o dikalu dia xiku dia ngoji di mana. Mu dikalu mu tuluka diiala, xiku dia ngoji u mi zukama, u mi ibhuidisa: “Enu muene mu phupa mu mabhitu ma athu izuua ioso ni ku a tangela maka alungu ni Bibidia? Ene a tu tangela kuila kene mu ki uabhela!” Ni ku xila kuoso, eie u mu tangela kuila eie u Mbangi ia Jihova. Ihi ia-nda bhita?

O ima ia bhiti m’ukulu i tu kuatekesa kuijiia o maka enhá. Kiebhi o nguvulu ia ixi mu uala kiene mu mona o Jimbangi ja Jihova? O kuila o athu ala ni ufolo ua ku bheza Nzambi? Se kiene, tu sakidila o jiphange jetu ja mala ni ja ahatu a bhange ioso phala “ku zokela o Njimbu Iambote.” (Fil. 1:7) Ixi ioso-ioso mu u kala, se u xinganeka kiambote mu ima ia bhange o Jimbangi ja Jihova phala ku kala ni ufolo ua ku bheza Nzambi, o kixikanu kiê kia-nda kola dingi. Mu kibatu kiki, tua-nda mona o izulukutu íii. O ufolo u tuene mu tambula ulondekesa kuila o Utuminu ua kidi muene, ni kuila se mu nguzu ietu hinu ki tueji tena ku zokela o njimbu iambote!

IN THIS SECTION

KIBATULU 13

O Aboki a Utuminu a Lengela ku Jinzo ja ku Fundisa Phala ku Zokela o Kikalakalu Kiâ

Saí afundixi mu jinzo ja ku fundisa a bhanga kala kia bhangele o mesena ia Kitumu Ngamaliiele m’ukulu

KIBATULU 14

Ku Zokela ni Ufiiele Uoso o Unguluvulu ua Nzambi Kana o Jinguvulu ja Mundu

O “ngiji” ia izukutisa o Jimbangi ja Jihova mukonda kene mu di ta mu maka a jinguvulu, a i minha ku azokedi.

KIBATULU 15

Ku Zokela o Ufolo ua ku Bheza

O mundu ua Nzambi uene mu zokela o ufolo uâ ua ku belesela—o kitumu kia Utuminu ua Nzambi.