Ku bokona mu madisá

Ku bokona mu madisá

 Mbandu 3

Kiebhi ki mu Tena ku Batula o Maka ku Muiji

Kiebhi ki mu Tena ku Batula o Maka ku Muiji

“O henda ienu mudienu i fulujuke, kuma henda i sueka nzungule ia ituxi.”1 Phetele 4:8

Kioso ki u kazala ni ku tunga kumoxi ni kaza diê, ku moneka maka avulu ku muenhu. Kiki, ki tena ku bhita mukonda kala muthu mudienu, uala ni ibanzelu iê, u divua kiéngi ni kuila a mi sase kiéngi. O maka a tena ku tunda kuengi mba o izulukutu i bhita i tena ué ku bhekela maka ku muiji.

Eie nange u sota ku lenga o maka iá, maji o Bibidia i tu tendelesa kuila tua tokala ku batula o maka a moneka. (Matesu 5:23, 24) Ua-nda sanga o kikuatekesu kia tokala, ki tena ku ku kuatekesa ku batula o maka mê, se u kumbidila o milongi ia Bibidia.

 1 DIKUNDIENU O MAKA

IHI I ZUELA O BIBIDIA: “Sai kithangana kia . . . kuzuela.” (Ndongixi 3:1, 7) Kala ni kithangana kia ku batula o maka a moneka ku muiji. Di kunde ni muxima uoso ni kaza diê, ni ku mu tangela kiebhi ki ua mu divua ni ihi i ua mu banza ku muxima ia lungu ni maka. Zuela “jinga o kidi” kua kaza diê. (Efezo 4:25) Né muene se o maka a mu ku bhekela njinda, kana ku di kuata ni kaza diê. Ijiia kuma o dízui diambote dia lenduka, di bhuisa jinvunda.Jisabhu 15:4; 26:20.

Se ku xikina o ima ia zuela kaza diê, tululuka, kana ku jimba kulondekesa henda ni ku xila kaza diê. (Kolose 4:6) Sota ku batula o maka ni lusolo luoso, ki mu kale sé ku di zuelesa.—Efezo 4:26.

IHI I U TENA O KU BHANGA:

  • Sola kithangana kiambote kia ku di kunda o maka ni ku a batula

  • Kioso kaza diê kia mu zuela, muivue kiambote, kana ku mu batula o dízui katé kia-nda bhixila o kithangana kiê kia kuzuela

 IVUA NI KU TETULUKA

[Foto ku mbandu 11]

IHI I ZUELA O BIBIDIA: “Di zodienu mu dienu mu [undandu] ua mbote mua Kristu, o mu ujitu kala muthu a xile mukuâ.” (Loma 12:10) O ukexilu uê ua kuivua, u tena ku kuatekesa ku batula o maka ku muiji. Sota ku tendela o ibanzelu ia kaza diê, kalenu ni ‘kixinganeku kimoxi . . . ni ku lenduka.’ (1 Phetele 3:8; Tiiaku 1:19) Kana ku di bhanga kála ua mu kuívua kaza diê mbé kana. Se ki bhana, eha hanji i ua mu bhanga phala kuívua kiambote kaza diê ua mu zuela, mba mu ibhuidise se mu tena ku dikunda o maka mu kithangana kiéngi. Mona kaza diê kála kamba diê, kana kála nguma, kiki ki ua-nda “kulenguluka ku kala ni njinda.”Ndongixi 7:9.

IHI I U TENA O KU BHANGA:

  • Ivua kiambote kioso mukuenu kia mu zuela, né muene se o ia mu zuela muéne eie ua i zembe

  • Sota ku tendela o ima ia mu zuela kaza diê. Tala o pholo iê ni mesu ni dízui diê kioso kia mu zuela

3 BHANGENU KALA KI MUA DI KUNDU

IHI I ZUELA O BIBIDIA: “Ku kalakala kubhekela, ku bhanduluka; maji o kuzuela-phe kuahatu, ku xisa mu uadiama.” (Jisabhu 14:23) Phala ku batula o maka, ki ku bhingi ngó kuijiia ihi i mua tokala o ku bhanga kana. Mua tokala ué ku bhanga kala ki mua banze o ku bhanga. O ku bhanga kiki nange ku bhinga nguzu iavulu, maji se kiki u ki bhanga o ima ia-nda tunda kiambote. (Jisabhu 10:4) Se mu kalakala kumoxi, mua-nda “beta kubhanduluka mu ikalakalu” ienu.Ndongixi 4:9.

IHI I U TENA O KU BHANGA:

  • Di kundienu ihi ia tokala ku bhanga kala muthu mudienu phala ku batula o maka

  • Mu ku bhita kithangana, ijiienu se mua mu bhanga muene kala ki mua di kundile, ni kiebhi kia mu bhita o ima