Ku bokona mu madisá

Ku bokona mu madisá

 DISÁ 7

O Utuminu ua Nzambi Ihi?

O Utuminu ua Nzambi Ihi?

1. O Utuminu ua Nzambi Ihi?

Ihi i bhangesa Jezú ku kala Sobha iambote?—MARKU 1:40-42.

O Utuminu ua Nzambi, unguvulu uala ku diulu. Ua ka sasujula o mautuminu oso, ua-nda bhangesa kuila o vondadi ia Nzambi a i bhange bhoxi kála kia mu i bhanga ku diulu. O njimbu ia Utuminu ua Nzambi, njimbu iambote muene. Kua kambe ngó, o Utuminu ua Nzambi ua-nda zubha o ibhindamu ia athu ene mu mesena utuminu uambote. Uene ngó ua-nda tumina o ixi ioso.—Tanga Daniiele 2:44; Matesu 6:9, 10; 24:14.

O utuminu ua tokala u kala ni sobha. Jihova ua solo Mon’ê Jezú Kristu, phala ku kala Sobha mu Utuminu Uê.—Tanga Dijingunuinu 11:15.

Tala o vidyu O Utuminu ua Nzambi Ihi?

2. Mukonda diahi Jezú muéne ua tokala ku kala Sobha?

O Mon’a Nzambi muéne ua tokala ku kala Sobha mukonda muthu uambote. (Nzuá 1:14) Muéne uala ni kutena kua ku kuatekesa o athu, mukonda muéne ua-nda tumina o ixi tundé ku diulu. Kioso kia fukunuka, muéne uai ku diulu iu ua xikama bhu mbandu ia kadilu ka Jihova. (Jihebeleu 10:12, 13) Mu ku bhita kithangana, Nzambi ua mu bhana o kutena phala ku tumina.—Tanga Daniiele 7:13, 14.

3. A nanhi a-nda tumina ni Jezú?

O kibuka a k’ixana ‘an’â Nzambi,’ a-nda tumina ni Jezú ku diulu. (Daniiele 7:27) O an’â Nzambi a dianga ku a sola, o jipoxolo ja fiiele ja Jezú. Jihova uene hanji mu sola ana ki kale mala, mba ahatu. Ene uâ a fukunuka ni mukutu ua nzumbi kála Jezú.—Tanga Nzuá 14:1-3; 1 Kolindo 15:42-44.

 Athu ki kuxi a-ndaia ku diulu? Jezú ua exana ‘kilunga kófele.’ (Luka 12:32) O muxinda u soka 144.000. Ene a-nda tumina mu ixi ni Jezú.—Tanga Dijingunuinu 14:1.

4. Ihi ia bhiti kioso kia mateka ku tumina Jezú?

O Utuminu ua Nzambi ua mateka ku tumina ku muvu ua 1914. * O kima kia dianga ku bhanga Jezú kioso kia mateka o ku tumina, o ku lundumuna Satanaji, ni madimonho mê mu ixi. Satanaji njinda ia mu kuata, iu ua mateka ku bheka ibhidi iavulu mu ixi. (Dijingunuinu 12:7-10, 12) Tundé kithangana kieniókio, o ibhidi mu ngongo iene mu di bandekesa. Ita, nzala, mabhebhu, ni itungutu ia ixi, “kijimbuete” kia kuila kua kambe ngó bhofele, o Utuminu ua-nda zubha o ima ioso íii mu ixi.—Tanga Luka 21:7, 10, 11, 31.

5. Ihi ia mu bhanga o Utuminu ua Nzambi?

O sidivisu ia kuboka o Utuminu ua Nzambi, iene mu bhongolola athu a ifuxi ioso. Mazunda ni mazunda athu lelu a mu kaiela Jezú. O Utuminu ua Nzambi, ua-nda ku a langa kioso ki ua-nda kuíza mu buika o mundu ua Satanaji. Oso a mesena o kikuatekesu kia Utuminu ua Nzambi, a tokala ku di longa phala ku kala akaiedi a Jezú, a belesela.—Tanga Dijingunuinu 7:9, 14, 16, 17.

Ku utuminu ua 1.000 ia mivu, o Utuminu ua-nda bhangesa kuila o vondadi ia dianga ia Nzambi, ia lungu ni athu i di kumbidila. O ixi ioso ia-nda kituka palaízu. Mu kusuka-ku Jezú ua-nda vutula o Utuminu kua Tat’ê. (1 Kolindo 15:24-26) Uejiia muthu ua mu mesena ku mu tangela ia lungu ni Utuminu ua Nzambi?—Tanga Jisálamu 37:10, 11, 29.

 

^ kax. 6 Phala kuijiia dingi o ikanenu ia Bibidia ia lungu ni muvu ua 1914, tanga o jimbandu ja 215-218 ia divulu Mu Kidi Ihi i Longa o Bibidia?