Ku bokona mu madisá

Ku bokona mu madisá

Musoso 110: Timote—múkuatekexi Ua Phaulu

Musoso 110: Timote—múkuatekexi Ua Phaulu

OMUZANGALA ua mu mu mona bhobha ni Poxolo Phaulu, Timote. Timote ua tungile ni muiji uê mu Listra. O manh’â dijina diê Eunice, o kuku’ê Loide.

Iexile kiá veji ia katatu kiai Phaulu mu kunda Listra. Kua bhitile kia muvu kiendele Phaulu ni Barnabe mu njila phala kuboka o njimbu. Mu veji íii Phaulu ua vutuka dingi ni kamba diê, Sila.

Timote ni Phaulu

Eie uejiia se ihi iambe Phaulu kua Timote? Ua mu ibhula, ‘Eie ua mesena kuia kumoxi ni eme, ni Sila?’ Ua-nda kala kikuatekesu kia dikota mu kubokela athu mu ididi ia dikanga.’

Timote ua tambuijila, ‘Kiene’ ‘nga-ndala kuia ni enu.’ Kienhiki, Timote ua xisa o muiji ué, iu uai ni Phaulu ni Sila. Maji ande ia kuijiia maka alungu ni njila iâ, ndoko tu tale se ihi ia bhiti ni Phaulu. Kua bhitile kia 17 ia mivu, tundé Jezú kia mu monekena mu njila ia Damásku.

Lembalala kuma, Phaulu uendele mu Damásku phala ku zukutisa o maxibulu a Jezú, maji kindala muéne ua kituka ué dixibulu! Anga, saí jinguma ja mesene ku jibha Phaulu, mukonda ene ka zolele o ilongesu ia lungu ni Jezú. Maji, o maxibulu a kuatekesa Phaulu ku lenga. Ene a mu te mu kinda ni a mu tulukisa bhu kanga dia mbanza.

Anga, Phaulu uai mu boka mu Andiioka. Kuenhoko, kuene o maxibulu a Jezú a dianga ku a exana Jikidistá. Phaulu ni Barnabe a a tumikisa ku Andiioka phala kuboka katé mu jixi ja dikanga. Mbanza imoxi ia menekena, iexile Listra kua tungile Timote.

Mu ku bhita muvu umoxi, Phaulu ua vutuka mu njila iê, ia kaiadi. Kioso kiai Timote ni Sila, eie uejiia se ene endele kuebhi? Tala bhu mapa ndoko tuejiie ididi ia mukuá.

Kia dianga, ene endele mu Ikonio bhu mbanza ia zukama, anga ai mu mbanza ia mukuá, a ixana Andiioka. Kienhiki, ai ku Tolóua katé ku Filipe, Tesalonika, ni ku Beleia. Eie ua mu mona Atena bhu mapa? Phaulu ua boko bhenhobho. A bhiti muvu ni kaxaxi mu boka mu Kolindo. Mu kusukáko, ene a palala mu Efezo. Inga ene a vutuka mu Sezaleia, ni ai dingi mu Andiioka, kuenhoko kuene kua xala Phaulu.

Kienhiki, Timote uende njila javulu ni Phaulu, ni ku múkuatekesa kuboka o “njimbu iambote” ni ku bhanga ilunga iavulu ia Jikidistá. Kioso ki ua-nda kula, ua-nda kala selevende ia fiiele ia Nzambi kála Timote?

Ikalakalu 9:19-30; 11:19-26; kibatulu 13-katé 17; 18:1-22.

Mapa

1. Loma; 2. Melita; 3. Beleia; 4. Tesalonika; 5. Kolindo; 6. Filipe; 7. Atena; 8. Keleta; 9. Tolóua; 10. Efezo; 11. Miletu; 12. Kolose; 13. Andiioka; 14. Ikonio; 15. Listra; 16. Xipele; 17. Andiioka; 18. Sezaleia; 19. Jopa; 20. Damásku; 21. Jeluzaleme; 22. O Musanza ua Dikota (Meditelânio)



Ibhuidisu

  • Nanhi o muzangala mu fikula, kuebhi kua tungila, ni kiebhi kiexanene manh’â, ni kuku’ê?
  • Kiebhi kia tambuijila Timote kioso Phaulu kia mu ibhula se ua mesenene kuia ni Sila, ni Phaulu, mu kubokela athu mu ididi ia dikanga?
  • Kididi kiebhi kia diangela ku xana o akaiedi a Jezú kála Jikidistá?
  • Kioso Phaulu ni Barnabe kia xisa Andiioka, jimbanza jebhi ja kundile?
  • Kiebhi Timote kia kuatekesa Phaulu, ni o mizangala ia lelu a tokala a di bhuidisa kiebhi?

Ibhuidisu ia mukua

  • Tanga Ikalakalu 9:19-30.

    Kiebhi o poxolo Phaulu kiedikisa o unjimu, kioso kia mu zukutisa mukonda dia njimbu iambote? (Ikalakalu 9:22-25, 29, 30; Mat. 10:16)

  • Tanga Ikalakalu 11:19-26.

    Kiebhi kidikisa o musoso mu divulu dia Ikalakalu 11:19-21, 26, kuma o nzumbi ia Jihova iendesa o kikalakalu kia kuboka?

  • Tanga Ikalakalu 13:13-16, 42-52.

    Kiebhi o divulu dia Ikalakalu 13:51, 52, didikisa kuma o maxibulu kehela o kizukutisu kua bhuila? (Mat. 10:14; Ikalakalu 18:6; 1 Phe. 4:14)

  • Tanga Ikalakalu 14:1-6, 19-28.

    Kiebhi ki tu tululukisa o kizuelu “ku mi bakula kua Jihova” kia lungu ni hele i tu kala na-iu mu ku kuatekesa o mizangala? (Ikalakalu 14:21-23; 20:32; Nzuá 6:44)

  • Tanga Ikalakalu 16:1-5.

    Kiebhi o vondadi ia Timote ia ku xikina ku mu saia, ilondekesa kuma o “ima ioso tu i bhanga mukonda dia njimbu iambote”? (Ikalakalu 16:3; 1 Kol. 9:23; 1 Tes. 2:8)

  • Tanga Ikalakalu 18:1-11, 18-22.

    Ihi idikisa o divulu dia Ikalakalu 18:9, 10, ia lungu ni Jezú ku tuamena o kikalakalu kia ku tula o njimbu, ni kidielelu kiahi ki tu bhana lelu? (Mat. 28:20)