Ku bokona mu madisá

Ku bokona mu madisá

Musoso 37: O Balaka ia Kubheza

Musoso 37: O Balaka ia Kubheza

EIE UEJIIA se o inzo íii iahi? O kididi kia fuama kubheza-mu Jihova. A ki xana ué balaka. O mundu ua i tungu mu muvu umoxi kioso kia tundu mu Ijitu. Uejiia se nanhi ua tumina ku i tunga?

O Balaka

Jihova ua tumina ku i tunga. Kioso Mozé kia kexile ku Mulundu ua Sinai, Jihova ua mu ambela kiebhi kieji i tunga. Muéne ua tumina ku ki tunga phala ki kibhonze ku isokomona phala ku iambata mu ibatu. Kiki-phe o ibatu iê a tenene ku iambata mu ididi ia mukuá, ni ku i tunga dingi. Kioso akua Izalaiele akexile mu nhunga mu ididi ni ididi mu kikangalakata, ene akexile mu kuambata o balaka.

Se u tala moxi dia dixilu mua sukina o balaka, ua-nda mona o kaxa, mba o álaka. Íii a ixanene álaka ia kikutu. Kala mbandu muala anju jiiadi, mba jixelube a i bhangele ni ulu. Nzambi ua sonekene dingi Dikuinhi dia Ijila mu mabaia a matadi, mukonda Mozé ua budile o matadi a dianga. O matadi enhá a bhakele moxi dia álaka ia kikutu. Ni ímbia ia maná a i bhakele ué muenhomo. Ua di lembalala se o maná ihi?

Alá phange ia Mozé, muéne a mu solele kuala Jihova phala ku kala mukunji. Muéne uendesa o mundu mu ubhezelu ua Jihova. An’ê exile ué akunji.

Kindala tala mu sala ionene ia balaka. O sala ia beta-kota, o dixilu ndenge. Ua mu mona o álaka iofele kua mu tunda o dixi? O kalatódio kuene akunji a oha-ko o kima kia dizumba dia uabha, a di xana mubafu. Muala ué kandeia ni sambuadi dia imuikinu. O kima kia katatu moxi dia sala o meza. A tula-ku 12 ja jimbolo.

Bhu kimbaka dia balaka mua kexile basia iezalele ni menha. O akunji a disukula-mu. Muala ué kalatódio konene. Mua kexile mu kuoha-ko o ibhaku phala ku i satela Jihova. O balaka ia kexile mu’axaxi ka kilombo, o jinzo ja akua Izalaiele ja kondolokele o balaka.

Makatukilu 25:8-40; 26:1-37; 27:1-8; 28:1; 30:1-10, 17-21; 34:1, 2; Jihebeleu 9:1-5.



Ibhuidisu

  • Dijina diahi dia bhana ku inzo ia mu moneka mu fikula, ni ia sidivile phala ihi?
  • Mukonda diahi Jihova ua tumina Mozé phala ku tunga o balaka phala ki ibhonze ku isokomona?
  • Ihi o kaxa iala koxi ia balaka, ni ihi iala mu kaxa?
  • Nanhi a mu solo kua Jihova phala ku kala mukunji ua dikota, ni ihi i bhanga o mukunji ua dikota?
  • Zuela o majina a ima itatu iala mu sala ionene ia balaka.
  • Ima iiadi iahi iala mu kimbaka kia kalatódio, ni i sidivila phala’hi?

Ibhuidisu ia mukua

  • Tanga Makatukilu 25:8-40; 26:1-37; 27:1-8; ni Makatukilu28:1.

    Ihi idikisa o jixelube ku thandu dia “álaka ia umbangi”? (Mak. 25:20, 22; Dia. 7:89; 2 Jis. 19:15)

  • Tanga Makatukilu 30:1-10, 17-21; 34:1, 2; ni Jihebeleu 9:1-5.

    Mukonda diahi Jihova ua tendelesa o ku zela kua mukutu ua akunji akexile mu sidivila mu balaka? Kiebhi kiki ki tu fikila lelu? (Mak. 30:18-21; 40:30, 31; Jih. 10:22)

    Kiebhi kiedikisa poxolo Phaulu kuma o balaka, ni Itumu ia kikutu ia bhuile kiá, mu thembu ia soneka o mukanda ku Jikidistá ja akua Jihebeleu? (Jih. 9:1, 9; 10:1)