Ku bokona mu madisá

Ku bokona mu madisá

 WENDELU WA UKIDISTÁ

Kubandekesa o Uhete Wetu mu Ukunji—Longa o Dixibulu Kudipelepalala

Kubandekesa o Uhete Wetu mu Ukunji—Longa o Dixibulu Kudipelepalala

MUKONDA DYAHI KIMA KYAMBOTE KUBHANGA KIKI: Kyoso o adilongi a Bibidya kya pelepalala, ene a tena kutendela dingi kyambote o maka ni kulembalala o ima ya dilongo. Kyoso ene kyaya ni kutendela ni kulembalala dingi, ki kya-nda bhonza phala ene kukula dingi. Né mwene kyoso kya a batizala, ene a bhingi kupelepalala jinga o milongi ya yônge, ni sidivisu ya kuboka, phala n’a tene ‘kukolokota kudilanga.’ (Mat 25:13) Mu kiki, kyoso ene kyejiya kudilonga kyambote, ni kukala ni ukexilu wa kudilonga, kwa-nda ku a kwatekesa ku mwenyu wâ woso. Tundé kya ku dimatekenu, twa tokala kukwatekesa o maxibulu metu kukala ni ukexilu wa kupelepalala o milongi ya Bibidya ya-nda dilonga.

KIEBHI KI TU TENA KUBHANGA KIKI:

  • Bhana phangu yambote. (Lo 2:21) Pelepalala mu kubanza o ibhindamu ya dixibulu dyé. (Kikalakalu Kietu Kia Utuminu 11/15 difwe 3) Mwehele n’a mone o divulu dyé di wa pelepalala

  • Mu swinise kupelepalala. Kyoso ki mu mateka kudilonga, mu tangele kyá kwila, o kupelepalala kubhanga mbandu mu kudilonga kwenu, mu jimbulule o mbote ijila mu kupelepalala o milongi. Mu bhane jindunge jya kyebhi kya tena kukatula kithangana phala kupelepalala. Say aboki a bhana o madivulu mâ ku maxibulu, mu kithangana kya kudilonga phala n’a mone o mbote ya kupelepalala. Mu ximane kyoso mwene kya pelepalala

  • Mu londekese kyebhi kya tokala kudipelepalala. Tundé mu dimatekenu, aboki avulu a sola kizuwa kya kudilonga, phala kulonga o maxibulu kyebhi kya tena kupelepalala o milonga ya-nda dilonga