Ibanzelu ia Iibha

Makutu: O Jimbangi ja Jihova kene mu bhanga fesa ia Natale, mukonda ka xikina kua Jezú.

Kidi: Etu tu Jikidistá. Tu xikina kuila o athu a tena ngó ku bhuluka mukonda dia Jezú dia Kristu.—Ikalakalu 4:12.

Makutu: Enu mua mu uanuna o miji mu ku longa o athu phala ka bhange o fesa ia Natale.

kidi: Etu tua mesena kuila miji ioso i kala kumoxi, ni kikuatekesu kia Bibidia, etu tu a suínisa ku kala ni ukamba uambote mudiâ.

Makutu: Ki mua-nda sanguluka ni ku kala ni kutululuka mu’axaxe k’athu oso a tungu mu ngongo mukonda dia ku kamba ku bhanga o fesa ia Natale.

Kidi: Etu tuene mu bhanga ioso phala tu kuatekese o athu ni ku dibhana nau kiambote izuua ioso ku muvu. (Jisabhu 11:25; Loma 12:18) Mu kifika, o iônge ietu ni ku boka kuetu ku lombolola kuila tua mu kaiela o kitendelesu kia Jezú: “Mua tambula ngoho, bhanenu ngoho.” (Matesu 10:8) Kienhiki tu longa kuila, o Utuminu ua Nzambi uene ua-nda tu bhekela o paze mu ixi.—Matesu 10:7.

Mukonda Diahi o Jimbangi ja Jihova Kene mu Bhanga Fesa ia Natale?

  • Jezú ua tumu phala ku bhanga lembalasa ia kufua kuê, ka tu tumu phala ku bhanga fesa ia uvualukilu uê.—Luka 22:19, 20.

  • O Jipoxolo ja Jezú ka kexile mu bhanga fesa ia Natale. O divulu, Nova Enciclopédia Católica, diambe kuila,“o fesa ia Natale a mateka ku i bhanga kuala o mutuameni ua ngeleja ia Katolika Libério ku muvu ua 243 [K.K.],” kioso kia bhiti hama jiiadi ja mivu, tundé kiafu o poxolo ia subhukile mu ixi.

  • Se ku kima kilondekesa kuila, Jezú uafu ku 25 kia mbeji ia Kaiiadi, o Bibidia ki izuela o kizuua kia mu vuala.

  • Etu tu xikina kuila Nzambi ka uabhela o fesa ia Natale, mukonda a mateka ku i bhanga ku jiphagão.—2 Kolindo 6:17.

Mukonda Diahi ki mu Difu ni Athu Oso

Athu avulu a bhanga o fesa ia Natale. Mu kidi, ene ejiia kuila, o fesa íii a mateka ku i bhanga ku jiphagão. Maji ka i soneka mu Bibidia. Nange o athu enhá ebhula: Mukonda diahi o Jikidistá ala ni ukexilu uéngi? Mukonda diahi ki mu difu ni athu oso?

O Bibidia i tu suínisa banza kiambote ni ku sunga ‘kilunji kia fuama.’ (Loma 12:1, 2) O Bibidia i tu longa phala ku bhana valolo ku kidi. (Nzuá 4:23, 24) Sumbala, tua mesena kuijiia o ibanzelu ia akuetu ia lungu ni etu, maji tu kaiela o milongi ia Bibidia, né muene se kiki ki tu bhangesa ku di tungula mua’xaxi k’athu.

Sumbala ki tu bhanga fesa ia Natale, maji tu xila ió a mu i bhanga, mukonda kala muthu uala ni ibanzelu iê ia lungu ni maka enhá. Etu tu xila oso a mesena ku bhanga o fesa ia Natale.

Di longe dingi

Ihi i Longa o Bibidia ia Lungu ni Fesa ia Natale?

Saí Kima Kia Beta-o-Kota o Natale Ndenge