O Jimbangi ja Jihova, a sota ku di longa o Bibidia ni athu ni ku tambuijila ibhuidisu iavulu i bhanga ene, kala:

  • Nzambi nanhi?
  • O kuila Nzambi ua ngi suu?
  • Kiebhi ki ngi tena ku zediuisa o ukaza uami?
  • Kiebhi ki tena o ku sanga o ku zediua kua kidi?

Tala o itambuijilu ia ibhuidisu iene mu bhanga o athu ia lungu ni ukexilu uetu ua ku longa o Bibidia.

Tuene mu longa o athu maka alungu ni “Nzambi”

mba “ukaza” ni ku tanga ibatulu iavulu ia Bibidia ia lungu ni maka enhá. Mu ku sokesa o ibatulu íii, tuene mu mona ihi i longa o Bibidia ia lungu ni maka enhá, ni kuehela kuila o Bibidia i tambuijila o ibhuidisu i bhanga o athu.

 

Ki ku bhingi kitadi. Ki tuene mu bhinga ué kitadi mu madivulu u tu bhana ku athu phala ku a longa o Bibidia.

Athu avulu ene mu katula ola imoxi ku semana phala ku di longa o Bibidia n’etu. Maji saí ithangana tu bhanga kaxaxi ka ola mba ndenge. O muthu muéne u sola se ithangana ikuxi ia mesena ku di longa.

Muéne ua-nda kulondekesa mu ithangana iofele, kiebhi kia di longa o Bibidia ni athu. Se u ki uabhela, u tena ku suluka ni ku di longa.

Se ngi xikina ku di longa o Bibidia, o kuila nga tokala ku kituka mbangi ia Jihova? Kana. Jimbangi ja Jihova, a uabhela kiavulu o ku longa o athu ia lungu ni Bibidia, maji kene mu jijidika o athu ku kala mbangi ia Jihova. Mu veji dia kiki, tu londekesa ku athu ihi i longa o Bibidia, mu kuijiia kuila kala muthu muéne ua tokala ku sola o ngeleja iê.1 Phetele 3:15.