Ku bokona mu madisá

Ku bokona mu madisá

 DIAMBU DIA KAPA | A NANHI O JIMBANGI JA JIHOVA?

Ihi i xikina o Jimbangi ja Jihova?

Ihi i xikina o Jimbangi ja Jihova?

O Jimbangi ja Jihova a xikina kuila ‘mikanda ioso a i bhusu kua Nzambi, mikanda ia kubhandulula.’ (2 Timote 3:16) O Bibidia i tu kuatekesa kuijiia kiambote o Mubhangi ua ngongo ioso, i tu kuatekesa ué kusanguluka ku muenhu.

O Bibidia i zuela: “Phala a k’ijiie kuma eie ngó uavu o dijina dié dia Jihova, kumoneka luiadi; eie-muène ngó Suke-ku mu ngongo ioso.” (Jisálamu 83:18) Kienhiki, etu tu bheza ngó Jihova Nzambi; kuma tu Jimbangi jê, tu bhanga ioso phala kuijidisa ku athu o dijina diê.Izaia 43:10-12.

Kuma tu Jikidistá, etu tu xikina kuma Jezú, “Mon’a Nzambi,” * uéza mu ixi iu ua kituka Mexiia. (Nzuá 1:34, 41; 4:25, 26) Kioso kiafu, mu kubhita izuua, Jezú a mu fukununa iu ua vutuka ku diulu. (1 Kolindo 15:3, 4) Mu kubhita thembu, muéne ua kituka Sobha ia Utuminu ua Nzambi. (Dijingunuinu 11:15) O Utuminu iú, unguvulu ua kidi, ua-nda bhanga o ixi kukala Palaízu. (Daniiele 2:44) O Bibidia i zuela: “Oso-phe alenduka, ene alundula o ixi; A kala ku ngalasa ni kutululuka kuavulu.”Jisálamu 37:11, 29.

O Jimbangi ja Jihova a xikina kuila, o itumu ia Bibidia i tena ku kuatekesa o athu ni kua bhekela mbote. (Izaia 48:17, 18) Mukonda dia kiki, tuene mu kaiela o itumu ia Bibidia. Mu kifika, o Bibidia i tu dimuna kueha o maukexilu a xidisa o kilunji kietu ni mukutu uetu, kála o kubuakula mba kúnua jidroga. (2 Kolindo 7:1) Ki tuene ué mu nua kiavulu, kubhanga undumbu ni kunhana, mukonda o Bibidia i tu tangela kuila kituxi.1 Kolindo 6:9-11.

^ kax. 5 O Bibidia i zuela ué kuila, Jezú “Mona umoxi-èlele ua Nzambi,” mukonda muéne a diangela o ku mu bhanga, Nzambi ua mu bhange ué sé kikuatekesu kia muthu uéngi.Nzuá 3:18; Kolose 1:13-15.

“Kioso ene kia mu tanga o Bibidia, ene a xikina kuila Nzambi muéne ua mu zuela ni ene. Maka oso-oso a moneka ku mienhu iâ, ene a sota milongi mu Mak’â Nzambi phala kua kuatekesa. . . . Ene a xikina kuila o Mak’â Nzambi ala hanji ni kutena kua ku kuatekesa muthu.”—Mutuameni ua Katolika ngana Benjamin Cherayath, jornal Münsterländische Volkszeitung, Alemanha